موضوووع رووووعه مثل صاحبته بصراحه مفيد كل وحده قاعده تستفيد من قرارات الثانيه.. انا عن نفسي قررت التالي ومطبقته من اول ما تزوجت وفي شغلات جاري تطبيقها
1- ما اسولف عن زوجي جدام اي احد ولا كأني تزوجت اصلا واسرار بيتي ما تطلع
2-اي مشكله تصير بيني وبين زوجي ما تطلع بره جدام الناس اشحلونا وبالبيت كيفنا نتفاهم خاصه جدام اهلنا
3-ما اذم بزوجي لو شنو ولا باهله ولكن اكبرهم عند اهلي واكبر اهلي بعينهم واسوي اي شي ممكن يحسن العلاقات بينهم ويزيد المحبه (حتى لو جذب بس قاصده من وراه خير) والحمدلله الامور تمام التمام تنجح دام النوايا زينه
4-ماكو صداقه سنعه ولا صديقة تستاهل بهالزمن لان مفهوم الصداقه عندي شي مقدس لكن ما شفته بحياتي لذااا قررت الي تسال اسال عنها والي ما تسال اخفف واسال بالسنه احسنه لكن ماقدر اقطع ماكو فايده فيني لان هذي انا وارتاح من نفسي جذي
5-احاول قد ما اقدر ما اجبر نفسي على شي عشان غيري بل انوي اسويه بالاول لربي بعدين عشان نفسي بعدين عشان الناس
6-علاقتي باهل زوجي جداااا رسميه وعودتهم على الي انا ابيه مو على الي اهمه يبونه والامور تمام وصرت عندهم عزييييزه وشوفتي منوه هههه
7-تعلمت اوفر واشتغل لمستقبلي ومستقبل عيالي واخطط لي جدااام
8-قررت ما التفت للمظاهر واكون بسيييطه وحلوه بنفس الوقت لان ما في احلى من البساطه
9-ما اقارن نفسي حياتي وزوجي وعيالي او اي شي يخصني باحد لاني راضيه بحياتي وكل انسان يختلف عن الثاني ولان حياتي انا الي ابتكر فيها واسويها مثل ما ابي وبايدي استانس او اعيش تعيسه الله لا يقوووله
10-القنااااااااااااااااعه كنز لا يفنى انا انسانه قنوعه ومتواضعه وهالشي قاعده اعززه بنفسي اكثر واكثر خاصه عقب الزواج
11- اسمع اكثر مما اتكلم
12-استانس بحياتي واونس عيالي وزوجي واخذ الامور ببسااااطه
13-قاعده احاول اخفف من العصبيه (معني مو عصبيه لكن مع الضغووط احيانا)
14-اثقف نفسي في المجالات الي تهمني وتخصني وتخص حياتي الزوجيه وتربية عيالي
15-صلة الرررررحم من ناحيتي بديت اهتم اوصل + قاعده اشتغل على زوجي واحرص انه يوصل رحمه والله يساعدني على هالشي ياااارب
16-بحاول ما اسكت على الي يغلط بحقي او حق بيتي واتلعم اقول لااااااا!! واحط حد لكل من يضايقني وافرض احترامي عليهم خاصه الي يفهمون الطيبه غلط ويظنونها عبط !! اخخخخ يحرووووني
17-اوزن الكلمه قبل ما تطلع مني واعد لي العشره قبل ما اتكلم وفكر الفايده من كلامي اذا مافيها فايده فالسكوت من ذهب
امبيه وايد في شغلات موضوعج عجيب وسوري على الاطاله
اذا ذكرت شي سطرته لكم
