قبل لاتسوين أي عملية جراحية بقولج شي ...

[just-me]

السلام عليكم و عيدكم مبارك

من باب النصيحة حبيت أكتب لكم هالكلمتين .. كلنا نسأل عن أشطر دكتور

و أحسن مستشفى و السعر ووووووو

بس ولا وحده فينا حاتت و فكرت باللي يصير عقب العملية

طبعا هالشي يختلف من انسان لاخر... يعني لازم تحطين في بالج الترجيع بعد البنج

اللي راح يذبحج و يأذيج خصوصا اذا كانت العملية بالبطن فتخيلي ان مرات الترجيع توصل

4 مرات بالنسبة لحالتي ..حتى الماي ترجعينه .. تالي حطي في بالج الالم من النوم على ظهرج

كل ليلة و النومه و القعده عليج بالحسره .. غير ابر السيولة اللي بيعطونج اياها خوفا من التجلطات

غير المشي غصب غليج لنفس السبب وكل هذا بمنتهى الكسافة ... انا موقصدي ابالغ او اخوف

احد بس هذا اللي صار معاي و اللي حبيت انقله و اهوه بحره قبل لا انسى اللي صار

طبعا نومتج على ظهرج بتكسر ظهرج وتخليج تتويلين على اللي مكسرين بالمستشفيات

عسى الله يقومهم بالسلامة ...طبعا حطي في بالج كسافة الحمام و الامساك و تغيير الملابس

يعني لازم تفكرين بهالامور بنفس حرصج على الدكتور و المستشفى ...

طبعا البربيش وما ادراج ما البربيش انا شفت ماشاء الله مواضيع البنات انهم شالوه بعد يومين

بالنسبة لي البربيش 7 أيام تخيلو !!!

انا الحمدلله بالبيت وطلب مني الدكتور كل يوم الصبح الساعة 6 افضيه في كوب و أسحبه بسرنجه

عشان يشوف شكثر خراج طلع منه وانتو بكرامه ...يعني المسألة مو بهالبساطة طبعا غير

الدريب والابر اللي تتغزز فيه و فيج....اخر شي حبيت أنصح و استخيرو

 

[كماشه]

مشكورة حبيبتي
انا بسوي عمليه وابي اسئلج النتيجه النهائيه تستاهل كل هذا والي يبي الدح مابقول اح

 

[قمرشمر]

مشكووووووووووووووووووووووووووووووووووووورة .. على المعلومات .. لازم الواحد يشوف الموضوع بكل الجهات ..
مو يشوف العلية حلم وردي وبس ..
ربي يومج بالسلامة وتشوفين الصحة والعافية ^_^

 

[ام زين العابدين]

حبيبتي انا من طقتجج البربيش 6 ايام ولوعه جبد تخيلوا ما تقدرين تمشين ولا تتروحين الحمام من غير شي اتحطين عليه البربيش وتخافين يطيح امبيه عذاب تخيلوا كل يوم ادعي انشالله فيه اقل من 30 عشان يشيلونه ومسكين ريلي يطلع لي سوالف عشان اشلون اعلقه وارتاح بدال لا انا ماسكته بايدي ولا اذا بتكحين لازم تمسكين بطنج واحس كل شوي الجرح بيتبطل واي معاناه بس الصراحه النتيجه حلوه وتستاهل المعاناه يعني شي طول عمرج اتعانينه وفي علاج له

 

[just-me]

هلا كماشة ... انا ما انكر النتيجة والا جان ماسويت العملية ...لكن عمري ما حرصت و حاتيت باقي

الامور اللي ذكرتها وصدقيني لو يرجع الزمن فيني مع هالتجربة والله ما اسويها... الصراحة شكل بطني

يخوف جني مقصوصه بالنص ( فلم رعب ) بس ما اقدر اتحلطم و ابجي لانه كان اختياري و سبب

عمليتي الرئيسي اهو التهاب بالسر فكان لازم بنج و عملية هذا اللي خلاني اشيل الكرش و الحمدلله على كل

حال ...

 

[just-me]

مشكوره قمر شمر ماقصرتي الله يسلمج ...فعلا لازم الوحده تستفسر عن ادق الامور

 

[just-me]

شلونج ام زين العابدين الحمدلله على سلامتج ..

ما شلتي البربيش..؟؟؟ الحين عاد نبي نعرف شلون ينشال الله يستر ميته من الخوف

 

[عجميه توت]

ماجربت بس بجرب المعاناة هذي لجل النتيجه الحلوه انشاالله كل شي يبيله تحمل اما سالفة الظهر عانينا الولاده مانعاني العمليه الاهم من هذا كله التعب مايروح بلاش لازم الوحده تحافظ بعد العمليه واللي يبي الدح مايقول اح وشكرا على موضوعج الرائع

 

[زهرااا]

مشكوره على المعلومات قلبي
جزاج الله خير

 

[شندوخه]

الله يقومكم بالسلامه انا سويت عمليه من قبل بس مو شفط كانت عمليه طبيه ومو تجميل وحطولي بربيش
ولاتخافين ماتعور شيلته بس وقتها اخذي نفس عميييييييييييييييييييق وماراح تحسين بشي باذن الله

 

[ام زين العابدين]

شيله البربيش عاديه وما منها الم

 

[just-me]

الله يسمع منج شندوخه

عيني على البربيش ...صاير فيني رعب حشه لو ياهل ماحاتيته جذي

 

[just-me]

عجمية توت - زهرااا الله يسلمكم من الشر والفال لكم بالسلامة

 

[just-me]

ام زين العابدين امين الله يسمع منج ...ما ادري شفيني صايره ديايه مساع طاح ع الارض

واصلا الواير طويل بس شهقت شهقة ماسوت على وعلى قولتج السوائل جنها اليوم اقل من امس

هانت باذن الله باقي بس باجر و الثلاثا ان شاء الله مراجعتي ... ادعو لي بالسلامة

 

[mn.mn]

أول شي الحمد الله على السلامة

ثاني شي ما عليه كلها ايام تالي بتتذكرين وتقولين الحمد الله اني سويتها وافتكيت وكل شي يبيله صبر

ثالث شي وين سويتيها ومنو الدكتور ؟

 

[just-me]

هلا من من الغالية

الله يسلمج ماقصرتي.... سويتها بالاميري عند دكتور خالد العنزي و الحمدلله ..

و لو ان عيالي انظلموا بهالعيد لاني سويتها الاربعا قبل الوقفة بيوم و الحمدلله

قبل امس رخصوني ... بس اذا ولاداتج طبيعية العملية بتكون شي جايد لان الدكتور

ووحده من اهلي قالو ان القيصرية اصعب دبلات ما ادري اذا صح او لا

الفال لج

 

[أوكسجين]

مشكوووره على المعلومات

 

[شندوخه]

سويتيها عند خالد العنزي ماشاءالله ترى هالدكتور وايد شاطر
بس لاتحاتين الشيله انا شالي البربيش بنفسه والله ماعورني كلش
والله يعينج راح يطفرج وايد لوووووول هالانسان والله دمه خفيف الله يخليه لاهله

تصدقين عاد انا كنت عنده يوم الاربعا طلع من العمليات لان جرحي التهب وسواه لي والحين حمدالله تمام

 

[just-me]

صباح الخير

شندوخه ...انتي أكيد كاتبه موضوع عن عمليتج؟؟

بس ليش التهب الجرح بسم الله عليج ... بطل عليه و ارجع لج

 

[فوفو00]

بنات نصيحة عليكم بالمره بعد العمليت لا يتبطل جرح ولا التهاب