قروب بنات التلقيح الصناعي .. حياكم هنا 2012

[rachaaa]

حبيبتي الله يرزقكم بالحمل السليم ويفرح قلبي وقلبكم انا اليوم يصيرلي اسبوع مسوية التلقيح يارب ياحنان يامنان لا تضيعلي تعب

بس طلب انكم تدعولي ​

 

[عسل حدي]

يارزاق ياكريم ياوهاب يارب ارزقنا الذريه الصالحه

 

[emo2]

امين يارب ترزقك رشا ليش انتي موحامل قريتللك موضوع عن الحقن المجهري حامل

 

[emo2]

عسل قولليلنا عن اعراض اللي جتك يوم كنتي حامل قبل التحليل

 

[LOLOB]

بنات كل وحده تقول شنو نظامها لما سوت التلقيح الصناعي من ناحيه الراحه و النظافه و الاكل اهم شي لان انشالله التلقيح الصناعي بكون اخر الاسبوع ف مادري شسوي خايفه !!

 

[احلى شبوصة]

اللة يرزقنا كلنا ياااااارب اختي lolob اشربي بردقوش زين للهرمونات ويهي الرحم للحمل وفية لبتن عشبة الجنجنس حطية بماي واشربية وحاولي بعد التلقيح ترتاحين راحة كاملة واللة يرزقج يارب بنات خاطرة ببالي فكرة ودي اعطي زوجي قبل اخ\ عينة السائل المنوي منة اعطية فياغرا شرايكم تري اتكلم صج مو مزح

 

[rachaaa]

حبيبتي موضوع الحقن هذا قديم
انا كنت حامل ونزلت

 

[سيكولوجية]

ساميه أنا مثلج
الدكتورة قالت لي تجين 13 يوم الدورة اشوف حجم بويضات إذا اوكي عطيج ابره تفجيريه
وثاني يوم تلقيح


بنات ودي اسألكم
شنو المشاكل اللي فيكم عسى ربي يرزقكم ويرزقني


أنا عن نفسي تكيسات وريلي عنده ضعف بسيط

 

[عسل حدي]

لا يا ام الفيلجرا
الفياجرا مالها شغل بالحيوانات المنويه
الفياجرا تساعد عالانتصاب فتره طويله

 

[عسل حدي]

لايكون تغلطين هالغلطه

 

[shayto0oNa]

انا ضعف تبويض وتكيسات

وسويت تلقيح 4 مرات وماصار حمل

وبنات ديرو بالكم تاخدون ادويه حريم وخلطات وانتو بتسووون تلقيح ترا موزين !! ياتتركين المنشطات وتاخذين خلطات ياتتركين الخلطات وتاخذين منشطات !! استغرب من بعضكم ؟!!!

وعن نفسي لما وصلت لبويضه الحجم المطلوووب صليت شكر ودعيت ربي يباركلي فيهم واخذت التفجيريه وكنت مهتمه باكلي وااكل ريلي اكثر مني مهتمه فيه لان لازم العينه تكون ممتازه والحمدالله وصلت عينه 140ماشاء الله الدكتور يقول احسن عينه مرت علي ماشاء الله تبارك الرحمن

كنت اعطيه كل يوم عسل و عصاير طبيعيه افوكادو وبرتقال وموز

وكل اكلنا سي فود سمج وربيان وقباقب

قطعنا المشروبات الغازيه

اهو مشى على فيتاميناته وانا ماقطعت الفولك اسد

وبيوم التلقيح اصلي ركعيتن واقرى سورة البقره قبل لااروح

وادخل على وضوء

وبعد التلقيح انسدحت نص ساعه

ومايصير تتسبحين بماي حار او تسوين حمام مغربي

مايصير تشربين اعشاب واشياء حاره وقطعي القهوه

ومارسي حياتج الطبيعيه بس لاتشيلين شي ثقيل

لاتنامون بالفراش يابنات ترا بتتعبون نفسيا

والدكتور حذرني من هالشي قالي ( بوصي حتى لو بتلعبي متش مش مشكله ) لوووول المهم لاتشيلين شي ثقيل

ويااارب يرزقكم بالذريه الصالحه

 

[emo2]

طيب حملتي ولالا

 

[emo2]

انا مشكلتي هرمون حليب مرتفع وفيني زوئد صغيره بالرحم تقول بسيوللك تلقيح اذا مافاد عمليه اشيلج الزوايد ووزوجي عنده لزوووجه والله يرزقنا ياررررررررررررب

 

[emo2]

عسل حدي وش الاعراض اللي جتك يوم كنتي حامل؟؟؟؟؟؟؟؟

 

[samyah a.o]

انا تكيسات وزوجي سليم. ولله الحمد..
ربي ارزقنا من واسع فضلك بنات شفت عملية التلقيح على اليوتيوب كنت اضن قبل انه إذا وقفت بعد العملية ونزل شي خلاص راحت علي لاااااا
سبحان الله هم يحقنونها قريب المبيض يعني في قناة فالوب والقناة اصلآ مقوسة على تحت ف سبحان الله ما يحتاج ننسدح على ظهرنا مدري كم يوووم والكلام الذي منه,,,,
عيشي حياتك طبيعي وإنسي إنك مسوية تلقيح بس طبعآ ماتشيلين شي ثقيل وما تكثرين طلوع الدرج وما تمارسين رياضة مجهده
والله الرزاااااااااااق

 

[shayto0oNa]

لا للحين ربي مارزقني

 

[emo2]

الله يرزقج ويرزقني ياررررررررررررررررررررررررررب

 

[عسل حدي]

عادي جتني نفس اعراض الدوره بس مانزلت وصدري كبر وصار ياابس والم وحللت حامل وربي ما اراد يكتمل واجهضت ماحسيت اعراض حمل عادي

 

[rachaaa]

عسل انت اشكتر كنت حامل لمل نزلتي ​

 

[rachaaa]

انا عندي تكيس بس هذا مشكلتي وزوجي طبيعي الحمدالله بس
حتي التكيس عندي مو وايد يعني انا عالمنشطات تبويض وايد صير زين
الله كريم ربنا يرزقني الحمل تدرون شنو المشكله الكبيره ان الحمل عن طريق التلقيح او الحقن مومضون ابدا يعني ممكن اجهاض في اي لحظة بس كل واحد يسوي الي عليه ​