قرارالأطباءجدامؤلم

[دنياي أحزان]

مساء الخير
بنات أنا كتبت عن موضوعي وأنه معاي تليف بالرحم
لكن ما أقول إلأا الحمدلله على كل حال

والله يرزقني الصبر

اليوم كان عندي مراجعه بالمستشفى قالت لي الدكتوره أنه عندي 4 تليفات بالرحم واحد كبير
و3 صغير
المشكله أنه قالت لي إحتمال ولادتك قيصري لأنه واحد من الأورام في مكان خروج الجنين

وإذا ولادتك قيصري راح نستئصل الرحم

لأن التليفات وقت القيصري راح تنزف

والحل إستئصال الرحم

والحمدلله على كل حال

وهذا أول حمل لي

دعواتكم لي

دعواتكم لي

ما أدري فيه أحد مثلي صار معاها تليف وكيف ولادتها

 

[فرزاشيهـ]

حبيبتي الله يكوون بعونج و احتسبي الاجر و فكري ب ايجابيه اكثر طفل افضل من لاشي .،


الله يكون وياج حبيبتي

 

[** محبوبه**]

احتسبي الاجر ي اختي واستخيري بامورج كلها واذا ارتحتي توكلي ع الله وسوي العمليه واحمدي ربك ان الله رزقك بطفل افضل من لا شئ
والله يكون بعونج ويقومج بالسلامه

 

[أم الهواشم]

الحمدالله على كل حال بس نصيحه اختي شوفي اكثر من راي انصحج تروحين لدكتوره خالده مجيبل ماشاءالله وايد شاطره بهالامور وان شاءالله طمنينا وتقر عينج بشوفة البيبي يارب

 

[امـولـه]

الله يهون عليج حبيبتي والله يكون بعونج .. اخذي راي كذا دكتور مو بس واحد او اثنين لان بعض الدكاتره مايدرون شالطبخه او مو فاهمين عدل
والله معااج ان شاء الله

 

[اخت خالتهم]

قولي الحمدلله على كل حال و الاهم ان الحمدلله بصير عندج ضنى باذن الله

 

[مس ميمي]

الله يخيب ضنهم



اكثري من قراية سوره البقره واستغفري دايم



والله يكتب لك اللي فيه الخير يارب

 

[روح مووود]

حبيبتى اتكلى على الله واقرى سورة البقره واكثرى من الاستغفار
واشربى مووووية زمزم بنية الشفاء واستشيرى اطباء غير
عسسى ربى يشفيك وتولدين بسهووووله وسلامه

 

[مزآجيه!]

حبيبتي لا تاخذين بكلام دكتور واحد

اختي كان فيها تليف وراحت لأكثر من دكتوره ومنهم دكتورة عاليه اللي قالت لها راح استأصل لج الرحم وانسي تحملين ، حسبي الله عليها حبطت فيها ، ومن عياده لعياده ليما راحت لدكتورة ماجدة اليتامى وشالت لها التليف مع ان كان حجمه حيل كبيير والحين اسم الله عليها مافيها الا العافيه وحملت عسى ربي يخليلها ولدها ولا يحرمج

 

[~Rou7~]

الله يرفع عنج يارب
اكثري من الاستغفار
وروحي لشيخ تعالجي بالقرآن
الله اعلم يمكن عين يمكن شي
الله يشفيج يارب

 

[قشطـــة]

الله يسهل عليج إن شاءالله

ذكرتيني بسالفة دكتوري لما دشيت عليه كان معتفس فوق تحت ويصارخ ماعرفت اشفيه وخبرني بسالفه
وحده عمرها اظن ٢٥ مادري ٢٧ مقررين عليها استئصال الرحم بسبب التليفات ومعصب ويصارخ ليش وعل اي اساس مقررين استئصال الرحم هذي تنشال بعمليه

انتي اسألي كذا دكتور قبل .... الله يكتب لج اللي فيه الخير إن شاءالله

 

[مشتطـه]

مثل ما قالو روحي اقل شي ل 4 دكاترة
ونصيحة روحي لخبرا كبار استشاريين

امثال :
ماجدة اليتامى
امل عبدالعزيز
خالده المجيبيل

 

[مشتطـه]

وتوكلي على الله كثري استغفار
اقري سورة البقرة بكثرة وان شاءالله ربي يعينج ولا يحرمج الظنى

 

[عسل حدي]

عليج بماي زمزم ليين تولدين والرقيه الشرعيه وسورة البقره بنيه الشفاء وانشالله ماراح يشيلولج شي ومو اول حمل لج

 

[ام عفراء]

الله يسهل ولادتج ويرزقج الطفل السليم المعافى

وبخصوص التليفات .. لا تستعجلين وتوافقين من راي دكتور واحد

روحي لاستشاريين كبار ..

وانا انصحج في ماجدة اليتامى

لما كان معي حمل خارج الرحم .. بعض الدكاترة قالوا لازم ينشال الانبوب
اما د. ماجدة سوت لي منظار وشالت فقط الجنين وسوت كوي للانبوب بدون ماتشيله

ولا تنسين الدعاء والقرآن ،، وماء زمزم لما شر ب له

وان شاء الله تطمنينا عليج باقرب وقت

 

[ام رغد 2]

الله يكون بعونج
وماتدرين يمكن خيره
استشيري اكثر من دكتور بهالموضوع
الله يفرجها عليك ويوسع صدرك بالخبر اللي تمنينه يااااااارب
استغفري والله بتشوفين العجايب واقيمي الليل داومي عليهم

 

[Q8_QT]

حبيبتي انا من راي البنات صلي استخارة واستشيري اكثر من دكتور والله يسهل امورج يارب ويقومج بالسلامة

 

[M&Ms]

اعرف وحدة شالت التليف واهيا حامل و ولدت ولا شالولها الرحم روحي عند دكتور عصام برويال حياة

 

[روعة خيال]

روحي لامل الراشد وايد شاطره بهالسوالف

 

[دنياي أحزان]

الله يجزاكم خير على الرد

والله يسمع منكم وأقوم بالسلامه ويارب إذا ولدت فيصري
ما يستأصلون الرحم
استشرت أكثر من دكتور وكلامهم واحد يعني لاسمح الله
إذا ولدت قيصري يستأصلون الرحم
دعواتكم لي
دعواتكم لاتنسوني طلبتكم
والله يسهل علي