قروب ( غادة ) لصاحبات الشعر الخفيــــــــــــف @ يلا نتعاون وبنلقى حلول يإذن الله

[عود اسنان]

كل عام وانتم بخير

 

[البركية22]

انزين اختي البركيه :: تتوقعين متى يتغير الشعر 180 درجه طبعا من عقب الاهتمام والالتزام بخلطه وحده بس مع امبووولات .. وفيتامينات

تتوقعين بعد سنه او سنه وشي ؟؟

هلا الغالية الشعر يبدا يتغير من الشهر الثالث او الرابع من الاهتمام هذا الوقت اللي تحتاجة الشعرة عشان تنمو
وبس تنمو خلاص تهتمين فيها عشان تواصل رحلة حياتها
وتختلف النتايج من وحدة لوحدة
يعني ست شهور من الاهتمام الداخلي والخارجي كفيله انها تبين النتايج وكثر كثر سنه
تصدقين وحدة من قرايبنا كان عندنا عرس كان شعرها عادي لا ثقيل ولا خفيف ووقصير والله لين تحت الجتف بشوي
وعلى كلام حرمة اخوها اللي تصير اخت زوجي ان هي تعاني من الثعلبة وايد تستعمل الثوم تقصمها وتفركهم على شعرها
اتخيلي مرت 6 شهور وزارتنا هالحرمة طاحت شيلتها عشان تعدل شعرها
ماصدقت اللي شفته ماشاء الله شعرها صاير غليظ ووطويل وقاعدة تلفة والله مثل ذيل حصان تمت تلفة لفة لفتين 3 4 ماشاء الله طويييييييل خلال ست شهوراو اقل
انا استغربت ورحت قلت لاخت زوجي اخت ريلج شو مسوية بروحها مامداها توه من ست شهور شعرها يادوم تحت لجتف
قالت لي هي صح وايد تغير شعرها قلت اساليها شو تسوي جان تقولي انها عندها ثعلبة كل ما قاعدين في البيت تحط ثوم لشعرها


المهم ست شهور كفيلة لاحسن النتايج
خاطري استعمل الثوم بس ريحته قوية والمشكلة اني متزوجة ولو كنت مو متزوجة والله بحطه وبحط ابوه مايهمي اهم شي احصل شعر غليظ وطويل بس عندي ريل اخاف يشرد

 

[دينا1]

ايوه صادقة النتايج تطلع من 3-6شهور بشكل ملحوظ
يعني لو الاهتمام بدء من الحين راح تطلع النتايج بالصيف على خير​

 

[Miss-LuLu]

سجلوني وياكم انا وياكم قلبا وقالبا شعري خفيف وفيه اماكن وايد خفيفة

حاليا عندي زيت الجرجير بستخدمه ، استخدمته مرتين بس

يعني ماقدر احكم عليه

 

[REMMEEE]

بنات
من كثر ما يمدحون الثوم ودي اجربه
بس من عندها حل للريحه

 

[البركية22]

حبيباتي اوصيكم ونفسي بتقوى الله
وبكثرة الاستغفار تر مثل السحر الاستغفار بنية العلاج

وخلي شعارج قبل كل شي

(لازم ارضي ربي عشان ربي يرضيني)

لان لو ربج مو راضي عليج ولا راضي بعلاجج لو تجربين علاجات الكون كله ماراح ينفع

 

[((shoOoshoOo))]

البركيه : صاجه حبيبتي الثوووم الحل السحري حتى أخصائيه الشعر وايد تمدحه لي بس اللي مخوفني الريحه ..
وبعد هم الصدقه بينه العلاج وايد زينه

تسلمين حبيبتي وايد استفدت من كلامج ^_^

 

[REMMEEE]

حبيباتي اوصيكم ونفسي بتقوى الله
وبكثرة الاستغفار تر مثل السحر الاستغفار بنية العلاج

وخلي شعارج قبل كل شي

(لازم ارضي ربي عشان ربي يرضيني)

لان لو ربج مو راضي عليج ولا راضي بعلاجج لو تجربين علاجات الكون كله ماراح ينفع

صاجه اختي انا امس يمعت كل زيوتي واغراضي الي استخدمها للشعر وقريت عليهم المعوذتين والفاتحه 7 مرات

 

[دينا1]

هاي بنتوتات كيفكو
انا اليوم ببدء بالماسك بحطه شوي
بنات وربي جدولي تراه حلو سو بحث بقوقل عن جدول حور الجنان لشعر وشوفوا تجارب البنات

