قررت أركب كاميرا .. هالخدم مامنهم أمان !

[UM M&M]

بصراحه هالايام في شي غريب ملاحظته على بنتي عمرها سنه و نص
اذا بغيت اغير لها الحفاظه و خذيت الفازلين بحط لها تسكر ريولها و تقول آي آآآآآي مابي مابي عووووور !!

انا انصدمت لما سمعتها !! طول عمري احفظها ماتقولي جذي بس من قبل 3 ايام كل مابغيت احط لها فازلين تقولي آآي عووورني
قلت يمكن ملتهب او فيها طفح جلدي جيكت عالمكان مافي شي !! و لما اغسلها بالحمام ماتقول يعورني شمعنا اذا مسكت الفازلين
مادري شااااااااااااكه بالخدامه محد يحفظ بنتي الا انا ولا الخدامه
ليش بنتي قاعد تقول هالحجي !!
حدي خايفه بنات على بنتي و انا اشتغل يعني دوام الصبح و بنتي ماتدخل حضانه فمضطره اخليها مع الخدامه
واي قمت بس اشك


فعشان جذي قررت احط كاميرا
بنات منو منكم مركبه كاميرا حق الخدم ؟
اللي عندها عفيه قولولي من وين و بجم و شلون اركبها ؟​

 

[ريماا]

رد : قررت أركب كاميرا .. هالخدم مامنهم أمان !

لله يستر على بنتج ماعمرى ركبت كاميرا بس نصيحة انتى قوليلى للخدامة بابا بيركب كاميرا بالبيت دوري اى عذر خليها تشك انة الكاميرا مشغلى على طووول احسن من انج تحطينها وتصدمين
وقوليلها لاتغير لبنتج انتى قبل لاتطلعين بدليلها اول ماتوصلين بدليلها والاحسن انج تسهرينا وخليها تنااام طول فترة دواامج

 

[a7la MUM]

واي الله يعينج حبوبه اكيد غصبا عليج بتشكين
انا اقول حطي وانا بعد لو داومت بحط خصوصا البنت لازم تخافين عليها انا مرة قريت بجريده الوسيط في اعلانات ان عندهم كاميرات صغيرة ماتبين جربي ودقي
الله يحفظها يارب

 

[أم حمد =)]

الله يحفظها

 

[::كيك وعسل::]

الله يحفظها
وديري بالج قوليلها ليش البنيه تقول هالكلام انتي شنو
تسوينلها وشوفي ردت فعلها وخوفيها قوليلها بحط كاميرا
...

 

[.،:"$الـعـوبــــة$":،.]

مااااااااااااااااااالومك !!
والله توكلي على الله وركبي ،، ولو تقدرين تدخلين بنتك حضانة أحسن وأحسن عشان تريحين قلبك !!
ولما تركبين الكاميرا ، قوليلها شوفي هذا كاميرا على طول شغالة ، عشان اذا جا حرامي البيت بسرعة نصيده ،،
يعني مو اتوضحين لها ان الكاميرا لها عشان ماتحقد !!
وبنفس الوقت تخلينها تدري انك قاعدة تشوفينها حتى وأنتي مو هنيه !!​

 

[حكاية لليلة]

الله يعينج يارب ويحفظ بنتج وبنتي وبناتنا كلانا من الخدم والشر عموما...............

 

[UM M&M]

مشكورين بنات عالدعاء

ماتعرفون مكان اشتري منه الكاميرا ؟
و انا اخاف اقولها عن الكاميرا تحقد و تروح مكان مافيه كاميرا !

المشكله اني فبيت حمولتي و الصبح الكل نايم

 

[ام اغلى الناس]

مدري احس لو حطيتي كاميرا ما يبين عدل
و رفيجتي قالت لي انه وضوحها مو عالي
الاحسن تحطين بنتج وقت دوامج عند امج او احد تثقين فيه
ولا تلمسها الخدامه
و تطمني عليها عند اي دكتور

 

[UM M&M]

ودي اعيش بدون خدامه

بس ماااااااقدر

 

[Dr.Nouf]

اي احسن لج والله !!!

 

[مرقووقه]

حياتي ربي يطمن قلبج يارب على بنووتج يارب

 

[آهات الليل]

ركبي كامره حبيبتي وانتي سالي بنتج ليش يعورج؟؟شنو في الخدامه تسوي شي
يمه منهم حسبي الله عليها

 

[آهات الليل]

لاتقوليلها انج بتحطين كاميرا بس لو انا منج ماقعد بنتي دقيقه عندها روحي دوري كاميرا
وسالي بنتج بشكل غير مباشر لاتعقد البنت هالخدامه موزين اخاف تسويلها شي بيدها او بشي 2فهمي عاد

 

[lovely jojo]

الله يحفظها لج ..
خرعتيني ..

 

[حرم يوسف بيك]

رد : قررت أركب كاميرا .. هالخدم مامنهم أمان !

واااااي عورتي قلبي والله الله يحفظ عيالنا من شر هالخدم شوفي جرايد الاعلانات اشوف يحطون اعلانات عن الكاميرات ولد حماتي طاحت عليه الخدامه تحط صبعها كسر ايدها بخلفيه ولدها لاحول الله بس لاتسكتين عن بنتج ترا اليهال مايجذبون

 

[ام نوونه]

انا لو منج ماخلي بنتي يوووووم عند الخدامة

وديها حضانه خليها عند احد من اهلج اي شي

بس لا تخلينها مع الخدامة لا تسوي في البينه شي باجر

تتحسفين اسمها خدامة شكوو تجابل عيالنا وتغير حفاضتهم بعد

الخدامة حق الشغل وبس والله انا صارلي سنتين ونص متخرجه

قاعده بالبيت مجابله ولدي واذا محتاجه وديها حضانة عشان ماتوسوسين

والبنت ماقالت جذي الا صاير شي مو مني والدرب

الكاميرا مو اهيا الحل

 

[mafio98]

اول شي اختي الله يريح بالج وثانيه شغله مو شرط تكون الخدامه مسويه لها شي انا عندي ولدي عمره سنه وشهرين وانا موموظفه انا الي ابدله صارله جم يوم من ايي اغير له يبجي بجي ويصرخ يقول "اح" ولما جيكت مافي ولا شي ولما اغسله بالحمام يستانس مايتكلم امس بس اللي اكتشفت انه يقول "اح" انا معلمته اذا شي حار طلع يقولها وانا اغير لانه خااااااايف اذا بدلت له وانتي بكرامه يوصخ!!!!!!!!
يمكن بنتج تقصد شي ثاني بكلمة يعور حاولي تغرفين شنو فيها يمكن الخدامه عندها اظافر وجارحتها حاولي تعرفين اكثر والله يطمنج على بنتج
*

 

[روعة الكلام]

رد : قررت أركب كاميرا .. هالخدم مامنهم أمان !

اي ركبي اريح لج

 

[*ماي الورد*]

انتي ليش تحطين لها فازلين اصلا
التسلخات ما تصير الا لمن يصير فيها اسهال اسم الله عليها
شيلي الفازلين
وقولي حق خدامتج لا تغسلها الا لمن تسوي العودة