قبل شوي راده من petzone حياكم :)

[ALTaf.m]

السلام عليكم ورحمة الله وبركاته
شلونكم بنات ​

اليوم العصر وانا راده من مستشفى الري تكرمون قطوتي حايشها سهال وقاعده اعالجها
تذكرت المحل الي وحده من العضوات قالت عنه الله يجازيها خير
المهم مريته وتفاجأت بشكل موطبييييييييعي ماشالله تبارك الرحمن المحل في قمة الروووووووووووووووووووعه والخياااااااال ولله لو اوصفه ماقدر شنو اخلي واخذ وتصميم عجييييييييب ماشالله تبارك الرحمن وعندهم دكتور بيطري مغربي او تونسي اهوا مدير المحل والمحل لشباب كويتين الله يعطيهم العافيه على هالمجهود
بغيت اصوره لكم بس كنت مستعيله وقطوتي بالسياره بس ان شاء الله برد اروحله عن قريب بكتبلكم بالتفاصيل شنو فيه ​

الدور الارضي​

1- اكل قطط وجميع الحيوانات ( royal canin ) لاول مره بالكويت احسن نوع بالعالم من حيث الجوده
2- رمل للحيوانات
3- بيع انواع سمج غريبه وعجيبه وهامسترات
4- كورنر فيه كتب عن الحيوانات وطريقة التربيه والعنايه وما الى ذلك
5- ادويه وفيتامينات للحيوانات
4-وهذا الي اتذكره بس في بعد اشياء

الطابق الثاني وماادراك ما الطابق الثاني ​

2- بيع جميع انواع الطيور الناطقه ( كاسكو , امزون المليون عجييب ماشالله , والكاسكو الابيض بوريشه صفره )
2- قطط بس يقول وصلت دفعه وخلصو ( النوع هملايات وبيكي فيس )
3- جلاب عزكم الله وصلت دفعه وخلصو وماباجي الا 2 ( جيواواز ) كيووووت
4- العاب للحيوانات عجيبين موموجودين بالكويت
5- ليتر بوكس جميع الاحجام والاشكال
6- بيوت وسراير وكات تريز بس صغار يقول بتوصل دفعه الطوال بو جم متر
7- وهم كان في اشياء بس القيت نظره سريعه

الاغراض الي شريتها رويال كانون نوعين واحد ب7 والثاني ب6 ونص , العاب لقطاوتي العصايه الي نهايتها خيط وفيها لعبه ام جرس ب2 , نبته تحبها القطاوه شفتها بقناة animal planet يحبون ريحتها القطاوه ويلعبون فيها ب1 ونص وكور ب2

الحساب
18 وشي
تقييمي :المكان والتصميم 100000000% الصراحه عجيب ماشالله
الاسعار 90 %المعاملة 10000000000% ولله يهبلون الي يشتغلون مبتسمين على طول والدكتور يهبل اهوا الي كان معاي بكل قسم والكويتيين تعاملهم راقي ماشالله ومحترمين


وان شاء الله لي رجعه لهم باذن الله وايد اشياء بخاطري اشتريها بس مااسعفني الوقت وراح اصورلكم كل قسم ان شاء الله

العنوان : اللفه الي قبل صفاة الغانم بالضبط تاخذونها وتكملون سيييده بييكم دوار اخذوه فوق تحت وبيصير على يمينكم كراج انفنتي تكملون سيده شوي بتلقون مخل تروفايلو وتدخلون اللفه الي بعده على طول تكملون سيده بتحصلون يو تييرن اخذوه والمحل بيكون على يمينكم لوول ان شاء الله فهمتو
وهالله هالله بالردوووود ناطرتكم حبايب قلبي :*​

 

[خشف الرعآبيب]

والله حركآت

بس مدري شلون لكم خلق تربون حيوآنآت

مآتخآفوون ؟؟

 

[داهية مطير]

ماااتشوف شر قطـووتج .. يارووحـي وياليت اتحطين ... رقمهم اذاا ممكن

 

[.. نواري ..]

