قرصة البعوض .. انقذوني

[رفرف]

شلونكم بنات ...

ابي دوا عاجل وفتااااك لقرصة البعوض ..
في وحدة متوحشة قارصتني على حلجي منيشنة جبح ويه ..
تقولون شيماء علي بس صوب واحد ..
تشوهت يا قدعاااااااان ...
انقذوني دوا كريم تيزاب اي شي ماني طايقة روحي ..

 

[مغرورة بس معذورة]

هلا حبيبتي

شوفي قبل ماتنامين اخذي قطنة و حطي عليها كلونيا
راح تحسين بشوية عوار بس ما عليه انا كل ماتقرصني اجرب هالطريقة
ويومين ولاثلاث الا القرصة رايحة

 

[رفرف]

مشكووووووورة ...


بس يومين ثلاث ؟؟؟؟
بظل وبراطمي جذي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابي شي يفششهم حالا حالا ...

 

[موج الحزن]

اختى عندج لزقه الفكس تلقينها بستى سنتر ممتازة لزقيها بلحظه تروح والله يشافيج ان شاءالله

انا احطها من العام ممتازة وربى اكتشفتها صدفه بس تكفون ادعولى براحه البال

 

[رفرف]

مشكوووووووووووووورة موج بس اقدر احطها على براطمي ؟

 

[شندوخه]

يامعوده نطري هاليومين ثلاث ولا تتعبثين ويتشوه البرطم كله
وتعالي رقعي عااد
خلج على مينونج لا اييج الاين منه

 

[الاسطورية]

سمعت مره معلومه بالراديو بس ماجربتها يقولون مفعولها سريع
تحكين قشره الموز عالقرصه

 

[رفرف]

مشكوريييين ...
ريلي عطاني خلطة كريمات من مصر تدرون البعوض هناك شييييي منتفه تنتف عنده خبرة بهسوالف عطاني كريمين انما ايه اليوم متفوخين شي خفييييييف راح عقب ساعتين او 3 ...

اهمه داكتاكورت وواحد ثاني لي رديت البيت اقولكم شنو

 

[زيـنـه]

الحمدلله على سلامتج و غدا الشر يا رفرف .. مري الصيدليه و ساليهم عن مرهم او كريم لقرصات البق .. لابد عندهم

 

[*دبدوووبه*]

الحمدالله يارفرف
دكتاكووووووورد ؟ من صجججج؟
هذا كريم الاتهاب والفطريات ؟
لوووووووووووووووووووووول
زين والله سوا شي
لونه اخضر زيتي بأبيض ؟ صح
ولون الكريم ابيض ؟بارد لم تحطينه

 

[رفرف]

ايوا عليج نور دبدوبة ادري كريم فطريات بس نفع الحمدلله ماتصدقين شكثر مفعوله سحري ...
لأن شكلي كان اكسسسسس الحمدلله خلال ساعتين او ثلاث وااااايد خف ولما قمت الصبح كان شوووية باقي اثر على ما رحت الدوام الا ماكو شي الحمدلله جان تعقدت ..

 

[*دبدوووبه*]

اي رفرف افا عليج
انا خبره لوووووووووووووووول بالادويه والصيدليات والدكاتره والعيادات والعمليات ........والخ
لووووووووووووووووول
ويالله الحمدالله انه راح

 

[مرت ريلي]

تعطري قبل لا تنامين
سكتي مرة بلبنان مادري
شعضني على عيني قعدت
وحاسة بثقل جان أشوفها
بالمنظرة اخترعت والله جنها
عين سلحوف مسلحف جان
أحطلها كمادات شاي صارت أحسن

 

[الغاليه نونو]

ياعلها الماحي هالبعووضه مالقت غيرج تقرصه صج موشايفه خير جبح ويهها هههههههههههههههههه


سمعيني يمه تاخذين بصله تفلشينها نصين والنص تسوينه ربعين والربع تمسكينه وتفركين فيه برطمج وتخفين بإذن الله وعقب ربع ساعه اخذى نتيفة عسل ودهني مكااااانها بس ديري بالج لااااا ايييج نمل عالدبق هههههههههههههههههههههه وانشاءالله ماعليج الا العافيه