قررت الآتي ×تعالو شوفو وعطوني رايكم ونصايحكم ابدى ماعلينا راحتنا

[عسى الله يهديني]

اتا وحده لاعت جبدي من التدريس ادرس صبيان ابتدائي
مطلعين عين عيني

مو هذي المشكله الصبيان اقدر اتحكم فيهم




بس




الي يلوع الجبد الطلبات الاداريه واوامر ريئسه القسم

بنات ابدى ماعلينا راحتنا الصراحه

حنا جايين ندرس وناخذ معاش وبس
مو نسوي دروس وورش واحتياط ومناوبه واشراف غير التصحيح والدرجات

وحفله مني ومعرض مناك وشاركي وتعاوني ولعنة خير



الي قررته ان اعطيهم اكبر طااف واحقرهم واسوي فقط شغل غير هذا مراح ارد على اكبر راس
لان بصراحه محد يقدرج

شرايكم بنات اسوي جذي ؟؟بس اخاف اذا بغيت استئذان يستنذلون عليي

وعلى فكره نظام مدرستنا ان اذا تبين استذان لازم ترجينهم قبلها بيوم ويمكن ترضى ويمكن لاا

وييييييع ودني اطنشهم لا اسوي ورش ولا دروس ومعاشي ماشي​

 

[zezenya]

المعلمه اكثر مهنه متعبه خاصه مع الصغار

الله يعينك اختي

 

[عذبة الأوصاف]

والله تعبنا ومعاشنا طاير ع برنامج الطابور وع الدروس خافوووا ربكم شوي ارحموا ترحموا والله انا مناوبة واشراف لا وأودي البنات للمسرح بالشمس ياكلون ويخلصون واردهم الصف ولا اتريق مرات الا11 مو حرام حصص وضغط واحتياطات ولافية يمة ارحميني

 

[J'taime]

آخ بس ماودي اقرا هالموضوع وانا بالعطله .. قلبتي المواجع صج
والمشكله على كل هالكراف تجيج رئيسة قسم مريضه تتصيد لج على ادنى الامور
تعقدت صج من مجتمع المدارس
الله يعين

 

[عسى الله يهديني]

اي والله سالفة الوجبات سالفه

 

[عادت ذكرياتي]

الله يعين

 

[#الخشف#]

لو هي واقفه عالاستئذان جان لقيتي الكل مطنش الطلبات لاكن المصيبه في التقارير

بتعاملين معاهم بالتطنيش بتحصلينه بتقريرج او ممكن تكتب فيج كتاب انج مو متعاونه..


نصيحتي استهدي بالله وسوي اللي تقدرين عليه ...

 

[برنسيسة2007]

بنات والله مافيه حل هذا موضوعنا اللي ماله حل ابداً
مافي الا واحد من الثنين
اما اتصيرين ملسونه وتواجهينهم واكبر طاف وتقوين قلبج وتحملين ما يواجهج من ردة فعل منهم
او
اتحبين شغلتج وتحتسبين فيها اجر وتحملين ولاتنسين تتريقين بالبيت وتاخذين فايتمينات وكريم حماية من الشمس ��

المشكله انه هلك قوم ولية عليهم امرأه دام مجتمعنا حريم مافيه حل نهائياً


صاحبة الموضوع انا جربت الطاف والله بس ما اعجبني وضحي لاني مسالمه ومحبه للسلام اذا اناي قويه أأيدج وبقووووه

 

[كاريزما حلوة]

الشكوى لله



شنسوي بعد مالنا الا الصبر


بس لاتعطينهم اكبر من حقهم


انا فكرت مثلج بالضبط بعدين قلت راح تصير عداواتي وااااااجد تعوذت من ابليس وناطرة الفرج من الله

 

[batistuta]

