قررت احط دابر املا سكرو خشومكم ودخلو

[أم كشة]

قلت حق ريلي بحط منه البنات بالمنتدى يمدحونه
قال ردي بيت امج للوووووووووووووووووووووووووووووول

 

[ro0o0oni]

الله ايخليـــــــــــــــني ..كيف عرفتي انه الحلبه اهيا الي خربت شعرج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا حاطه دابر مع جم زيت وحاطه معاه الحلبه والكل يمددددددددددددددددحها ..من صج خوفتيني

انا بعد الحمال والولاد شعري جنه ليف مواعين من الجفااااااف والتقصصصصصصصصف ..والحين تقولين الحلبه تزيد هالسسسسوالف

يااااااااااااااااااربي ابي شعري يرجع مثل اول تعبت منه

 

[Mrs_Orchidia]

رووووعة دابر أملا بس يغمج الشعر ترى

 

[أم سالـمـين]

شوفي حبيبتي دابر أملا رووعهـ

بس استمري عليه

وتقدرين تحطينه متى ماتبين ساعتين تقريبـــا يومين بالأسبوووع

وبالنسبة حق الريحة بس تغسلين شعرج تروح الريحه

 

[ذوق.!]

إنزين من وين نشتريه .؟

التراث الهندي ولا الجمعيات !

ويعطيكم العافيه

 

[bobo lover]

ام كتكوت ... اهو زين .. بس مشكلته ريحته واااايد وااااااايد قوية !!
أنا تخيلي كنت أتسبح بالأسبوع 3 إلى 4 مرات و ما راحت ريحته فخليه على عطلة نص السنة أو بعد ما تخلصين دوامج .. أو مثلا حطيه يوم الخميس و تسبحي اليمعه و يوم السبت روحي الصالون و سوي حمام زيت عالاقل تخف ريحته أو حطي بعده حنة

 

[● ● MisS P!nK ● ●]

انا بجربه من اليوم

يلاا انجربه انا وياج مع بعض

 

[كيوت_25]

بنات الحلبه تنشف الشعر

إكلوها ... شربوها .... اوكي

بس تحطونها بالزيت لشعركم .. لا

 

[OoO3solaOoO]

نصيحة لوجه الله تعالى ...
لا تحطين حلبة على شعرج والله ما خرب شعري وأحرقه ونشفه إلا الحلبة ...
قالوا لي حطيها ويا الدهن ويا ليتني ما سمعت الحجي .... بس قدر الله وما شاء فعل ...

وأنا بعد ببدأ وياكم وبحط دابر أملا بروح اشتريه من التراث الهندي ....
وأنا طبعي إذا أبي أدهن شعرري أحطه بالليل واغسله الصبح ... ومع الاستمرار النتيجة رهيبة ...​

مشكوره أختي عالنصيحه انا مرت خالي قالت لي الفكره وتقول ان رفيجتها قالت لها وأهي شافت شعر فيجتها روعه والله أعلم
بس أشلون تحطين الزيت على شعرج لي اليوم الثاني عادي يعني،،، أنا ألي اعرفه أن الزيت حده 3 أو 4 ساعات اذا طولتي أكثر يضر الشعر

بنات الحلبه تنشف الشعر

إكلوها ... شربوها .... اوكي

بس تحطونها بالزيت لشعركم .. لا

مشكوره حبيبتي كيوت عالنصيحه​

 

[ام معيوف]

وااايد حلو انا توني مبلشه فيه
واذا عالريحه بعد مااغسل شعري انشفه واحط خمريه وابخر شعري
روعه واحساس احلي

 

[q8tya 3asaal]

واايد حلو الزيت و تقدرين تخلطينه مع زيوت ثانيه لوز ولا خردل و لا ناريل

و الريحه عقب ما تغسيلينه تروح و اذا شعرج نوعه بسرعه يدهن غسليه بالشامبو مرتين و عقب الشامبو حطي ماسك لوريال الاصفر يصير الشعر ناااعم

 

[اللوحة الناقصة]

دابر املا عجيب خاصة الي ريحته قوية ( الاخضر القديم )

الصراحة عجيب ،،، لاحظت شعري طال منه

صارلي استخدمه شهر ،،، واحطه مرتين اسبوعيا لمدة ساعتين - 4 ساعات

ومستمرة عليه ان شاء الله

ونصيحة بنات سوو جدول وصدقوني راح تلتزمون فيه وما تتعييزون تحطونه

والجدول يساعدج تعرفين متى بدا يطلع مفعوله على شعرج

وسلامتكم ،،،،​

 

[ام كتكوت]

واااي بنات شجعتوني الحين زوجي رايح الديره يجيبه لي وقلت له مابي اليديد ابي الهندي القديم

