قروب بنات التلقيح الصناعي .. حياكم هنا 2012

[rachaaa]

بناات امس رحت الدكتور قالي شي غريب عندي كيس ماء في المبيض من التنشيط انا صارلي سنتين ونص قاعد اخد منشطات وعادي ما صار شي
انزين شنو يعني كيس ماء وشنو بعد علاجه الله يخليكم ردو علي

 

[emo2]

حبيت ادعيلكم والله ماعندي فكره يامزيونه الشرقيه

لاتخافين حبببيتي بسيط كيس الماء يسون للك عمليه ويشولونه وتحملين يارب بس كيف العمليه ماعندي خلفيه

يارررررررررررب ترزقني وترزقكم

 

[rachaaa]

ليش اهو يقول ماياثر حجمة اقل من ٢ سنتي
تدرين اول مره يصير فيني شذي
مزيرنه الشرقيه شنو ناطره شو طفل انابيب

 

[rachaaa]

اب اب اب

 

[عـسـلـهـمـ..]

بناات امس رحت الدكتور قالي شي غريب عندي كيس ماء في المبيض من التنشيط انا صارلي سنتين ونص قاعد اخد منشطات وعادي ما صار شي
انزين شنو يعني كيس ماء وشنو بعد علاجه الله يخليكم ردو علي

رشااا ديري بالج تسووين عمليات اوشي انا والله كان فيني كيس ماي على المبيض اليساار والدكتوره قالتلي حجمه اربعه وراح ينزل مع الدوره الجايه وماانزل رحت عند ام فيصل بجابر العلي وعطتني علاج ونزل الحمدلله ترى سهل علاااجه لاتخااافين

 

[●¦ بحة النآي ¦●]

اختي رشا ترا كثرة المنشطات موزينه تسبب تكيسات معروف
خففي منها
وروحي لام فيصل حيل يمدحونها

 

[●¦ بحة النآي ¦●]

انا بعد مسويه تلقيح بتاريخ ١٤ و١٦ مايو
هالشهر يعني عند دكتوره هبه بعيادة عللية الفضلي
والله كريم


بس بسالكم بنااااااات
الدكتوره عطتني حبوب المثبت دفستون اكلها ١٥ يوم
راح تنزل الدوره بعد جم يوم اذا تركتها؟؟؟؟؟؟؟؟؟؟

 

[rachaaa]

الدورة تنزل بعد الديفستون من 3 ايام الي 5 بالكتير
يارب تكون حامل وما تنزل

حبيبتي منو ام فيصل ومتي لزام اروح عندها ​

 

[عـسـلـهـمـ..]

ام فيصل اللي بجاابر العلي البناات اللي يراجعون عندهاا مسوين قرووب شووفي الموضووع

انا رحت لها ثاني يووم الدوره

 

[احلى شبوصة]

متي سويت التلقيح ومن متي عطوكم المنشطات بللليز ردو لاني بسوية الشهر الجاي بس المشكلة زوجي عندة ضعف متوسط وبط بالحركة توقعون ينفع معاي

 

[●¦ بحة النآي ¦●]

احلى شبوصه انا نفس حالتج

مايصير تسوين تلقيح الحين ليما تصير تحاليل زوجج اوكي
خليه يروح للدكتور بيعطيه فيتامينات خمس انواع يمكن واذا لزم الامر ابر مقوي
وبعد علاج شهر يشوف الدكتور تحليل زوجج اذا تمام

تسوين التلقيح وتراجعين الدكتوره باول يوم دوره
راح تعطيج ابر تنشيط خمس ايام وبعدها بيومين او ثلاث تعطيج ابرة تفجير
واليوم اللي بعده تسوي التلقيح
والله يرزقج ان شالله

 

[rachaaa]

الله كريم

 

[rachaaa]

ربي لا تذرني فردا وانت خير الوارثين ​

 

[احلى شبوصة]

بحة الناي شلون الدكتورة قالتلي يصير ونسبة النجاح 70 بالمية

 

[●¦ بحة النآي ¦●]

اهو صح يصير
بس مو الاحسن والاضمن ان العدد يكون اقوى؟
عشان ماتكررونها اكثر من مره
والله كريم

 

[LOLOB]

السلام عليكم بنات انا صراحه طحت عالمنتدى فجأه كنت قاعده اسوي سيرج بالنت عن التلقيح الصناعي و التجارب اللي فيه و بالصدفه شفت تجمعكم هذا ووايد عطيتوني امل و سيده سجلت فيييه المهم يا بنات انا اليوم بديت اول مره بحياتي بالتلقيح الصناعي بعد سنتين زواج بدون حمل .. و اليوم لي ثاني يوم دوره و طلع فيني تكيس بس الدكتور يقول عادي ممكن يضبط التلقيح الصناعي
و انشالله خير ادعولي بس

 

[emo2]

الله يرزقناياررررررب

ربي لاتذرني فردا وانت خير الوارثين

 

[عسل حدي]

حبيباتي سألو عن اشعة الصبغه يمكن انسداد بسيط اهو الي قاعد يأ خر الحمل انا بسوي وسألو دكاترتكم لاتسوون تلقيح ورا بعض ومايضبط بدون ماتفحصون الرحم والانابيب بالصبغع ويارب ترزقنا كلنا

 

[LOLOB]

بنات بسألكم في حالات احملو من التلقيح الصناعي من اول مره ؟
و ممكن يتم الحمل و الوحده فيها تكيس ؟
انا وايد قاعده احاااااااااااااااتيي :eh_s(2):

 

[emo2]

ايه حبيبتي فيه ناس حملوا من اول مره ربي يرزقك يارب