قروب بنات التلقيح الصناعي .. حياكم هنا 2012

[emo2]

سميه متى بتحللللين اي يوم حتى انا اليوم لي 7 ايام وانتي8 يعني يارب نكوووون حوامل وبنفس التجمممممممع ياررررررررررب

 

[samyah a.o]

والله ما أدري بس بمسك نفسي ليوم الأثنين الجاي ان شاءالله وبسوي تحليل يالإثنين او الثلاثا الإنتظار صعب بس أهون من إني أحلل وتتعب نفسيتي يارب راضية بما كتبت لي فإلطف بي يارحيم الي تقول بنتها سنتين ترى تو الناس بس الله يرزقك عاجل غيرأجل أنا ولدي بسم الله عليه عمره5سنوات وكل ماشاف احد عنده بيبي قام يسأل منين جبتوه حنا نبي مثلة والناس يقولون قول لأبوك يشريلك واحد وهات صراخ وبكي أشرولي واحد والوحده شينه دايم مطفشني العبي معاي وأغلب الوقت بس لحاله قاعد ولا يلعب وهذا مو زين له لكن الله كريم....والحمدلله أحنا بخير ونعمة فية ناس يقولون لهم من الأخر مافية مجال تحاولون وكل شي بيد رب العالمين إن شاءالله هواين...

 

[samyah a.o]

بنات صبروني وأصبركم وأحتسبوا الأجر إن شاءالله إذا قلتلكم بحلل قولوا لا انتظري لين مايمر 14يوم بس أحيانآ أقول في نفسي بقعد لين اليوم ال15أو ال16بس عارفه أنه كلام أخاف بكره أحلل...

 

[rachaaa]

حبيبتي الله يصبرك ويصبرنا يارب وتمشي الايام بسرعه ومانحس فيها انا امس كان تلقيحي واليوم اول يوم انتظار الله يعين عالانتظار

بس انا ماادري هالمره شلون انا سويت تلقيح قبل بس هالمره مو حاسة بشي يعني حتي مغص مافي ماادري شنو يعني انا خايفة بس متوكله علي الله ربنا لا يضيعلنا تعب ونحمل يارب بذرية كامله

بس ابدا مو حاسة بشي لا بمغص ولا شي ماادري خايفة​

 

[د.أطفال]

الله يثبت مافي ارحامكم ياااااارب

رشا وساميه و ايمو
وين سويتو التلقيح وعند منو وكم كلفكم؟

 

[عسل حدي]

ربي لاتذرني فردا وانت خير الوارثين

 

[rachaaa]

حبيبتي انا عن نفسي انا سويتها بالسلام عند دكتور محمد بكري

كلفتني اول مره :
المرة الاولي : 180 كلفتني
التانية : 120

التلقيح بس 50

بس انا قاعدة اخذا ابر وايد والمثبت مالي غالي وقاعد بعد اخذ ابر سيوله لمدة 14 يوم كل يوم واحده بعد التلقيح ​

 

[عسل حدي]

مادري ليش محمد بكري احسه صاير مادي كل مارحت ابي افحص قالي سونار داخلي وتلقيح

 

[emo2]

هلا حبيبتي انا من السعوديه بمستشفى حكوووووووومي


الله يرزقنا بالذريه ياررررررررررررررررررررررررررررررب وعسى ربي يرزقك ياعسل وسميه وكللللللللللل البنات

 

[عسل حدي]

امين يارب

 

[samyah a.o]

انا بمستشفى حكومي بعد بالسعودية الله ييسرلك ويكتبلك الي فيه الخير

 

[samyah a.o]

ايموتو انت وين سويتيه بأي مستشفى انا بمستشفى القوات المسلحة بالرياض

 

[rachaaa]

عسل شلون يعني انا احاسة مو مادي حتي الابرة قالتلها غالي غيرهم اعطاني ارخص

بس احس ان واثق زيادة من نفسها هالشي يخوف تصدقي ان ماطلب مني حتي اعيد التحليل مع ان انا قبل ما ارجع للعلاج كنت حامل ونزلت يعني اكيد هرموناتي معفوسة ماادري والله عسل

عشل تري اختي حملت طبيعي بعد اشعة الصبغة في نفس الشهر الي سويت الاشعة فيه خذيت ابر منشطة وحملت مشالله واللحين ولده جدامه توكلي علي الله تري اشعة الصبعة مهمه وايد ​

 

[عسل حدي]

حبيبتي ماقلت مو مادي قلت احس انه مادي الادويه نار والتلقيح اغلى من المستشفيات الباجيه واول مره رحتله ترا توني متزوجه وقالي تلقيح مع اني سليمه وسويت التلقيح بيوم التلقيح قالي زوجج الحركه بطيئه عنده جان من الاول كتبتله تحاليل احسه خربوطه مارا اسوي عنده الصبغه بشوف فوزيه القطان بكري احس كبر خلاص

 

[عسل حدي]

اييي موغد دورتي تاريه ١٣ بس تنزل بروح اسويها
اختج منو دكتورها؟

 

[عسل حدي]

تخيلي سوا المره الثانيه تلقيح كان زوجي متعالج جان يقولي تبويضج مو مرتفع كفايه انزين عيل ليش عطيتني تفجيريه جان زدتلي الابر يوم ولا ٢ احسه مو متمكن يسوي روحه واثق عالطل وثالث تلقيح احس مادري مو مضبوط وسالفة ربع ساعه يخليني منسدحه احس غلط المفروض اكثر

 

[emo2]

انا بمستشفى اليمامه ياسميه الله يرزقنا

 

[عسل حدي]

الله يرزقنا كلنا

 

[emo2]

امييييييييييييييييييين

 

[د.أطفال]

مشكورين بنات رشا و ايمو وسمية الله يسمعنا عنكم أخبار حلوة وتباشير قريب ان شاء الله

بصراحة 180 سعر اوكي
انا سمعت اسعار توصل 500
انا الشهر هذا كنت مسوية صبغة وماخذة تفجيرية و نزلت الدورة بوقتها..
الله كريم يارب ترزقنا كلنا