قال بو ريحه قلت ميخالف ريحه ولا اصير قرعه ياليتني مبلشه فيه وهو بالحج

ماقصرت التاجره غرشه عطر عطتني هديه خمريه يوم اني شريت منها بخور

وحطيته اليوم وبخرت شعري وهذا اللي بسويه مع الاملا لاني موظفه وهذا همي

لان زوجي مقدور عليه ههههههههه بس البنات ياويلي منهم مايرحمون هههههههههههه

مشكورين بنات وان شالله يارب يطلع شعري مثل ماكان واكثر ونصيحه اللي تسوي رجيم تاخذ


مالتي فايتمين انا ماخذته ومعتمده ع الفوليك اسد ياحسايف على شعري

ومشكورين على النصايح الحلوه وخصوصا الحلبه ووووووووووووووواااااااااااااااع ماحب ريحتها كنت بغامر

 

[Miss.KSA]

السلام عليكم

عزيزتي حبيت اقولك انه دبر املا القديم والأصلي هو افضل من الملون وانا لاحظته على شعر صديقتي
يطول مرره الشعر ويسود الشعر مره وريحته قويه وكانت تستخدمه ثلاث ايام في الأسبوع
سبت اثنين وخميس مثلا واذا فوتت يوم تعوضه


بالنسبه لي انا الحين ابكمل ابدخل في الاسبوع الرابع من استخدامي لزيت براشوت جوز الهند اللي مرسوم عليه جديله
خلطته مع زيت كيشور اللي لونه احمر قلت ابشوف النتيجه قبل لأكتب للبنات والحلو انه ريحته خفيفه وماتبين مثل املا
وبسرعه يروح مع الغسيل

اقسم بالله العظيم واللي خلقني انه نبت شعري بشكل ملحوظ خصوصا عند منبت الشعر من الجبهه وطول شعري بسرعه
انا ماصدقت نفسي وقف التساقط واحس شعري منتعش ولمعته حلوه والشعره تحسينها منتعشه
انا استخدمه كل يوم احطه وانام بصراحه شي خيال ورحت شريت لصديقاتي والكل استخدمه ويدعي لي
حتى العطار اللي اشتري زيت كيشور منه قالي قولي وش تسوين في هالكميه اقوله لشعري واوزع للبنات قالي مع ايش تخلطينها علشان اقول للزباين قلت يالله اباخذ فيهم اجر وعطيته الخلطه
تاخذين غرشه فاضيه عندك حتى لو كانت غرشة ماي صحه مثلا وتصبين فيها زيت كيشور وتاخذين غرشه زيت كيشور وتصبين فيها زيت براشوت وتصبينه بالغرشه الرئيسية اربع مرات
وكل ماخلصت الكميه ترجعين تشترين زيت كيشور و تسوين نفس الطريقه وادعي لي
ترا زيت كيشور عندنا ب4ريال وزيت براشوت الكبير ب9ريال والصغير ب5ريال

ان شاءالله فهمتو على شرحي واي استفسار انا حاضره
صورت لكم الزيت لعيونكم

 

[reem99]

حبيبتي انا نفسج شعري كان تعبان لين قالتلي وحده عن زيت اتسويه وحده وتبيعه عند العطار حده رهيب يطول وينعم وبعد ماتغسلين من الشامبوا يصير جنج حاطه بلسم

 

[معكرونه أسبكتى يم يم]

ميس اهم شي نبت شعر مكان الفراغات .................؟؟

انا راحت قذلتى وكله فراغات وحالتى حاله ............

 

[قوطي نيدو]

انا استخدم زيت الزيتون

 

[dl3 q8]

انا استخدمه ..والحين تعودت على ريحته اول الوقت ماكنت اقدر اتحمله لووول ..حتى بيتنا تعود ..

في الجديد المكتوب عليه رائحه عطره ريحته اخف ..والثاني ابو ريحه قويه .. كلهم زينين ..

انا اخلطه مع الخلطه العجيبه وزيت زيتون وبراشوت .. او اي شي عندي

 

[ام كتكوت]

حبيبتي miss kas
الله يعطيج العافيه وجزاج الله خير ياعمري
ماعليه بقولج اللي فهمته وقولي صح او لأ

يعني زيت كيشور 4 حبات اخلطهم مع زيت براشوت 1 بس
واحتفظ فيهم بغرشه خارجيه مثل بطل ماي الصحه واستخدمه بالاسبوع مرتين مثلا ..!

جذي زين ؟؟؟ وعلى قولتكم>>> كذا اوكي؟؟ فديتك غلاتي


وباجي البنات ياقلبي مشكورين على المرور والمساعده الطيبه وان شالله بجرب اي شي بسبيل شعري وراح اوافيكم بالاخبار يمكن على ماينزل معاشي

 

[-العنيدة-]

السلام عليكم ...
والله دابر املا الصراحة عجيب ...
من كنت صغيرة امي معودتني احطه مره بالاسبوع مع حنة كل اسبوعين... لا خلطات و لا بطيخ اللهم امي كانت اتخلط نصه مع زيت جوز الهند الي من الحواج ..واللهم لك الحمد شعري طويل و كثافته مرضية
بس شنو ... انا ما عمري صبغت شعري و لا استشوره الا بالعروس..