قروب ( غادة ) لصاحبات الشعر الخفيــــــــــــف @ يلا نتعاون وبنلقى حلول يإذن الله

[يارب تشافيني]

السلام عليكم يا اخوات
هذي اول مشاركه لي واتمنى تقبلوني معاكم
والموضوع حمسني وخلاني اشارك واقولكم سالفتي

انا وحده شعري وااايد خفيف بس ماكان جذي لما كنت صغيره
بس لما ياتني الدوره وبلغت عفست شعرري
وانا دورتي مو منتظمه وماكنت اهتم لان كنت اسمع انه بنات صغار في سني دورتهم مو منتظمه وانه عادي
ولما اكبر واتزوج كلشي بيتعدل واهملت نفسي ولا تعالجت
عقبها قمت الاحظ انه شعري يستااقط وصار خفيف والكل يشوف شعري يقولي خفيف ولما اروح الصالون يقولون لي خفيف
وقررت اني اتعالج عند دكتور جلديه لأن سبب لي تعب نفسي
وعطتني بخاخ مينوكسيدل ريجين هو صح خفف التساقط وشعري مو من النوع الي يتساقط واايد بس لين تساقط مايرجع يطلع شعر مكان المسام ومن جذي يصير خفيييف وطلبت مني اسوي تحاليل دم وطلع كلشي عندي طبيعي الااااااااا هرمون الذكــوره
حطو تحتها مليووون خط .. آآخ من هالهرموون اللي متعبني
وقالت لي انتي لازم تعالجين نفسج من داخل وتعدلين هرموناتج وبعدين شعرج بيرجع طبيعي وبيعتدل
ونفس الشي رحت حق دكتوره نساء وقلت لها دورتي مو منتظمه وشعري يتساقط وشعر في جسمي وايد
وسوت لي اتراساوند وقالت لي عندي تكييس على المبايض وهو الي مسبب لي الخربطه كلها

ولما قريت بالنت عن اسباب ارتفاع هرمون الذكوره طلع لي من الاسباب هو تكييس المبيض
وانه اعراض ارتفاع الهرمون تساقط الشعر والصلع عند النساء وانا صاير لي خفيف بالوسط مثل الريال لما يصلعون اكثر شي بالوسط

وانا حالياً اتعالج عن التكييس والله يشافيني ان شاء الله ادعوا لي بنااات
صج تييني حاله نفسيه لما اشوف شعري وبالمناسبات اضاايق اكثر لما افكر شبسوي في شعري
بس املي بالله كبير وانه كل مشكله ولها علاج

 

[Mo7aSbChia]

^

نفسي

الله يشافيج ويشافيني انشالله

ادعولنا بنات

 

[miss.lol]

ام حمد وين كنتي تاخذين الابر و عند منو؟؟؟

 

[أم حمد =)]

ام حمد وين كنتي تاخذين الابر و عند منو؟؟؟

هلآ .. كنت اخذها عند دكتور اسامة سرور اهوه رئيس قسم الجلدية بمستشفى الهادي .. الجلسة ب 30 دينار ..

 

[((shoOoshoOo))]

السلام عليكم يا اخوات
هذي اول مشاركه لي واتمنى تقبلوني معاكم
والموضوع حمسني وخلاني اشارك واقولكم سالفتي

انا وحده شعري وااايد خفيف بس ماكان جذي لما كنت صغيره
بس لما ياتني الدوره وبلغت عفست شعرري
وانا دورتي مو منتظمه وماكنت اهتم لان كنت اسمع انه بنات صغار في سني دورتهم مو منتظمه وانه عادي
ولما اكبر واتزوج كلشي بيتعدل واهملت نفسي ولا تعالجت
عقبها قمت الاحظ انه شعري يستااقط وصار خفيف والكل يشوف شعري يقولي خفيف ولما اروح الصالون يقولون لي خفيف
وقررت اني اتعالج عند دكتور جلديه لأن سبب لي تعب نفسي
وعطتني بخاخ مينوكسيدل ريجين هو صح خفف التساقط وشعري مو من النوع الي يتساقط واايد بس لين تساقط مايرجع يطلع شعر مكان المسام ومن جذي يصير خفيييف وطلبت مني اسوي تحاليل دم وطلع كلشي عندي طبيعي الااااااااا هرمون الذكــوره
حطو تحتها مليووون خط .. آآخ من هالهرموون اللي متعبني
وقالت لي انتي لازم تعالجين نفسج من داخل وتعدلين هرموناتج وبعدين شعرج بيرجع طبيعي وبيعتدل
ونفس الشي رحت حق دكتوره نساء وقلت لها دورتي مو منتظمه وشعري يتساقط وشعر في جسمي وايد
وسوت لي اتراساوند وقالت لي عندي تكييس على المبايض وهو الي مسبب لي الخربطه كلها

