قريب ملكتي وخايفه ..

[همساتــ]

السلام عليكم ورحمة الله وبركاته
اخباركم عزيزاتي
انا قريب ملكتي .. بس مابعرف ليه خايفه بعرف ان هذا الشيء طبيعي .. بس خوفي بشكل مو طبيعي خصوصا اني ما اعرف شيء في امور الزواج واستحي اسئل ..
هو راح يشوفني ليلة الملكه .. احس بطيح من طولي اول مره رجال غريب راح يشوفني ..
واللي مخوفني اكثر انه ملكتي مو مطوله يعني بينها وبين العرس فقط شهرين .. احاتي متى راح اشتري جهازي ووووو وفترة ملكتنا ماراح اشوفه الا مره او مرتين يعني لسه ماراح اعتاد عليه خصوصا انه مو من عيلتنا وسكنه بعيد عنا ..
شوروا علي انا اعتبركم خواتي

 

[جعفريه و أفتخر]

ألف مبروك مقدما و الله يهنيج يارب حبيبتي لا تخافين و لا تحاتين هذا أمر طبيبي و إن شاء الله كل شي سهالات و الله يسهل أمورج و أي شيء تبينا إن شاء الله ما نقصر معاج كلنا و الله يوفقج يا رب...

 

[دلوعه ناعمه]

اول شي مبروك وترى خوفج هذا طبيعي لانج بدشين حياه يديده توكلي على الله ولاتحاتين ودام اول مره بيشوفج خليج واثقه من نفسج واكشخي ولبسي احلا لبس ولاتخافين من شي والجهاز جدامج شهرين لو تطلعين يومياً بشهر تخلصين

 

[دريم]

الله يوفقج

 

[كليـ دلعـ]

الف ممبروووك مقدماا

لاتخااافين ولاشي

ذكري ربج وادعيه

وسنعي روحج وخليج قمر١٤ زي مابيؤووولووو

وعززي ثقتج بنفسج

وخليج ثقيييييييييييييييييييييله وهاديه

لاترتبكين ولاتكونين مهزوزه

ولاتضيعين هاللحظات ترا هذي احلا لحظات العمررر

وبشهرين بإذن الله يمديج تخلصين

اول شهررر تجهيز وثاني شهر راحه وعنايه

ومبرووووووووورورررورك

والله يكتبلج اللي فيه الخيره

 

[بعد روحي]

حبيبتي الله يهنيج ويوفقج..
واستعدي حق حياة يديدة ومسؤوليه
خلج جريبه من الله واستغفري وايد وصلي عالنبي
عشان الله يسعدج ويوفقج
بالنسبة للجهاز احس شهرين يكفون!
آنه في اسبوعين اجهز عادي لووول

 

[غلاي رورو]

ياعمرررري الف مبرررررررروك


اقري سورة قريش قبل لاتدخلين وان شاء الله ماراح ترتبكين

 

[سلطانه العتيبي]

الله يوفقك ا شاء الله ..... والخوف شي طبيعي وهو ترا احلى شي في البدايه شعور غريب بكره راح تكون ذكريات حلوه وبالتوفيق

 

[زوجة عزيز]

الله يوفقج يارب خلج طبيعيه حبيبتي مافي الا العافيه ليش الخوف !

 

[ابي اصير ممثلة]

لا تخافين ولا شي اكيد بتكلمينه بالتليفون بمدة شهرين بينكم مكالمات وبالنسبة للتجهز يمدي تجهزين

 

[ولــــيـــنـــا]

عادي ليش خايفه اعتبري نفسج داشه عياده اسنان لووووووووووووووووووووووول

 

[سكــره]

الله يوفقك

 

[همساتــ]

مشكورين حبايب قلبي طمنتوني كثير
ماراح انساكم من دعائي في ليلة ملكتي ^_^

 

[Habibat Abooha]

الف مبروك الله ويهنيج
عادي لاتحاتين كلنا كنا جذي ومع الوقت تعودنا
باجر لي تزوجتي راح تحنين لأيام الملجه
الله يوفقج

 

[someone like u]

مبرووووك
الخوف شي طبيعي .. الزواج له رهبه .. وان شالله بتخف مع الوقت
والجهاز نظمي نفسج وبتخلصين بسرعه ان شالله

 

[بدورة القمورة]

الف الف مبرووووووووووووووك الله يتمم عليج ياالغلااااااااا


مافيج الا عااااااافيه شي طبيعي


بس انصحج تقرين سوره البقره كل يوم بترتاحين ان شاءالله