قروب بنات التلقيح الصناعي .. حياكم هنا 2012

[عسل حدي]

ترا التلقيح مو منون واذا حملتو مايثبت ترا عن تجربه اتكلم
سويته وماحملت وسويته وحملت ونزل

 

[ابدا يالغالي مانساك]

ربي يرزقكم
حبيبتي حدي عسل ربي يعوضج ان شالله
خيره وربي بيرزقج اللي احسن ان شالله ​

 

[shayto0oNa]

بززززه اي اكيد الدكتور قالي اول محاوله نسبة نجاحه من 10_25

اما ثاني مره نسبة نجاحه 30

الثالثه نسبة نجاحه 70

بس يكونون ورا بعض ما تقعدين بينهم عرفتي

انا ان شاء الله بس اضعف 10 كيلووو برد على التلقيح 3 اشهر ورا بعض

 

[&هند&]

بنااااااااااااات انا اليوم لي 3 يوم من التلقيح ونازل علي دم بني شنو يعني حدي خايفه

 

[shayto0oNa]

هنوووده يااارب يكووون حمل وتثبت لان اللي سمعته لما تثبت البويضه بجدار الرحم ينزل شوي دم


ياااااارب تكونين حااااااااامل

 

[&هند&]

تسلمين شيطونه الله يسمع منج بس تو الناس ،،،،

 

[rachaaa]

هند حبيبتي عادي هذا يكون من التلقيح احيانا وهما يدخون ابرة التلقيح ينجرح شي لاتحاتين
وياااااااااااااارب حامل انا سويت مرتين وكل مره شذي ​

 

[صفاء البحر]

نكمل القصة هههههه

ورحت البارحة المستشفى
و للحين البويضات 14- 15
و زيد لي الابر من 75 إلى 150
لمدة يومين امس وحدة واليوم الثانية
و الثلاثاء موعدي علشان يشوف حجم البويضات
و الله اني وايد متضايقة
لحد الحين بس تكلفة الابر 197 دينار
الله كريم

دعواتكم بنات ​

عن جد بنات صارت قصة
و اليوم كان موعدي
و الدكتور يقول ليي للحين البويضة 15 يعني صغيرة
و عطاني مريونال 150 جرعتين يومين .... اليوم و باجر
و قال لي الخميس الساعة 1 الليل الابرة التفجيرية
يعني بيعطيني الابرة التفجيرية بدون ما يشوف حجم البويضو !! احس حتى الدكتور تملل...
هل الوضع طبيعي اني اخذ الابرة التفجيرية بدون ما يسوي ليي الترا ساوند؟

و الله اني خايفة
و حدد لي موعد التلقيح السبت !!!
ارجوكم بنات قولوا لي هل الوضع طبيعي ان يحدد لي موعد للتلقيح بون ما توصل البويضة للحجم المطلوب ؟​

 

[rachaaa]

ماادري صفا بس شلون يعني مايشوف السنار يعني وكم قوة الابرة التفجيرية وبتسوين تلقيح علي بويضه واحده بس
انزين ماقالج ليش ماقاعده تكبر البويضه ماادري شاكه في هالدكتور
بس توكلي علي رب العالمين بالاخر ربنا اذا اراد شي قاله كون فيكون

 

[صفاء البحر]

ماادري صفا بس شلون يعني مايشوف السنار يعني وكم قوة الابرة التفجيرية وبتسوين تلقيح علي بويضه واحده بس
انزين ماقالج ليش ماقاعده تكبر البويضه ماادري شاكه في هالدكتور
بس توكلي علي رب العالمين بالاخر ربنا اذا اراد شي قاله كون فيكون

في اكثر من بويضة بس وحدة اللي كبرت
الابرة التفجيرية 5000 بس بيعطيني جرعتين
خوفتيني زيادة اختي
و نعم بالله
الله كريم​

 

[ســــراب]

..