 

[REMMEEE]

بنات مين عندها حل حق ريحت الثووم

 

[دينا1]

ماسويت الماسك مالقيت زبادي والبقالات تسكرت قهر

 

[خمـرية الخـْد]

صبــاااااح الخيـــرررر
سجلوووني وياكم غاده :ggdw:

بنات انا عمري 19 سنه وشعري خفييييييييف حيييل
توني يوم قريت الموضوع .. استوعبت ان لما بلغت ويتني الدوره شعري تغير 180 درجه وبدأ يخف
عكس قبل كان يضرب فيه المثل من كثاااافته .. تهقون الخلل بالهرمونات ؟
واذا بسوي تحليل حق الهرمونات وين اروح بلييز دلوني​

 

[مرجوجه بالمرره]

ريم القوافي مشكورة عالإفادة ياعسل :eh_s(6): ..



معقولة زيت السمسم طلع لها بيبي هير :eh_s(1): ..



والله يمكن ليش لا .. التجربة خير برهان ​

جيـت انـآ :eh_s(6):
شـوفي أول شي
انا كنتـ دآيم أخلطه مع خلطآتي حقين الزيوت
وقريت بـ نشرة أن زيت السمسم يكثف الشعر ويطوله
أستآآآآآآآنست حدي
وحتى حبـة البرركه ,,
تجنن للشعر

زيت السمسم معروف انه يطلع شعر
تعرفون كلكم زيت انوب الهندي معروف انه يوقف يكثف الشعر اعتقد انه يحتوي على زيت السمسم

وانا اخذت زيت من مركز مشهور بالامارات يطلع شعر يديد ووايدين جربوه وطلع لهو شعر ومكتوب انه يحتوي على زيت السمسم بس ما استعملة لحد الان


بنات لما تستخدمون الزيوت سخنوها عشان تسهل على الفروة امتصاصها هذا كلام خبيرة تجميل

لآ التسخين يقولون أبد أبد
مـو زين !!
انا احطوه بآرد عآتي يعني
ع درجه حرآرة الغرفه !

وسـلآم عليكم

 

[مرجوجه بالمرره]

دقيقه وححده سألت
عن ريحة الثوم

حبيبتي اذا ماتبين ريحة الثوم حطي مع الزيت اعواد قرنفل .. مسمار.. وبتخفف الريحه
واذا دخلتي تتروشين اغسلي شعرك زين بالشامبو وبعدها حمام زيت والاهم قبل لاتطلعين من الحمام اشطفي شعرك بــ فنجال نسكافيه فوقه مويه وكبيه على شعرك
وخليه شويه وبعدها اغسليه بالماء وطلعي وماراح تشمين الريحه ابد
وللاحتياط فقط وشعرك رطب شبي فحم وبخري شعرك وهو رطب هذا المهم
ودوري عاد ريحة الثوم بشعرك

منقول من عـآلم حوآء

 

[om MaRyooM]

بليز بنات ..


من وتقدر توفرلنا هالمنتج ؟؟ تييبه من النت او اذا احد بيروح لبنان ؟؟

حبوب Ducray والله جربته بس شهر قام يطلع شعر صغيرونو وماقام يطيح شعري .. الحين وقفوه بالكويت في منه بس الشامبو والامبولات

هذي صورته

 

[البركية22]

اختي مرجوجة انا اتكلم عن تسخين الزيت مو انج تخلينه وايد يسخن لا
يعني تسخين بسيط عشان في زيوت وايد تمسك خاصة في البرد وفي زيوت غليظة مثل لسمسم والخروع تسخنينهم شوي عشان شوي تفكين كثافته
انا سمعت هالكلام من خبيرة شعر

انتي شو سمعتي خبريني ليش مو زين
خلنا نستفيد ونعرف انتي من وين سمعتي او قريتي
وكل الشكر

 

[البركية22]

بنات طول فترة العلاج
حاولو ماتسشورون الشعر ولا تصبغونة وتكونون ناعمين مع شعوركم
خاصة وقت السبوح لان الشعر مع الماي يكون في اسوا حالاته ويكون ضعيف عشان جي يقولون لكم لاتمشطون شعوركم وهي مبلولة
وحاولو تستعملون شامبو خالي من المواد الكيماوية والبلسم حطوه بس على الشعر لاتقربونه عالفروة لان يساقط الشعر حتى لو كان احسنن انواع البلسم
وبعد ماتخلصون سبوح خلو الشطفة الاخيرة لشعوركم بماء معدني عشان ماتخلون ترسبات الكلور اللي تكون في الماي العادي في شعركم


