قربت من 35 ووالله مو شايله هم الزواج او الوظيفه ابدا ماشاء الله و هذي اسراري

[khawla&tito]

كلامج صحيح 100%

 

[قطوة@@]

الله يرزقج و يوفقج

مشكووره

 

[prettysoul]

اسمحي لي
كل هذا التفاؤل منبعه أكيد إنك تتمتعي بالجمال
لأن مافي وحدة عندها هالقدر من التفاؤل إلا لأنها جميلة.
عزيزتي مافي وحدة تتعدى الثلاثين ويتقدم لها الخطاب إلا إن كانت جميلة وبنت ناس أغنياء
ومع التقدم بالعمر رح يقللوا واسأليني أنا.

 

[ام سعود ديكسون]

بارك الله فيج عقلج راجح و نواياج صافية

و المثل يقول لو تجري جري الوحوش غير رزقك ما تحوش
وعلمت ان ربي قسم الأرزاق وان أحدا غيري لن يأخذ رزقي فارتاح قلبي 

 

[اميره1980]

انا صارت وياي تزوجت كبيرة شوي و كان عمري 30 سنة و الله عطاني ريال مافي مثله بالدنيه
لكن الله ما كتب لنا نطول مع بعض توفا الله يرحمه و زواجنا دام سنة و شوي الله يرحمه و يغفره
و ان شاء الله ربي يعوض صبري خير

 

[مضيعة برقعها]

ماشاءالله عليج وربي كلامج واسلوووووووووووبج عجييييييييييب
وصدرج وسييييييييييييييييييع لااله الا الله عليج ماشاءالله
ماعليج نصيبج جايج جااااااااااايج والله اللي كاتبلج بيصير باذنه
ثقتج بنفسجج اهم شئ ةالله المستعااان

 

[طموحه بزياده]

موضوعج رووووعه



قريته قبل سنه بالضبط يوم كتاتبج له واعتقد اكيد اكو رد لي اهني بس مو متأكده وقتها كنت اسوا ايام حياتي


كلامج حلووووووو وسليم ماكو شي يحلي الدنيا مثل حب الله عز وجل والسعي الى ارضائه والاحلى والاروع حسن الظن بالله عز وجل نعم المولى ونعم الوكيل





وهالشي مو بس في مسالة الزواج في جميع نواحي لحياة

 

[كتكوتي]

كلامج أميه بالميه صح
وانتي ما شاالله عليج تدخلين القلب بلسانج الي ينقط عسل من كلامج
وما حبيت اقرأ الموضوع واطلع الا برد يبرد ع قلبج
الصراحة مشكوووووووورة واااايد لان بكلامج خليتيني أثق بنفسي اكثر وما افكر بشي واحط همي كله بالهشي

 

[ماكواسم2]

بس بس ياناس تعقدت من هالموضوع صارت الوحده اذا ماتزوجت خلاص تنتحر احسن هالكثر رابطين حياة المرا بالريال وانها من غيره ناقصة

 

[هاجر الكويت]

الله يرزقج من اوسع ابوابه

 

[sanyoretaQ8]

جزاج الله خير

والله يرزقج بالنصيب الصالح يارب

 

[laymona]

الله يثبتج بعقلج يارب .. تستاهلين كل خير وان شاء الله تحصلين الي يستاهلج

 

[*مطبخ الذواقة*]

الحمدالله حبيبتي والله يتمم عليج بهالرضا والقناعة ...

والله يا بنات ترى مو كل حالات الزواج ناجحة 100%

في حريم بالعة وصابرة عشان عيالها ...

وفي حريم متحمله الضيم بس عشان ما تتطلق ...




ولعل عدم الزواج خير لكم وانتم ما تدرون ...




مشكورة على هالموضوع

​

 

[خلود ksa]

كلام عين العقل الله يوفقك ويرزقك الزوج الصالح
وبقول على شي خليكي دايم كذا متفائلة لان فرج ربي قريب
اختي الكبيرة وصلت 37 وماتزوجت والله الكل كان غاسل يدة كنا نقول خلاص راح عمرهااا بس كانت في التحفيظ والصلوات قبل ماياذن تستعد لها ولا تقرب التلفزون ولا الاغاني والله العظيم كنا نقول اللي فيهاا سحر لانها تنخطب وبعدين ينتهي الموضوع فجاءة وكانت تتعب كثير دايم معهااا صداع فضيع وغثيان ماخلينا شي ماسوينالها اشعة مقطعية كل يوم دكاترة وادوية اخر شي على الرقية وماء زمزم مقري فية والله العظيم ربي عوضهااا عن كل شي رمضان العام بنصه جم يخطبونهااا ناس والله العظيم ماتشوفون خوف وفرحهاا والكل يدعي انهاا تتم والحمدلله ربي تتم لهاا على خير وتزوجت واحد والله كبرهااا وارمل وعنده بنتين صغار والحمد لله على كل حال والله يرزقهاا الذرية الصالحة يارب


اللي حبيت اوصله لاحد يستعجل على رزقه اللي لك بتاخذينه طال الزمن ولا قصر ?

 

[الخجل الانثوي]

ربي يكتب لج اللي فيه الخير 
انا عكسج مستعجله لوووول

 

[ابوي اغلى مالي]

الله يوفقج ويرزقج بالزوج الصالح يارب

 

[دلوعه غناتي]

كلامج عجييييييييييييب ومقنع ماشاء الله ولا حول ولا قوة إلا بالله

 

[Ms.MrMr]

ماشاءالله عليييج أسلووبج رووعه
والله يرزقج بالزوج اللي يقدرج ويخاف الله فيج
كل الكلام اللي قلتي آنا معاج فيه 100%:eh_s(15):
تدرين إن الغرب عندهم سن ال35 هو بدايه النضوج والشباب
بس المشكله اللي عندنا يعتبرونه سن العنوسه والتحطيييم :rgewrg:

معاااااااااااااااج

واما للصاحبه الموضوع الكلام ذهبب ذهبببب وانا متفقه معاج وهذا انا اسويه =) ودايماً كلام الناس اخر همي

 

[امنيه]

ما شاء الله عليج وايد حلو كلامج
عجبني
والله يوفقج

 

[.حــنــان.]

اي والله كلامج صحححححححححححححححح ويعطيج العافيه

مادري ليش البنات اكبر همهما لزواج

مايدرون شكثثر بيتعبون والمشاكل الي ما تخلص مع اليهال و الزوج

انا وايد اسمع حريم متزوجات و يتشكون صج صج كرهت الزواج بسبتهم

مححححححححححححد فيهم مستاتسه

الي تتحجى عن الزوج و الي تتحجى عن اليهال و مشاكلهم

صج ترا الدنيا ما راح توقف على ريال و الحين احنا بعصر المرا مو مجبوره انها تتزوج عشان ريلها
يصرف عليها الحين مره تصرف على عمرهاو تشتغل و تطلع

واساسا وايد اسمع ان في رياييل وجودهم كعدمهم يعني ديوانيات وطلعات ويا ربع وسفرات ومالهم شغل بالبيت ولا شي ولا باليهااااااااااال
كل الشغل على الام مسكينه


شكثر الموضوع يحر الوحده وااااااي