اهو المحل اللي جدام الافنيوز

دخلت محل صغير مقابل الافنيو بس مايبيع الا نجم البحر وسمج
لان كانوا قايلين لي عن محل حيوانات عجيب توه فاتح بس لما رحت لهذا انصدمت مافيه شي
اذا رحتوا له بنات عفيه صوروه لنا من برى وداخل

 

[dnyay_mll]

رد : قبل شوي راده من petzone حياكم

كنت ناويه اروح له

بس الله ماكتب

ان شاءالله اروحله هاليومين

 

[AmOoNa-]

مادلييت ولافهمتت مره ثانييه شرحيلييي(

 

[سكريمزا]

رد : قبل شوي راده من petzone حياكم

ما تشوف شر قطووووتج

 

[lojeeen]

مشكورة على التقرير و ما تشوف شر قطيوتج دفيها الجو البارد يأثر عليهم

 

[عود ومسك]

ويجازيج كل خير
<<العضوه
ما تشوف شر قطوتج دفيها عن البرد خصوصا هاليومين درجات الحراره قاعده تنزل والجو برررد وقطاوتي هدو الكات تري وصايرين ينامون على كفري يدورون الدفى
وتطعيمهم طايف وقلت ماراح اطعمهم بهالبرد القارس
سلامات ان شاء الله

 

[((البرنسيسا))]

رد : قبل شوي راده من petzone حياكم

سلامات ماتشوف شر قطوتك

ممكن تعيدين لنا شرح المكان لأني مافهمت ^_^

 

[3w!Shni]

وااااااااااااااااااااااااااااااااااااي

شوقتينيييييييي

 

[بالمشمش]

رد : قبل شوي راده من petzone حياكم

المحل ورا الا








تخلين الافنيوز على ايدج اليسار والنصر على ايدج اليمين تلاقين يم النصر ترافاليو اهما يم بعض لفي يمين لفه ترافاليو وبعدين اول لفه يمين وامشي سيده شوي ولفي فوق تحت تلاقين المحل ومكتوب الاسم غليه وان شاء الله الوصف يكون سهل

 

[بحيرةالبجع]

ماتشوف شر قطوتج

قبل جم يوم رحت للمحل حلو ومرتب بس بعده يديد

عندهم بالمحل صالون للحيوانات بس بعده مو جاهز

والدكتور الى عندهم وايد تعامله حلو كان طول الوقت معاى ويشرح لى

عن الاكل والفيتامينات حق قطوى

والدكتور اصله فرنسى من اصل جزائرى

وعطانى رقمه لاى استفسار وبحطه لكم

هذا رقمه 66910020 اسمه الدكتور محمد​

 

[هنوده2009]

ما تشوف شر قطوتج.....

 

[((البرنسيسا))]

رد : قبل شوي راده من petzone حياكم

المحل ورا الا








تخلين الافنيوز على ايدج اليسار والنصر على ايدج اليمين تلاقين يم النصر ترافاليو اهما يم بعض لفي يمين لفه ترافاليو وبعدين اول لفه يمين وامشي سيده شوي ولفي فوق تحت تلاقين المحل ومكتوب الاسم غليه وان شاء الله الوصف يكون سهل

شكرا للتوضيح ^0^

 

[سارونات]

اهوو المحل بشويخ ولا وين وعطونا رقم المحل وساعه جم يفتح

 

[Qـويتية]

المحل عجيب رحت له وصراحة روووووووووووووعة بمعنة الكلمة وشريت جم غريضة حق سنجوبتي بس هم ناوية أشتري وايد أغراض أحس لي الحين ما شريت شي ههههههههههههههه

 

[Velvet Girl]

رد : قبل شوي راده من petzone حياكم

لااااااااااااااا ابييييييييييييي ارووووووووووووووووووووووووووووووح

شيشتوووني ابي ابي ابي ابي

من زمان ادور ادور محل جذي بالكويت يعطييييييكم الف عااافيه

 

[النملة نواري]

حسافة مرة رحت له يوم الجمعة و لقيته مسكر
و الله بخاطري اردله مرة ثانية

 

[ba6re8a]

بلييييييييييييييييز شنو اسسسسسسسسسسسسسسسسسسسسسمه بروح بروح




ابي جلب عزكم الله