قروب بنات التلقيح الصناعي .. حياكم هنا 2012

[al_kadee]

امبيه آسفه قصدي اليوم هو الثامن من الدوره مو بعد الدوره لا توني غاسله منها قبل 3 أيام. والسونار الشهر اللي فات كان بناء على طلب الدكتوره قالت لي لازم نفحصج انتي ۆ زوجج ولمن سوت لي السونار قالت لي. مقاسها 15 تخرعت قلت دكتوره صعيره صح قالت لا زينه باجر تكبر لان انتي توج يوم 13 من الدوره بس هالشهر انصدمت شلون مع الحبوب المنشطه للحين مابينت البويضه ولا حتى 4. ساانتي

 

[عسل حدي]

الله يرزقج يارب ويعوضج خير

 

[دلوعة ميشو]

سبحآن الله بنآت مو مكتوب آسوي التلقيح
قبل لا آروح لـ دكتورتي آمس اللي المفروض آسوي تحاليلي ثاني يوم دوره
كلمت المستشفى قالوا الدكتوره طالعه مؤتمر تعاليلها الخميس
و مآبغيت آطوف الموعد علشان لازم ثاني يوم التحاليل
طول الطريق و آنآ آقول يآرب آكتب لي اللي فيه خير لي و آستغفر
رحت لـ دكتوره ثانيه بنفس المستشفى بس انها مو متخصصه حق التلقيح بس نساء و ولاده
و كتبت لي على تحاليل و سويتها نطرت النتيجه
و طلع عندي هرمون الحليب مرتفع شوي
حيل تضآيقت لأن ضروفي مآتسمح لي آسويه كثر هالشهر
و زوجي مآخذ آجآزه و آنآ قآعده بالكويت علشان التلقيح
و الدكتوره تقول يمكن مآتستجيب الأبر اذا الهرمون مرتفع
حسيتها مو متأكده كلامها فيه شك
آخر شيء قالت بكره رآجعي دكتورتج تأكدي منها لأن هي مختصه بهالامور
و هي آدرى مني
و آن شاء الله خيــر

 

[عسل حدي]

انشالله خير

 

[al_kadee]

ايه حبيبتي إذا هرمون الحليب مرتفع مايصير حمل مع إن والله في بنات يرضعون ومع هدا حملوا سبـحان اللـه كـل شـي على اللـه بس مايمنع ان الانسان يسعى ويعالج لذلك اخذي حبوب تنزل لج الهرمون بعدين توكلي على اللـه وسوي التلقيح عسى اللـه يرزقني ويرزقكم بهالشهر. يارب

 

[عسل حدي]

للرفع

 

[rachaaa]

يارب ارزقنا. ذريه صالحه معفاة

 

[عسل حدي]

امين يارب العالمين

 

[rachaaa]

حبيبتي هرمون الحمل مايمنع لا تخافي يمكن تيجي من رب العالمين هالشهر وتحملي طبيعي

 

[عسل حدي]

امين يارب

 

[دلوعة ميشو]

صبآحكم خير ..
بعد الصبر والعناء تأتي السعادة و الرضا
والله سبحانه أكرم الأكرمين
يعطي بلا حساب لمن يشاء

قلت لكم آن الدكتورهـ قالت لي هرمون الحليب مرتفع شوي
و مآيصير هالشهر تلقيح
آمس رحت حق دكتورتي اللي كانت بـ مؤتمر و مآ حصلتها
يوم تحليلي
و قالت لي نسبة الهرمون حيل بسيطه
و في ناس حتى ما تآخذ لهالنسبه علاج
طلبت تسوي لي سونآر دآخلي
و سويته صج يذبح بس الله يعوضنا آن شاء الله بالفرح
و الحمدلله المبآيض عندي سليمه و آموري تمآم
و قالت نبدأ بالكلوميد بس ما أخذته من ثاني يوم
تقول يوم السبت آبدي فيه يكون لي خآمس من الدوره
و الحمدلله على كل حــآل دعوآتكم لي بنآت عسى ربي يرزقنا جميع

 

[al_kadee]

^دلوعه الحمدللـه يارب ان كـل شـي تمام وان شاء اللـه باذن اللـه كلنا حوامل هالشهر. بنات إللي جربوا التلقيح ماني فاهمه يعني يعتبر مثل أمر الجنابه يعني لازم نتسبح أول مانرد البيت ؟. وبعد في سؤال ثاني. لاخلصت أحس بألم أو ممكن ينزل دم بسيط بعدها ولالا ؟ ومتى الدكتوره تحدد التلقيح يعني تسوي لي سونار وتقول من باجر تعالي ولا تعطيني جم يوم .عفيه. مو فاهمه شـي. احس أين ضايعه ? زوجي كذلك موفاهم شالطبخه

 

[دلوعة ميشو]

الكآدي .. مسألة الاغتسآل آنآ بسأل فيها مفتي لأن مو مقتنعه آنها مو مثل الجنآبه
و الشغله الثآنيه حتى لو بغيتي تتسبحين المآي لآزم يميل للبروده مآيكون حآر
و الآلم آن شاء الله شيء بسيط بس وقتها و مجبورين نصبـر الله يعوضنا
الدكتوره تحدد التلقيح < بعد مآتسوي لج السونار يوم 12 من الدوره و تشوف
حجم البويضآت إذا حجمها منآسب ممكن يكون التلقيح بعدها بيوم آو يومين
هذآ كلام دكتورتي آنآ موعدي السونآر آن شاء الله 4/8
يآرب يكتب لنـآ الحمل المعآفى و تقر عيونآ ب شوفة عيآلنآ عآجلاً غير آجل


إذا ربي كتب لي الحمل رآح يكون تحليلي بعد التلقيح بالعيد ب إذن الله

 

[سمراء كويتية]

لا حبيبتي ما تتسبحين
و عادي ينزل شوية دم بعد التلقيح

 

[نكهةالبرتقال]

السلام عليكم
شلونكم بنات

أنا قليلة الدخول

سويت تلقيح صناعي الشهر اللي طاف و فشل نزلت الدورة

الله كريم يرزقنا كلناا

للعلم ان في وحدة كانت مسوية معاي بنفس اليوم و الله رزقها الحمد لله

كل شي بقدر

 

[نكهةالبرتقال]

بغيت اقولكم ان الموضوع بيد رب العالمين انا ما عندي مشاكل صحية او زوجي

و تحصل استجابة للمنشطات وقت التلقيح و كل شي

بس ما يصير معاي حمل - االله يرزق الجميع

 

[عسل حدي]

للرفع

 

[عسل حدي]

ربي لا تذرني فردا وانت خير الوارثين

 

[سمراء كويتية]

مساء الخير يابنات
التلقيح ما نجح معاي
هذي اول مره اجرب سبحان الله كل حلات الدكتوره كانت ناجحه مع اني الاكثر نسبه بكل شي بس مالله كاتب
احتمال نحاول بعد رمضان و الله كريم

 

[سمراء كويتية]

في دكتوره او دكتور تنصحوني فيه مع ان دكتورتي شاطره بس بجرب غيرها