انا بغى يشيلني باص بس الله ستر:eh_s(1):
مشكلتي كله طايره .......... وأبتون
يوم ماانساه بحياتي لانه انكتب لي عمر جديدوالله بحيآتـي موفقيـن .. والثآني أخطر شي !
الاول : كآن عمري 15 شي جذي .. كنآ رآيحيين أكوآبآرك .. تعرفون الزحلاقيه البيضه ! .. ركبتهآ من بعد مآ بنت خالتي حنت علي وأنا مآ أعرف اتسبح .. ولما نزلت على المآي احاول أطلع نفسي مو قآدره .. مو قآدره كلش !
وبنت خالتي جذي كآنت >> :dddds: << .. عبآلها مسويه فيهآ دقه ! .. لما تيمعووا علي الناس هي ركضت وطلعتني
الثآني : هالموقف قبل شهر وشوي .. كنت الصبح كـ المعتاد رآيحه الجامعه وأنا بطريج والا أدعم وحده من ورآ وتنقلب فيني السيآره .. لما انقلبت السياره ياريت اوقفت ! .. لا وهي مقلوبه وانا راسي تحت وتمشي بالشارع !
لما اثبتت السياره راسي تحت وجسمي فوقي < خوش وصف :dddds: .. حاولت بس اني اطلع نفسي والباب مو راضي يتبطل
عطيت للشآيب التليفون وكلمهآ .. وبعدين اللي دعمتهآ < الله يجزآهآ خير ويخلي لها بنتهآ سآرونه .. يت لي وهي عيوز حيل .. قآمت تحضني وتقرى علي ولما قلت لها عن اسمي < بالغصب اتكلم وحلجي كله دم ! .. قالت نفس اسم بنتي وقآمت تبجي وتحضني حيل .. وبعدين عاد تخيلو موقف أهلي لما يوووا وشآفو السيآره مقلوبه .. أبوي قآلي وقتهآ كنت ألحق سياره الاسعاف لما شآلوج وكنت بس اقول بروح أودع بنتي الوحيده وبس ! < جد هزني حيل ابوي .. الله يخليه لي يارب :eh_s(6): < وفوق هذا كله قلت لـ اهلي بسوق:$
أنا بالعيد اللي طاف أكلت حبه للصداع ماناسبتني وبس أكلتها وجهي انتفخ حيل والنحر عندي انتفخ
وفجأه زرق وجهي واختنقت حيل وماقدرت أتنفس كلش حتى كلام ماقدرت أتكلم ومسكتني بنت خالي وقلبتني على وجهي
وقات تطق ظهري حيل بس ماكو فايده وبنات خالي الثانين قاموا يناقزون ويصرخون وأنا أتشهد بـ قلبي
ودقوا على أختي وجت ودتني المستشفى لأني كنت عند بنت خالي وأهلي مسافرين العمره ويوم وصلت للمستشفى
ودوني الملاحظه وماخلوا إبره ماطقوها فيني بس الحمد لله على كل حال ~
انا اذكر مره اني قاعده آكل بيتنزا بس ما علجتهـا عـدل فأوقفت ابلاعيمي
ماقدرت اتكلم صار ويهـي بنفسجـي و امي كانت مخترعه و تطق على ظهري ماكو فايده
حسيت خلاص بموت ماقدرت اتنفس كللش جان اشرب بيبسي و اشوهـ ردتلي روحـي
من عقبها صار مشروبي المفضل البيبسي لوول انقذ حياتي
ماتشوفون شر "
نفس موقفي بالضبط وهم مع بنت خالتي بس كان عمري 13 امبيه من يومها كرهت شي اسمه اكوابارك طلعت روحي وطحت عليهم
،،، وصج احس وقتها انكتبلي عمر ثاني
والله تبين الصج واايد مواقف خاصة وانا اسوق سيارتي بس لو ما ربي يستر والا جان انا في عداد الموتى من زمان
بس في موقف ما انساه ولا اهلي ينسونه
مرة كنا بمصر وعمري وقتها 10 سنين ،،، انا كنت ماسكة ايد خالتي ويايين بنعبر الشارع ،،، طبعا انا من لقافتي هديت ايد خالتي وعبرت بروحي الشارع وبدون ما اطالع يميني ،،، والا اييج ذاك الحنطور الطاير ،،، وهذا كان اخر شي شفته ،،،
اثاري الحصان طقني براسه وطحت عالارض بالشارع ،،، وفقدت الوعي ولما بطلت عيني بعدين والا القى نفسي طايحة بالارض تحت ريول الحصان والناس كلها متجمهرة وانا اقول شسالفة انا ليش منسدحه بالارض وكل الناس متيمعه:dddds:
والريال الي يسوق الحنطور من خوفه يبي ينحاش وحاول ما قدر لان انا تحت الحصان ومو قادر يمشي وغير هذا ابوي وخالي جزاهم الله خير ما قصرو في الريال اصعدو له فوق وكسروه من الطق والله ستر انه ما انحاش والا جان كسرت ظهري تواير الكرتة ،،، والحمدلله يت سليمه الا بعض الرضوض
موضوع حلووو
انا لما كان عمري يمكن 9 سنوات غرقت بالبحر ومحد يدري عني
بعدين شافوني وانقذوني عاد بعد ما بلعت نص ماي البحر
هذا اللي اذكره حاليا :eh_s(6):
يسلموو عالموضوع يعطيج العافيه حبيبتي :eh_s(6):