مع احترامي لجميع الردود ،،،،،،، انا وحده محد يمشي كلمته علي وحقوقي اخذها غصبا عن الكل استذاناتي الاربعه كل شهر والعرضي مايروح علي ،، دام اني قايمه بواجبي ومومقصره بشي ،،، الفعاليات اشياء اختياريه اذا انتي باغيه الاعمال الممتازه وللاسف هذا مقياسهم ،، الغياب دم ضرروسهم يعادونج لله في لله اذا كنتي تغيبين ،،، اما تعطين حصصج وتلتزمين بالدوام الى جانب التعاون بالشي المعقول اعتقد محد له سلطه عليج ،،،،،، مشكلة الحريم انهم يخافون من بعض وهذا اللي مخلي الناظرات يتسلطون ،،،،،ً الدنيا ربيع واللي تبونه سووووووه محد له سلطه عليكم ،،،،،، وشكرا

 

[عسى الله يهديني]

حيااااااااااااااكم الله يالغالييه


batistuta
يمه ردددج برد جبدي يابعد جبدي

 

[عذبة الأوصاف]

صاجة الوزارة هي اللي مقويتهم علينا تصدقون مرة غلطت بالدرجات بالحسابات والله انلعن خيري وانا ساكتة ساكتة لين حسيت اني انضغطت وقلت للناظرة شوفي عاد تخلوني اقوم عن شغلي قومي روحي للاحتياط قومي للصف الفلاني شوفي غياباتة تعالي للادارة روحي سوي عدلي كل هذا وماتبوني اغلط بعد والله ياخواتي ان الافادة اللي كانت بتخليني اوقعها نستها وقلتلها ماراح اوقع شي

 

[miss_math]

ليش هالمواضيع بالعطلة

خلونا ننسى

 

[Maraya85]

انقلي متوسط اسهل من الابتدائي وبلاويهم

بس ماقلتيلنا شنو تخصصج لان في تخصصات حلوه خفيفه وفي تخصصات مرض وتعب اعصاب

 

[عسى الله يهديني]

والله مايمشي معاهم الا العين الحمرا تخصصي اسلاميه
والصراحه مافكر بالمتوسط احس مسؤوليتهم كبيره

 

[طموحــة]

حرام تكسرون خاطري كل ماشوف المدرسات يتكلمون بهالسالفه اكثر شي يكسر خاطري اهم مايعرفون حقوقهم
شوفي حبيبتي لج 4 استئذانات بالشهر غصبن عليهم تاخذينها وبصراحه مالومهم يذلونكم لانكم خانعات لهم وتدورون رضاهم انا ادارتي قشره واسوأ ادارة شفتها ولازم توقعين قبلها بيوم عشان تستأذنين وقصه عشان تاخذين استئذان ولا اذا صار اليوم الثاني تعفس لج الوجه موعاجبها ، عن نفسي اخذه غصبن عليهم واللي مسكتهم اني اقول هذا حق مدني لي من الخدمة المدنيه مو بس الوزاره واذا كلش مارضوا يعطونج وانت عطيتي كل حصصج طلعي للمنطقه اخذي منهم الاستئذان وسببي لهم مشكله وعلميهم انج عارفه حقوقج طبعا هذا لاتسوينه الا اذا ماتبين امتياز ههههههه الله يوفقج

 

[عسى الله يهديني]

ههههههههههههههههه والله انج عجبتيني

 

[love^angel]

الله يعين صج التدريس مهلك و يتلف الاعصاب انا ثلاث سنين مو مداومه مادري شلون برد اداوم كلش مو متقبله الوضع،، ودي انقل متوسط بس موعارفه شلون الطريقه انا ادرس انجليزي منو تعرف تعطيني فكره و تريحني نفسيا

 

[بيت التوت]

والله العظيم كسرتوا خاطري

ربي يعينكم ويصخرهم لكم يارب

وحده من رفيجاتي كلا غيابات واستئذان متي ماتبي

واذا عندها ضروف يتعاطفون معاها ومرات الناظره تقعد تمدح رفيجتي جدام زوجها..........زوج رفيجتي طبعا

وبالاخير تاخذ امتيازات
كل هذا ليشششششش تعتقدون !!!!!

مضبطتهم البنت انا ماقط مره سئلتها

بس اعرف اسلوب رفيجتي اهي من النوع اللي تعطي هدايا ومجامله حيييييييل
وتعرف اشلون تكسب الناس لصفها

 

[Australia girl]

انا مابي المدرسه وين اروح بتخصصي الانجليزي