ولما قريت بالنت عن اسباب ارتفاع هرمون الذكوره طلع لي من الاسباب هو تكييس المبيض
وانه اعراض ارتفاع الهرمون تساقط الشعر والصلع عند النساء وانا صاير لي خفيف بالوسط مثل الريال لما يصلعون اكثر شي بالوسط

وانا حالياً اتعالج عن التكييس والله يشافيني ان شاء الله ادعوا لي بنااات
صج تييني حاله نفسيه لما اشوف شعري وبالمناسبات اضاايق اكثر لما افكر شبسوي في شعري
بس املي بالله كبير وانه كل مشكله ولها علاج

الله يشافيج حبيبه قلبي ويزرقج بالشعر الكثيييييييف

تتعالجين عند منو ؟؟

 

[فراشة العز]

بناااااااااااااااااااااااااااااااااااااااااات والله ماني مصدقه باللي قاعد يصير بشعري

التساقط خف بشكل ماتتوقعوته من قبل كنت أصيييييييييييييييييح عليه وحالتي حاله ملابسي وغرفتي كلها

شعر يطيح قدامي ولاني قادره أسوي له شي بس بفضل ربي سبحانه ثم قرأتي على الأشياء اللي

أحطها على شعري ساعدتني في حل مشكلة هالشعر

أولا مثل ماقلت لكم أنا أستخدم منقوع الزعتر اللي لوأتكلم عنه من اليوم الى بكره ماأوفيه حقه

قبل لا أحطه في شعري أقرى سورة الفاتحه 7مرات واية الكرسي 7مرات والمعوذتين

وبسم الله الذي لا يضر مع اسمه شيئا في الأرض ولا في السماء 3مرات وبعدين أرشه على شعري

ثانيا استخدمت شامبو ومن أول مره حسيت أنه قلل النساقط بشكل ملحووووووووووظ وان شاء الله

يوقفه نهائي وارتاااااااااااااااااح من بعد ماتركت الشامبو اللي عطاني اياه الدكتور بس استخدمته اسبوع

خشن شعري وقطعه وخلاني موقرعه لا نص قرعه قلت خلااااااااااااااااااااص توبه من الشامبوات الطبيه

لكن هذا الشامبو غيييييييييييييييييييرشامبو فيتو وأنا توني من قبل كم رد أسأل البنات عنه قلت خليني أجربه

واتكل على الله بصراحه كلمة روعه قليله عليه عاد أنا قلت اليوم لازم أجي أخبر البنات وأنصحكم تجربونه

وتفرحون مثل مافرحت اليوم من بعد سنه معاناه ولا أن بعد خوااااااااافه ماأغامر بأي شي يساقط شعري

في البدايه بس أنا أقول لكم عن الشامبو في شامبو اسمه فايتو صناعه فرنسيه وفي شامبو اسمه فيتو صناعه

تركيه وهذا للي أقصده التركي بالأعشاب وشريته من الصيدليه ب39ريال وان شاء الله اذا قدرت أصوره لكم

واذا تبون تتأكدون بحثو عنه في القوقل وبتشوفون ان ولا وحده من البنات تذمه واذا استفدتوا أبيكم تدعون لي

يرجع شعري مثل أول ويرزقتي ربي بالزوج الصالح

 

[امـ عـسـكـر]

وانا بعــــــــــــــــد معااااااااااااااااااااااااااااااااااااااكم احس ودي ابجي من الحره ع شعري

شعري حالة حاله أخف من الخفيف وتساااااااااااااااااااااااااااااقط فظيع ومصلعه من جدام

بالعربـــــــــــــــــــــــــــــــــــــــــــــــــــــــــي >>>>> يفشــــــــــــــــــــــــــل


حسره علينا نرقص بشعورنا >>>>>تفشل تفشل تفشل (((بوااااااااااااااااااااريــــــــــــــك)))



غاده بليـــــــــــــــــــــــــز وانا بعد معاكم والله يجزاكم خير اذا عطيتوني الحل

