قروب بنات التلقيح الصناعي .. حياكم هنا 2012

[shayto0oNa]

ام عزيزان مبروووك حبيبتي والله يثبته ان شاء الله

بناااات ابشركم نزلت 5 كيلووو وجسمي صار اينن ويومي حلو مستانسه حدي ولا اعرف انا اي يوم من التبويض ودخلت فتره التبويض ولا لا مااحسسسسسب مرتاااااااااااحه وروتيني حلو عدلت نومي اقوم الصبح انا وربي نتريق ونروح النادي ولا افكر بالحمال

وانتووو شلووونكم اشتقتلكم

 

[rachaaa]

زين شيطونه حلو تاخذين برررررريك شنو الرجيم الي تسوينها

انسالله تحملين بدون حسابات ولا تفكير يارب العالمين

 

[&هند&]

واااااااااااي حطي محبطه مدري شفيني اعوذ بالله حاسه اني مو حامل مدري ليش يارب اكون حااااااااااااامل ،،،

 

[&هند&]

حلو مشاء الله شيطونه كملي انا ان بعد اذا ما نجحت الله لايقوله هم بدخل نادي ولا راح افكر بالحمال ،،،

 

[shayto0oNa]

رشاا مسويه اشتراك مع دايت كير ايبوون الاكل لين البيت

هند حبيبتي تفائلي وان شاء الله حامل انتي اي يوم من التلقيح ؟؟؟

 

[صفاء البحر]

سويت التلقيح اليوم
و الم فظيييييييييييييييييع........ و احس روحي بتطلع ......... و الحركة وايد صعبة ...... و احس في شيئ بينفجر في بطني ..... و كأنه في شد خصوصا اسفل البطن
مع انكم كلكم قلتو ان ما في الم بعد التلقيح !!
اشفيني يعني ؟
و الدكتور وصف لي تحميلات التثبيت افتر زوجي المسكين 16 صيدلية و ما لاقاه
و يوم اتصلت فيهم قالولي بكل بساطة روحي صرفي الدوا من السعودية !!
​

 

[&هند&]

انا اليوم لي 8 ايام من التلقيح


صفاء اي انا بعد العملية ظهري ذبحني


انزين متى يبين ؟؟؟؟ و هل يبين بتحليل البيت ؟؟؟؟

 

[rachaaa]

هند حبيبتي يااااااااااااااارب حامل وتفرحي قلبي يا ارحم الراحمين​

 

[بزه المرتزه]

يالله الحمدلله عله كل حااال :<
الله يعوضنا يااارب انا ليلحين ناطرتها مانزلت علي
بزه بتكملين علاج ولا هالشهر بتوقفيين

والله احتمال كبير اوقف وبخليها على الله
دام مافيني شي مابي العب بعمري وايد
الله يرزقنا بالذريه الصالحه يارب

 

[rachaaa]

بزه المرتزة حبيبتي الله يكتبلك الي فيه الخير يا عمري وانشالله بقدرة الاحد الاحد ان كلنا نحمل بسهوله ​

 

[Om-3zezan]

صفاء شسم تحاميلج؟ انا ماخذة تحاميل تثبيت وموجودين هني endomertin
وكل وحدة غير عن الثانية سئلي دكتورتج عن الالم .. انا كان اييني الم بالبطن مو طبيعي بين فترة والثانية ويروح ويرد

هند يبين باليوم ال١٤ من التلقيح .. اهو يبين من العاشر بس الافضل تنطرين ليه ال١٤ .. وممكن يبين بتحليل البيت بس مانصح لان ممكن يطلعلج negative وبعدين تطلعين حامل فليش الشك وعوار الراس حللي دم احسن واضمن

الله يعطيكم اللي ببالكم يارب

 

[rachaaa]

تدرون بنات بس لا تضحكون علي انا اشتريت درزن تحليل منزلي والله يارب يارب اجرب هالتحليل ويطلعلي خطين يارب شلون هالشعور ​

 

[&هند&]

رشا ما الومج انا ودي احلل ما فيني صبر يمكن الثلاثاء احلل منزلي ،،،،،

 

[halafh]

شلونكم بنااات انا سويت التلقيح الصناعي بس ماصار حمل والحمدالله على كل حال والحين بديت أخذ أبر التنشيط علشان علاج يديد والله كررريم وراح اسوي هل مره طفل أنابيب وابي منكم الدعاء

 

[فديت من سماني]

انا سويت حقن صناعي مرتين لكن ربي ما كتبها

اليوم جتني الدوره بعد ثاني حقن بكره بروح للدكتور قايلي تعالي ثاني يوم دوره


الله يكتبلي الخير

و يرزقني و يرزقكم الذريه الصالحه المعافى السليمه

 

[فهده 777]

مرحبا بنات الله يرزقنا جميعا عاجلا غير آجل انا اليوم ثامن يوم بعد التلقيح وبدت الاعراض اليوم بس بالجهه اليسار الله يعافيكم حبيباتي خلينا نتكلم بالاعراض بدقه

 

[&هند&]

اي انا بعد احس بالام الدوره استغفر الله عوار مو طبيعي معن باقي عليها 10 ايام معقوله مو حامل

 

[rachaaa]

بنات انا الحين سويت تلقيح عند دكتور بكري والحمدالله سهالات كنت وايد ما حسيت بس مغص خفيف وراح
واعطاني ابر سيوله وتحميل مثبته ادعولي بنات ربي يثبتهم

 

[rachaaa]

تري عوار الدوره اهو نفس عوامل الحمل والله اتوكلي عالله ولا تخافي

 

[&هند&]

بنات حللت اليوم بالبيت تحليل منزلي ولي 10 ايام من التلقيح وطلعت مو حامل هل اعتمد النتيجه ولا ارد احلل دم ،،،،