قروب بنات التلقيح الصناعي .. حياكم هنا 2012

[عسل حدي]

سويت التلقيح يوم الخميس بس عينة ريلي شويه ٤ ملايين ونص عطاني تحاميل تثبيت قال اقوا من الحبوب وعلي الله قالي جماع ٣ ايام ونوقف واحلل تاريخ ٢٢

 

[سيكولوجية]

عسل

يارب تبشرينا بحمالج انتي وشيطونه وانا وباجي البنات يارب​

 

[عسل حدي]

يارب ادري الله مايقصر وعارف شكثر انا تعبت يارب احمل

 

[shayto0oNa]

سيكولوجيه حمدالله سويت التلقيح بس غرريبه هالمره مافي عواار ولا شي !!!

المره اللي طافت جنه سجاجين ببطني ونغزاات برحمي وظهري ذبحني !!

عفيه بنااات منو نفسي ماحست بشي !!!


عسل حدي ليش التحليل 22 ؟!! التحليل مفروض بعد 14 يوم وانتي سويتي التلقيح تاريخ 5 يعني التحليل 18 ؟؟

انا سويته اليوم وتحليلي 20 ,,

وترا يبين من يوم ال12 من التلقييح

عسسسل تتحركين عادي وتروحين وتيين ولا ماتطلعين من البيت ؟؟؟ انا عااادي الدكتور قالي مارسي حياتج الطبيعيه بس لاتشيلين شي ثقيل

 

[عسل حدي]

حبي انا بعد ثاني مره تلقيح بس هالمره ماكو عوار كلش بس مادري ليش تحاميل تثبيت ليش مو حبوب التحميله احطها واول ماتذوب تنزل تلعوزني وقالي بعد ١٤ يوم احلل مادري ليش قالي عموما انا بحلل بعد ١٠ ايام ويارب هالمره حامل واذا ربي ماكتبها ماراح اعيد التلقيح تعبت من هالحبوب والابر شهرين ورا بعض

وبالنسبه حق الحركه ماطلعت كلش من البيت من الخميس للحين بس باجر دوام بس بدير بالي ما اشيل شي ثقيل ومن هالسوالف

 

[shayto0oNa]

اي نفسي ثاني مره تلقيح وكلششش ماكو عووار والتحاميل تثبت اكثر بس انا ماعرف احطها وعطاني حبوب اريييح

ياحليلج انا اليوم سويته وماقعدت رحت فرفرت بالسووق وطلعت تعشيت برا هههههه ورتبت الشقه يبووووي قلبي بارد

يااارب ياعسسسل حااامل ياااارب ناااطرينج كل يوم دخلي وطنينا عنج

انا بعد اذا لا سح الله ماحلت اراح اعيد تعبت وجسمي خرب بدخل نادي اضبط جسمي وارد حياتي شوي اسافر استانس

 

[عسل حدي]

حبيبتي امين انشالله ويرزق كل وحده بخاطرها بيبيي
التحميله تلوع الجبد لازم عميقه ومن احطها ماتعدي ساعه الا ذابت ونزلت احس موقاعده استفيد منها

 

[سيكولوجية]

شيطونه وعسل ربي ان شاءالله مايضيع تعبكم وتطلعون حمل يارب وانا معاكم
ونبشر بعض قولوا يارب

 

[عسل حدي]

امين يارب

 

[شنوووفه]

بنات مته بالضبط يسوون التلقيح جم يوم يكون طاايف من الدوره انا الحين صارلي 10 ايام وانا اساسا تبويضي متاخر يعمي 17 و18و19 واايد بعيد صح

 

[عسل حدي]

يسوونه ١٢ او١١ يوم من الدوره عقب اللابره التفجيريه

 

[shayto0oNa]

شنوووفه مو شرط حسب متى توصل البويضه الحجم المناسبه اللي اهو 19 وفوق مثلا انا توصل البويضه 19 مره يوم 13 الدوره وشهر يوم 19 الدوره وشهر 15 الدوره ماكووو شي محدد بس اهي غالبا من 11 يوم الدوره الى 19 يوم الدوره

 

[shayto0oNa]

عسل شلونج اليوم ؟؟ انا احس بتقلصات برحمي ونغزات خفيفه !!

 

[شنوووفه]

اي حبايبي مشكوورين :>

انا امس كاان موعدي وكنت عاشر يوم الدوره وطالعتلي بويضتين حجمهم مناسب 13 وكثفتلي الابر وعطتني ياهم لمده 3 ايام والاربعه انشالله موعدي

 

[شنوووفه]

عسل وشيطوونه ياارب تحملوون :>

 

[عسل حدي]

انا احس جنه غازات والم مثل نغرات بخاصرتي بس ماعندكم فكره التحاميل شنو نضامهم لانه احطها داخل عميق وبعد ساعتين تذوب وتنزل هل اهيا قاعده تنزل كلها ولا انا قاعده استفيد مادري شالسالفه الس تعرف ياريت تفيدني

 

[shayto0oNa]

لا عسل اقاعد تستفيدين الظاهر تولينها عنق الرحم بس ماتدخل الرحم

احسن اخذي دوفاستوون حبوب تثبيت انا اخذها

نفسي اليوم النغزاات ذبحتني واااي عووار حسدت روحي
اي تاريخ بتحللين عسل ؟

 

[shayto0oNa]

شنوووفه يااارب يسهل امووورج وتوصل بويضااتج 19 وتحمليييين ياااارب يااااارب

 

[عسل حدي]

تاريخ ١٨ بسودي احلل قبل واخاف ريلي يزفني

 

[shayto0oNa]

من صجج انا مسويه بعدج وبحلل 16 راح يبين

ماشاء الله عليج تقدرين تصبريين