 

[امـ عـسـكـر]

بنااااااااااااااااااات شنو احسن الحبوب اكلتوهم وجابت نتيجه مذهله ومتى بينت معااااااااااااااااكم؟؟؟؟؟؟؟


فراشه العز >>>حبيبتي متى بينت معاااااااااااااااج النتيجه بمنقوع الزعتر؟؟؟؟

 

[فراشة العز]

أم عسكر حبييبتي شوفي منقوع الزعتر أنا كنت أحطه قبل لأنام ولازم تدلكين شعرك اذا حطيتيه واذا صحيت أحط ماسك روب ومايونيز

وعسل لأن الزعتر شوي يجفف الشعر وأغسله بعد ساعتين والنتيجه بينت بعد شهر ونص تقريبا وكنت أحطه أحيانا ثلاث أو مرتين

في الأسبوع

أما من ناحية الحبوب أنا عن نفسي ماأكل حبوب لأني من داخل كل شي عندي سليم وعارفه أن العله في فروة الراس لأنها ضعيفه

من الخلطات اللي عذبتها فيها

شوفي البنات يمكن يساعدونك فيها

 

[يارب تشافيني]

يابناات والله نفسيتي تعبااانه من هالشعر آآخ
ورفيجتي عازمتني على خطوبتها والله افكر ما اروح بسبه شعري يفشششل
وانا مابي العب فيه ويتعب اكثر
تهقون يرجع شعري طبيعي بعد ما اتعاالج ؟ وشلون اهتم فيه هالفتره
شنو الي تنصحووني فيه ؟

 

[يارب تشافيني]

فراشه العز
شنو طريقتج للزعتر المنقوع ؟ وهل حسيتي خفف التساقط ونبت لج شعر ولا شلون ؟
ياريت تقولين لي طريقتج وتجربج بالتفصيل
وشرايج بالسدر ؟ افكر استخدمه وحتى لو نشف شعري عادي لان شعري دهني ويتلصق ويبين خفيف اكثر

 

[دلع قحطان]

حطييت منقووع الزعتر على شعرري

ولجيت بغسله بحط حمام زيت دابر فاتيكاا

موفقين

 

[عاشقة يويو]

وانا بعد معاكم انا اعاني من تساقط فضيع ماعرف شنو السبب سااااااااااعدوني وراي زواج

 

[فراشة العز]

فراشه العز
شنو طريقتج للزعتر المنقوع ؟ وهل حسيتي خفف التساقط ونبت لج شعر ولا شلون ؟
ياريت تقولين لي طريقتج وتجربج بالتفصيل
وشرايج بالسدر ؟ افكر استخدمه وحتى لو نشف شعري عادي لان شعري دهني ويتلصق ويبين خفيف اكثر

والله يالغلا أنا كاتبه طريقة الزعتر من قبل بس عشان عيوووووونك بكتبه مره ثانيه

شوفي جيبي قدر وحطي فيه كاسين ماي وخليهم يغلون على النار وبعدين حطى عليه ملعقة حبة البركه مطحونه وخليه شوي

يفوح يعني اذا قلب الماي أسود طفي الناروبعدين جيبي ملعتين زعتر بري وحطيه عليهم وبعدين غطي القدر لازم تغطينه

لأن الزعتر فيه زيوت طياره يعني بتروح اذا ماغطيتيه وخليه لمدة 6ساعات واذا ماقدرتي أقل شي 4ساعات وبعدين صفي

الماي ورشي على شعرك بالبخاخ وحطيه في الليل قبل ماتنامين عشان فايدته تكون أكثر واذا تساقط شعرك كثيف حطيه

في البدايه كل يوم في الأسبوع الأول بعدين ثلاث مرات في الأسبوع الثاني بعدين مرتين في الأسبوع الثالث بعدين استمري

مره في الأسبوع ولازم المداومه وأنا قلت باستمر عليه لمدة 6شهور لأن الشعر مايطلع ولا يبين الا بعد مده ولاتنسين هاذي

أعشاب موثوم ولابصل بسرعه يطلع الشعر يعني تاخذ وقت وأنا للحين ماشفت شعر طالع لأن توني شهر ونص مايمديه

يطلع وبعدين يختلف الشعر من وحده الى وحده والزعتر حلو للشعر الدهني لأنه يجفف الشعرشوي عاد أنا شعري جاف

