قروب بنات التلقيح الصناعي .. حياكم هنا 2012

[حبيبة ملوكي]

مرحبا بنات انا ضيفه جديدة تو نزلت عندكوم بهالقسم وياااااااااااااااارب يجعلها بدايه جميلة وخير ورزق علي ويكون وجهي حلو عليكوم يارب وتحملون يارب << موجني طولتها خخخخخخ
انا ودكتوري قررنا اني اسوي هالشهر تلقيح صناعي طبعا من بعد كورس علاج مدة ثلاث شهور كلوميد وابر منشطة وكلوفاج وكرتزيون وهالسوالف وربي ماكتب ولله الحمد
وهالشهر صرف لي الكلوفاج والفوليك وابر منشطة لحين الالمراجعه تاسع يوم من الدورة ويجيك على وضع البويضات والبطانة ويقرر اذا يناسب تلقيح ام لا هالشهر

وبثثثثثثثثثثثثثثث اتمنى اننا مانطول بهالقسم وبعد شهر ننتقل كلنا لقسم الحمل والولادة يااااااااااااااااااااااااااااااارب قولوا امين

 

[عسل حدي]

حبوبه دام ماحملتي عالمنشطات منقبل لاتسوين التلقيح سوي الصبغه عرفي انه كل شي سليم عقب سوي تلقيح لاتغلطين غلطتي

 

[LOLOB]

هلا بنات شلونكم انا اليوم 7 يوم من التلقيح احس بألم الدوره اليوم تكفون انا خايفه تنزل هل هالشي طبيعي ولا لا

 

[EL-bawarah]

السلام عليكم :eh_s(8): الصراحة هالقروب شجعني إني أسوي تلقيح صناعي ، صارلي متزوجة سنتين وماحملت وسويت كل الفحوصات والحمدلله إني سليمة و لكن زوجي عنده قلة في العدد و الحركة ، والحمدلله تبارك الرحمن استمر على علاج الدكتور خالد الطيب وزاد عنده العدد فقررتلي الدكتور التلقيح وبدأت بالكلوميد و اليوم الابره التفجيرية و التلقيح إن شاء الله يوم السبت والله قادر على كل شي سبحانه .و سامحوني على الإطالة :eh_s(7):

 

[rachaaa]

حبيبتي عوار الدورة من علامات الحمل لا تخاف

اهلاين فيكي حبيبتي وانشالله بتحملي من اول تلقيح يارب

بنات دكتوري قالي اريح هالشهر وقالي بعد مو زين المنظار لحاتي لان الحمدالله تبويض زين

 

[LOLOB]

بنات انا اليوم لي 9 من التلقيح سويت تحليل حمل بالبيت طلع ماكو شي!! ضاق خلقي و صكت فيني الدنياا

 

[rachaaa]

حبيبتي وايد مبجر عالتحليل نطري عالاقل ليوم ١٢

 

[LOLOB]

شكلي بعيده يوم 12 و انشالله يارب يارب حامل وايد قاعده احاتي

 

[rachaaa]

يارب ياعمري حامل وتفرحينا

 

[عسولةريلي]

السلام عليكم خواتي ممكن كل وحدة تقول عند أي دكتور تعالج
علشان نستفيد من بعض ​

أنا سويت اول مره عند د/ عالية الفضلي بالهادي
والثاني عند دكتوره طيبه بالصباح كانت دكتورتي رائدة الفضلي بس للأسف كانت بإجازه
والثالث مره عند د/ حازم رميح بالصباح
والرابع عند د/ حازم ولكن انتقل ورديت أوراقي عند د/ رائدة الفضلي وللأسف بوقت العمليه ما يييت أعتذرت ليش ماأدري
أللي سويت لي العمليه د/ طيبه بعد​

وألحين براجع عندها
عند د/ رائده بعد ..... بس خايفه بعد أراجع عندها
ريلي مو راضي يقول راجعي عندها



بس أنا افكرأعالج عند ... باترك

​

أشرايكم بدكتور باترك بمستشفى لندن ​

أبي رايكم خواتي قاعده أفكر أراجع عنده​

 

[عسل حدي]

باجر اشعة الصبغه ادعولي

 

[LOLOB]

عسل عسى الله يسهل عليج حياتي و ماكو الا العافيه انشالله

 

[عسل حدي]

حبيبت قلبي فطيتج انا طالعه الحين رايحع عسى الله يسهل

 

[rachaaa]

عسل شنو صار معاج اليوم يلا شلون اذا تعورتي فيها يعني واين زين

 

[EL-bawarah]

السلام عليكم بنات آنه اليوم سويت التلقيح الصناعي عند دكتوره أمبرين اللي مع دكتوره فوزيه القطان صراحه ما ارتحت لها كلش كنت أراجع عند دكتوره شيماء بالاول ولكن للاسف اطلعت من العياده ورحت لأمبرين قبل لا تسويلي التلقيح اليوم كنت رايحه متفائله بس الله يسامحها حبطتني تقولي مالچ أمل في التلقيح سويه مرتين بس اذا مانجح لاتضيعين وقتچ على طول سوي أطفال أنابيب الله يسامحها بس الرزق من الله مو منها ربي رحيم و اهو اللي بيرزقني إن شاء الله

 

[EL-bawarah]

اللهم إني آمنت بقضائك و قدرك ....... فارزقني مايتمناه قلبي

 

[عسل حدي]

يعور فركت مكاني بس العوار ١٠ دقايق وراح ولاكنه في شي والنتيجه سليمه الحمدلله الشهر الياي بسوي تلقيح مره ثانيه

 

[Hanan82]

بنات انا سويت تلقيح لثاني مره وفحصت الاربعا طلع حمل ضعيف واليوم سويت التحليل الهرموني 5.7 وحكالي الدكتور ضعيف ورح ارجع اعيده بعد يومين واذا ضلت النسبه قليله حكالي مارح ينجح ؛ مو عارفه شو اسوي اي وحده صارت معها وكانت النسبه قليله هيك ؟!

 

[Hanan82]

بالنسبه لاشعة الصبغه اختي سوتها بالمواساه الجديد ؛ من غير بنج . وصلت الموت والله ؛ طلعت تزحف على رجولها ونزيف قعد ٣ ايام وماتقدر توقف من الالم ؛ تعقدت من شي اسمه اشعة صبغه بس شفتها هيك ؛ حتا الدكتور قلي اسويلك ماقبلت .

انتو باي مستشفى سويتوها ؟! وبنج او من غيز بنج ؟!

 

[rachaaa]

الحمدالله عالسلامه عسل العوار بس دقيق اصلا بس تمشي الصبغة بس اذا تعور يعني قاعدة تفتحي

انا سويتها بطيبة كلينك كنت ب ٦٥ الصبغة ٦٠ والابرة المسكنة قبل الاشعه ب ٥ بس
والحمدالله النتيجة كل شي سليم