قرقيعان وقرقيعان .. شنو يابولكم قرقيعان ؟؟(بالصور)

[supermarket]

راح اصور اذا يانا شي

 

[bnt_7waa]

هذا قرقيعان حصلته من اختي

من دااخل

 

[june_m00n]

احنا وصلنا قرقيعان اشحلاته مشالله

بس ما صورته غميضه

اهو مثل بيالة حليب كبييره
صحن وكوووب لون واحد ومنقط بأبيض وداخل الكوب القرقيعان بجيس نفس لون الكوب

عاد يايبين لنا اكواب وايد حق الاهل
واحد احمر منقط بابيض

والثاني وردي منقط بأبيض
واكو اخضر وبرتقالي اشوووووووووووووووووووووووووق ماشالله لا اله الا الله

كل واحد احلى من الثاني

الله يبارك لهم ويخلي لهم ما عطاهم

 

[bnt_7waa]

احنا وصلنا قرقيعان اشحلاته مشالله

بس ما صورته غميضه

اهو مثل بيالة حليب كبييره
صحن وكوووب لون واحد ومنقط بأبيض وداخل الكوب القرقيعان بجيس نفس لون الكوب

عاد يايبين لنا اكواب وايد حق الاهل
واحد احمر منقط بابيض

والثاني وردي منقط بأبيض
واكو اخضر وبرتقالي اشوووووووووووووووووووووووووق ماشالله لا اله الا الله

كل واحد احلى من الثاني

الله يبارك لهم ويخلي لهم ما عطاهم

حسافه ماصورتيه شكله يشوق عليكم بالعافيه

 

[MANGA]

وايد حلووووووو

الموضوع احلى بس علموني اشلون احمل الصور من اللاب توب وانا احط


ما اعرف احملهم من مركز التحميل لازم تعطوني خطوه بخطوه (( على الخاص ))

 

[فراولة^فوشيا]

مشكوورين بنات على مرووركم

بنوتة حوا قرقيعانكم يشوق

جون مون شكله يونس القرقيعان حسافه صوريه ،، عليكم بالعافيه

واللي تغلف قرقيعان عيالها نبي نشوفه اذا وزعتوه :d

مانجاوي انشالله اقولج الطريقة

 

[فراولة^فوشيا]

اليوم حصلنا هالقرقيعان

عيال بنت عمي

 

[ضحـاوي]

خوش موضوع

فراولة فوشيا شحلات القرقيعان

احنا باجر ان شالله يمعة القرقيعان عند اهلي

راح اصور الي راح القرقيعان الي راح اييني وانزله ان شالله اذا قدرت

 

[Miss_Tiger79]

هذا قرقيعان عيالي حق اهل ريلي اليوم وزعناه خذيته من رفيجتي

وباجر احطلكم قرقيعان امي وخالتي لاني ليلحين ما استلمته
انشالله

 

[الفنانه79]

هذا القرقيعان وصلنا اليوم

[/IMG]

[/IMG]

[/IMG]

[/IMG]

[/IMG]



وسلااااااااامتكم واي شي يديد بحطه لكم

وان شاء الله احطلكم قريقعامن اعيالي :eh_s(8):

 

[أوكسجين]

ماوصلنا شي ليلحين

 

[شندوخه]

وباجر ان شاء الله حفله قرقيعانا

 

[ظمأ الوجدان]

مشاء اللة حلووووو واللة

 

[Pink GirL]

خوووش موضوع فراولة
الله عليج دايم مواضيعج حلوة مثلج

احنا وصلنا قرقيعان ولد بنت خالي اللي اهي رفيجتج خخخخخ

وهذا قرقيعات بنت خالتي حق بنوتتها

وان شاء الله اذا يانا قرقيعان يديد اصورة لكم

 

[الغاليه نونو]

قرقيعان وقرقيعان ....بيت اقصير وارميضان...عادت عليكم صيام ...كل سنه وكل عاام

الله يخلي ابنيتكم .... الله يخليها لامها..... عسا البقعه ماتخمها ...ولاتوازي علي امها

وقرقعيان وقرقيعان)) انا قرقعت حق بناتكم والحين بقرقع حق اللي عندها اصبيان


سلم ولدهم .. يالله

خله لامه ...يالله

واهني خلصت القرقيعان يالله وين حلاوتي انااااا صوتي راح



اليوم تبارك الرحمن البيت ماخلااااا كل اشوي طاقين الباب ونوزع بالقرقيعان عالفلبينيات والسيلانيات والاندونيسيات والله اليهال مايدرون وين الله قاطهم موتوني من الضحك اللي نايم علي جتف الخدامه واللي بيده الحلاوه يعلج فيها وباجي اليهال اللي يفطنون واقفين مستحييييين يقرقعون اييييييييييييي ليش طالعين عيل مادري هههههههههه

المهمممممممم هذا قرقيعان بنت ولدي وزعناه عاليهال قواطي وفيها حلاو والعاب وخرابيط والله مادري عنه اللي مسويته جنتي وبنتي حق اليهالوووووو بس القرقيعان العوود والليله الكبيره مخلينها حق الزواره يوم اليمعه ابيت اميمتي عسااا ربي يطول لي بعمرها ويطول بعمر امهاتكم والحين مع مفاااجأة الموسم


بحط صورة حفيدتي وقرقيعانها فديت قلبها


يالله بسم الله الرحمن الرحييييييييييييييييييييييييييم بتلاقونها بالتوقيع والصوره المصغره حقي هذا اللي عرفت اسويه لاني حاولت احطها لكم ماعرف وبس عن الفشيله بلا احراجات

 

[MANGA]

ماشالله القرقيعان يهبل كل واحد احلى من الثاني


عليكم بالعافيه ............... ----> انشالله اذا استلمت القرقيعان احط لكم

 

[MANGA]

نونوووووووووو وين الصووووووووووووووره

عندي سؤال ----> تواسي ولا توازي ؟؟؟

 

[Pink GirL]

نونو مافي صور

 

[الغاليه نونو]

نونوووووووووو وين الصووووووووووووووره

عندي سؤال ----> تواسي ولا توازي ؟؟؟

توازي تواااااااااازي يمه مو تواسي هههههههههههههههههههههه


حتي شوفي المعني خربوطه اذا كتبتي تواسي هههههههههههههههه


صورة حفيدتي دلووعتي كااااااهي دارعه بثوب القرقيعان الحمررررررررررررر

وحولها قرقيعان اليهال واقفين بالحوش ينطرون وعمامها يصورونها هههههههههههه

 

[الغاليه نونو]

هذى الصوره وانشااءالله تكون طالعه عندكم واذاا واضحه قولولي احط لكم بعد


والله فشله اشكبري ومااعرف احط صور بس ماعليه يمه تحملووووووني ماني حق صور وسوالف من هالنمونه منكم استفيد والعين ماتعلا عالحاجب