ربي يرزقكم ياارب بالذريه الصالحه

بنات بـــ ستشيركم ؟؟

انا محتاره بين التلقيح الصناعى .. و اطفال الانابيب

شنو رايكم ؟؟

..​

 

[خطف قلبي]

بنات فيدووووني بلييييييييز

 

[Om-3zezan]

السلام بناااات شلونكم

انا بس بغيت اعطيكم شوية أمل وتتفاءلون وتكملون المشوار بنفسية حلوة

انا سويت تلقيح مرتين ورا بعض والحمدلله ثاني مرة هالشي ضبط وحملت

لحد يحبطكم وخلوا نفسيتكم حلوة وخلكم ايجابيين والله النفسية تأثثثثر استانسوا مع رياييلكم وعيشوا حياتكم

هذا اللي كنت اسويه كنت دايما اقول احنا مرتاحين مع بعض الف الحمدلله وعايشين متى ما الله كتب خير على خير .. وربنا ورا حكمة من هالتأخير والحمدلله هالتجربة كلها كان لها تأثير وايد حلو على زواجنا وقربتنا من بعض اكثر من ما كنا قراب

والحمدلله على كل حال ادعولي ربي يثبت حملي ومايضيع تعب وحدة محرومة يا ربي ويرزقكم كلمم

 

[عسل حدي]

مبروك وانشالله الله يتمم عليج يارب ويرزقج ويرزقنا

 

[خطف قلبي]

بنات ابي احسن دكتورة حق التلقيح الصناعي مالي دكتور
و جم الأسعار؟؟
جاوبوني بنات لا تطنشوني

 

[rachaaa]

بنات اليوم كان موعدي اعطاني الدكتور بعد ٣ ابر زياده وقالي السبت سونار اذا اوكي راح يعطيني ابره تفجرية ويحدد موعد التلقيح ادعولي عفيه بنات

 

[rachaaa]

خطف قلبي مافي دكتور زين شوفي كل واحد تروح عند دكتور تحمل عندها يكون زين بس من تجربتي كل شي من الله سبحانه وتعالي وتلقيح مو صعب اي دكتور يسويه لاتحاتي

 

[سعوديه دبدوبه]

مرحباا حبوبات
انا بطرح تجربتي لكم المرة الاولى عملت تلقيح قبل سنه بالضبط وكنت ماخذه كلوميد وابر منشطة خمسه تقريبا وسعرها تقريبا ٤٧ ريال يعني يابلاش وكان تبويضي كويس نوعا ما بويضتين وتلقحت وحده وحملت والحمدلله على كل حال مافيه نبض وسقطت في شهرين ونصف

والشهر الماضي قلت ارجع اعملها برغم اني سليمة وزوجي سليم ماشاء الله تبارك الله بس في هالسنة زادوزني كثير ورحت اعمل تلقيح ويعطيني الدكتور ابر تحبس البويضة اول مرة اخذها كانت عشر ابر في كل يوم ابرة وفي نفس الساعة وابر منشطة من ثالث يوم لغاية يو م ١٢ اخذت ٩ ابر وسبحان الله في يوم ١٢ كان التبويض ضعيف جدا وكانت الابر في المرة هذي غالية كانت تقريبا ب٢٠٠ ابر المنشطة والابر الي تحبس البويضه ومعطيني كبسولات تحفز الرحم لستقبال البويضة وسبحان الله مالله راد اكمل تعبت من الابر وكنسلت عملية التلقيح هالشهر وقلت انتظر هالدورة تنزل عادي واعملها الشهر الي بعدها وللاسف لي عشر ايام دورتي نازلة وخفيفة جدا لاهي الي نزلت وريحتني ولاهي الي وقفت مدري من الابر الي حبست البويضة ماخلتهاتنفجر وتنزل مرة وحدة والحين اسوي دايت ورياضة عل وعسى ربي يكتب لي ولكم الحمل الطبيعي عاجل غير اجل
اعذروني طولت عليكن

سبحان الله وبحمده سبحان الله العظيم

 

[rachaaa]

حبيبتي الله يعوضلك عن الي راح ويرزقج ذريه ويرزقني وكل البنات امين يارب العالمين

 

[rachaaa]

وينكم بنات