أحط ماسك قبل لاأغسله

بالنسبه لسدر اذا فروة راسك ضعيفه أنصحك لاتستخدمينه لأن السدر قوي على فروة الرأس وبيساقط الشعر

وحتى اذا داومتي عليه وجيتي بتركينه بيتساقط شعر أنا فكرت مثلك في البدايه قلت ليه ماأرجع للسدر والله يوم كان شعري

في صحته يتحمل أي شي أحطه حتي السدر كنت أحطه اذا خلصت من الدوره يعني مره في الشهر وكان كثيييييييييييييف

ومن صرت ألعب فيه من خلطه الى خلطه صار ضعييييييييييييييف مايتحمل أي شي وبعدين فكرت في السدر قلت برجع له

وبس حطيته يمكن خذت خمس دقايق وأنا في الحمام وغسلته والله أني بغيت أصيح في الحمام تساقط فضيييييييييييع

وفي المشط يطييييييح خصل خصل قلت وش عاد بقي من شعري قعدت أفكر ليه الأول اذا حطيته مايتساقط وألحين يطيح

بجنون تذكرت أن شعري كان صحي وقوي أما ألحين ضعيف ومايتحمل أي شي

يلا عاد أبيكم تستفيدون لأني قلت لكم قصة حياتي مع هالشعر >>>>>>>>حشا ماتنعطى وجه

 

[فراشة العز]

اليوم رحت قصيت شعري كاريه عشان تروح التقصفات عادالفلبينيه اللي تقص شعري تقولي

أنتي شعرك يتساقط قلت في نفسي ماشفتي شي الأول خصل خصل تطيح بس ألحين خف الحمد الله وبعدين قالت لي

أنا بعطيك فيتامين زي الأنبولات تقوي الشعر من شركة شاين مويست أحطها قبل الاستشوار

حطيتها اليوم في شعري صار في لمعه حلوه واستشورته من بعد انقطااااااااااااااع

 

[بيرشكا]

اشلونكم يابنااااااااااااات :eh_s(6):


لكم وحششششششششششششه


من زمان ما دخلت مشغولة والله ،، واوقات ادخل النت ومايفتح المنتدى ..

المهم .. ابشركم التساقط عندي خف عن اول بكثيييير .. وهذا بفضل الله سبحانه أولاً

وبفضل الحنه ثانياً .. قلت لكم انا اعرف دوا شعري الحنه ثم الحنه :ggdw:


المشتركات الجدد معانااااااااااااااااااااااا /

يارب تشافيني

امـ عسكر

عاشقة يويو


:ggdw:

اسفرت وانورت واستهلت وامطرت .. هلا فيكم :eh_s(6):


.


.​

 

[بيرشكا]

فراشة العز يعطيك العافية عالفوائد اللي ذكرتيها



ومبرووووووووووووك عالقصة

 

[دانة الاحرار]

عادي اشترك معاكم ؟؟


<< تو الناس ,,,,






انزين انا استعمل شامبو غارنييه حلو ينعم الشعر ويخلي ملمسه ناعم ,,,


واستخدم خلطة زيوت ...


وبرد استخدم حنه ,,,




بنات ما تعرفون ماسكات تكثف الشعر ,,,


اوووبز لا لا اقصد توقف التساقط أول وبعدين تكثف الشعر,,,,

والله التساقط اللي بشعري يفشل اللي ما يتفشل ,,, تخيلو وصلت فيه البجاحه انه بس امسكه بيدي يطيح ( لمى امسح على شعري ) ,, يعني عندكم شي يقهر هالبجاحه ,,, احسه حقير شعري لمى يطيح ,,, خاطري اسئله شنو مشكلتـــــك مع الويه تحجى ,,, جان زين يقول ليش يطيح << هلوست


ابي شي مفعوووله قوي ,,

 

[تفكوره]