انا هاذي طريقتي استعمل شامبو بدون مواد كيماوية وبس غيرته بشامبو من وصفة دكتورة ضد التساقط قام شعري يطيح بشكل مو طبيعي لانه لو ضد التساقط يحتوي على مواد كيماوية ورديت مرة ثانية له
البلسم اي نوع عادي لاني ماحطة الا على ساق الشعر بس
ودوم اشتري كارتون مماي مسافي واحطه عزكم الله ف يالحمام كل ماخلص سبوح اشطف منه




ادري وايد رزيت ويهي بس والله لاني اعاني مثلكم صرتو دوم فبالي وكل شي اسويه واستفيد منه ابيكم تستفيدون منه مثلي
حتى والله كل ما ادعي لنفسي ان الله يشافي شعري ادعيلكم كلكم
وادعولي ان شاء الله يوقف تساط شعري هالشهر وارتاح صارله فترة 3 شهور يتساقط
الحمدلله على كل حال الف الحمدلله

 

[((shoOoshoOo))]

فديتج البركيه احس النصيحه طاالعه من قلبج

ان شا الله تتغير شعووورنا يآرب وتصير كثيفه لدرجه مانقدر نلم شعرنا ^_^
واذا على تساقط الشعر ماكو احسن من 7 تمرات تاكلينهم يومياا + امبوولات بليكسل هذي اقوى الامبوووولاتـ بشهاده دكتووووره واهيا اللي نصحتني فيهــآآ جزاها الله خير ..

 

[Miss-LuLu]

السلام عليكم

انا الصراحه تعبت من شعري رحت الصيدلية وشكيت لها الحال لوووول

وعطتني 3 اشياء حق شعري + خذيت حبوب مكمله غذاء حق الشعر والبشرة والاظافر

عطتني من ماركة gerovital شامبو + بلسم + لوشن حق الشعر عشان ينبت

قالتلي تحطينه كل يوم على الاماكن الى مافيها شعر وتدلكين ، وعادي اذا ماغسلتيه

والشامبو طبعا عالاقل مرتين بالاسبوع ويا البلسم

لما حطيت اللوشن على شعري حسيت ريحته ريحت حلبه لوووول

وخذيتلي حبه من المكمل الغذائي

 

[Miss-LuLu]

بنات طول فترة العلاج
حاولو ماتسشورون الشعر ولا تصبغونة وتكونون ناعمين مع شعوركم
خاصة وقت السبوح لان الشعر مع الماي يكون في اسوا حالاته ويكون ضعيف عشان جي يقولون لكم لاتمشطون شعوركم وهي مبلولة
وحاولو تستعملون شامبو خالي من المواد الكيماوية والبلسم حطوه بس على الشعر لاتقربونه عالفروة لان يساقط الشعر حتى لو كان احسنن انواع البلسم
وبعد ماتخلصون سبوح خلو الشطفة الاخيرة لشعوركم بماء معدني عشان ماتخلون ترسبات الكلور اللي تكون في الماي العادي في شعركم


انا هاذي طريقتي استعمل شامبو بدون مواد كيماوية وبس غيرته بشامبو من وصفة دكتورة ضد التساقط قام شعري يطيح بشكل مو طبيعي لانه لو ضد التساقط يحتوي على مواد كيماوية ورديت مرة ثانية له
البلسم اي نوع عادي لاني ماحطة الا على ساق الشعر بس
ودوم اشتري كارتون مماي مسافي واحطه عزكم الله ف يالحمام كل ماخلص سبوح اشطف منه




ادري وايد رزيت ويهي بس والله لاني اعاني مثلكم صرتو دوم فبالي وكل شي اسويه واستفيد منه ابيكم تستفيدون منه مثلي
حتى والله كل ما ادعي لنفسي ان الله يشافي شعري ادعيلكم كلكم
وادعولي ان شاء الله يوقف تساط شعري هالشهر وارتاح صارله فترة 3 شهور يتساقط
الحمدلله على كل حال الف الحمدلله

اييي حبيبتي البلسم لما عطتني اياه الصيدلية قالت لي شعرج جاف قلت لها اي و قلت لها اخاف يطيح شعري؟ قالت حطيه على ساق الشعر بس لا تقربينه حق فروه الراس :eh_s(1): عشان يرطب الشعر