انا بعد بنظم معكم
انا شعري ماقولكم كاان واااو وكثيف بس على الاقل كثافته وسط
وفي يوم من الايام وكان يوم اغبر <<<< قصة سندريلا على غفله خخخخخ
رحت وقصيت شعري قصه مو طبيعيه صار شكله كثييييف قصه عجيبه وحضرت عزيمه وكل من شافني يشهق انتي شمسويه بشعرك ويمسكونه ويحركونه
ياحضي على بالهم كثيف هذا من القصه العجيبه
المهم من عقبها يهر بشكل مو طبيعي اليييييين صار فيه صلعه خفيفه من قدام
رحت دكتور عطاني حبوب حديد وفيتامينات وبخاخ ريجن واستمريت عليه 3شهور
بصراحه تحسن شعري والفراغات اللي قدام نبت فيها شعر وصار مغطي الفراغات كلها
جينا للكارثه الكبرى والنكبه اللي نكبني فيها الدكتور لما جيته مره ثانيه موعدي قالي البخاخ لازم تستمرين عليه مدى الحياه
انصدمت صدمة حياتي قلت بخليه ماراح استمر شنو بيصير؟؟؟؟؟؟؟؟
قال وبكل برووود الشعر اللي طلعه البخاخ بيهر باقل من شهر بيروووح بحححححححححح
انا خليته ماضمن البخاخ يمكن ينقطع من الصيدليات بعدين ادق اصبع
وخليته ورجع شعري خفيييييف وصلعه من قدام ساعدوني تكفوووووون

 

[فراشة الرغد]

تجــــــاربي في الشعر يـــــــا بنات واااايد وجربت العيادات والزيوت والاعشاب والحنة وو
بس الي عرفته والي فادني الاستمرار .. وتغيير الاكل .. مع ان كان فيني صلح مو شعر خفيف
وصلت لدرجة الصلع يا بنات .. شعري كان متن الصبعة لصغيرة اذا مو ااضعف .. لكن الحين
تغطت فروة راسي وكملت لي سنة وشهر من الاهتمام والعناية .. بقول لكم اشياء تفيدكم ..
بس ارجع اقول لكم الشعر يبي له فترة شوفو انا على ما تغطت الفراغات خذيت لي سنة .. ويبيلي
بعد هالسنة عشان اكون واثقة من شعري جدام الناس..وفي المناسبات .. وانتو يبي لكم صبر لان
ما بعد الصبر الا الراحة .. تخيلو شعركم واشلون بصير طويل وكثيف ولامع بدون تساقط..

1. كلي كالسيوم .. حليب او روب او لبن .. بشكل يومي .. انا اخذ لي شي من هالاشيا يوميا
ليحين .. يا بنات خاصة ان اهيا مفيدة للجسم عامة ..
اخذي حديد .. فلفل اخضر او جرجير الخضروات الخضراء .. او كبدة ..او كيوي دخليها في اكلج ..
انا قمت اشرب حلبة وزنجبيل ودخلت الفلفل الاسود اكلي لانه مفيد ..
وقمت آخذ رشاد يوم في الشهر لانه مفيد واهو اول يوم في الدورة .. وبس
واكلو بروتين .. البيض واااااايد مفيد للشعر يا بنات .. واكلو ربيان وسمك ودجاج فديتكم
اكلو جزر فيه فوسفور مفيد للشعر .. واكلو فواكه وخضروات عامة ..

2.اخذي عشبة من الاعشاب .. او حتى اكثر من عشبة اغليها في ماي و
صفيه وحطيها ببخاخ واحتفظي فيه بالثلاجة ويوميا بخي شعرج فيه قبل النوم ..
اكليل الجبل
البابونج
الاملج
المريمية
السدر
الزنجبيل
الجرجير
الريحان
النعناع
الآس
الحبة السودة
بذرة الكتان
الرشاد
نواة تمر

3.استخدمي زيت .. او خلطة زيوت ..
برشح لكم كم شي سهلين
1.زيت جوز الهند منقوع فيه قشر موز وحلبة
2.زيت جوز الهند منقوع فيه ثوم او بصل
3.زيت جنين القمح
4.زيت دابر املا
5.خلطتي الي استخدمها حاليا : حلوة وانصحكم فيها
زيت جوز الهند
زيت دابر املا
زيت الصبار
زيت الجرجير
زيت الخردل
زيت اكليل الجبل
منقوع فيه حلبة ونواة تمروقشر موز

زيت الجرجير يوقف التساقط من اول اسبوع يا بنات
اكليل الجبل واااايد حلو للتكثيف والصبار بعد

مو تترسون شعركم زيت حطي باطراف اصابعج بس .. ودلكيه
10 دقايق او ربع ساعة .. وانتي ترددين بسم الله البديع ..

مو تمشطون شعركم واهو مبلل .. الشامبو موب تحطونه على الشعر مباشرة
خلطوه مع ماي في كاس عقب استخدموه .. والله يكثف شعوركم وشعري