قبل ان تسافر خدامتك..تفتشينها؟؟؟؟

[عطر الورد]

السلام عليكم

انا افتش خداماتي اول مايدشون بيتي اخاف جايبه سحر معاها مثل البودر او شي غريب
والحمدلله ماالقى شي

بس لما يسافرون مااقدر افتشهم اخاف لانهم قاعدين عندي سنتين ويصورون عيالي دايم وانا ماادري واكيد يطرشون الصور لاهلهم

اخاف افتشها والقى شي وتحقد على عيالي وتحرني فيهم
وعيالي اغلى من كل شي خذته
لان الاغراض تتعوض بس عيالي مايتعوضون طقاق يطق الاغراض ان شاالله تبوق البيت كله بس عيالي عندي وبخير
اما اذا كانت الخدامه عندي شهر او شهرين افتشها عادي

بس ديروا بالكم من حقد الخدامات وعلى عيالكم

 

[هدولى]

اخليها تروح مكان طبعا بره البيت وافتشها لازم .

 

[هوفه]

حبيبتي انا لما كان عندها خدامه امي من النوع حيل تستحي بس اتعرفين شنو سوت...ساعدتها اتحط اغراضها في الجناط على ابوي على شان الوزن..هذي طريقه ماتبين لها شيء...
بس اذا الخدامه جلبه لا والله افتشها ..خلي احد معاج..انا عمتي اخت ريلها كانت معاها...
امهم شيء اتخافيني اذا الخدامه جلبه يكون ماخذه شيء اتسوي سحر او شيء...

انا جذية اطلعها من البيت وافتش

واذا لقيت اي شئ اخذة ما اخلية لها حتى لو ما ابيه

 

[الدلوعه2008]

مدري شقولج وحتي خدمتنا تبي تسافر ما قدر نفتشها بس بنوديها سوق ونخلي اختي الثاني تفتشها

 

[bintq8]

البنات ماقصروا

 

[روض81]

أنا عمري مافتشت وحدة من خداماتي بس ودي أفتش بس أستحي. وإللي تخاف على أغراضها تخشها

 

[ساندريلا]

فتشيها واللله مامنهم امااان
امي يابت خدامه سيلانيه بس اسبوع وردتها المكتب لان خدامتنا اوصلت تخيلوا بنات خدامتي تقولي مدام انا فلوسي موموجودين عاد اهي قالتلنا يمكن السيلانيه باقتهم المهم ريلي وحماي راحوا المكتب علشان فلوس خدامتي بس وقالولهم ودوهم سكن مال الخدم تدروووون شنو لقينا بلاااااااوي
اول شي حاشيه بلعبه الدب طبعا مالت بنتي بس انا قلت بدام تبيها خل تاخذها اهي طلبتها حق بنتها حاشيتها اكسسوارات وخواتم وساعات كلهم شوارفسكي علبالها الماس هههه
ثاني شي كاميرة اختي الديجتال ماخذتها وكله في صورنا بدون حجاب حتى صور عروسنا فييييه

ورحنا حق المزيني والا موديه سيلان 300 تهقون من وييييين؟؟؟

بااااااااقت صندوق صدقاتنا الحراميه يعل الله مايوفقها فاجته بالدرنفيس وراده صاكته بدون مانحس
لمن واجهنا طبعا بالطق اعترفت وقالت خلاص ماكو فلوس كله يروح بس ردتلنا 70

ترى الخدم بلوووووووووى لا تثقين فيهم فتشيها احسن مو علشان الفلوس بس ترى اغلبيتهم يحبون ياخذون صور اصحاب البيت

 

[<< أزيان >>]

والله تبين رايي فتشيها وعادي لايهمك انا مايهمني تبوق مني شي بس يمكن تاخذ من اثرنا شعر ملابس صور وساعتها الله لايقول اشبتسوين

واذا مهي راده بعد فتشي على راحتك ولايهمك مافيها زعل واذا مالقيتي شي اكرميها بكم فلس على نزاهتها

 

[هابي تايم]

بصراحه استغرب من بعض الكويتيين اللي يرسلون خدامتهم السوق واللي تقول تصور مع عيالها لا ابد مانخليها تطلع من البيت وحدها ولانعطيها جوال تقعد تتعرف وتجيب البلاوي بيتنا والله شغالتنا طلبتني صوره ولد اختي واعرفها تموت فيه قلت طيب بس اسكتها والتفتيش لازم مستحيل تسافر بدون تفتيش واكيد مو قدامها لكن اول ماتجي نقول نشوف اغراضك يمكن جايبه سحر والله يكفينا شرهم....

 

[اطباق ماي ورد]

عادى فتشيها واذا تستحين سوى طريقتى انا الله يسلمج اتفقت مع ريلى ياخذها مع اليهال ويطلعم الحديقه
وبعدين الله يسلمج دشيت الدار ونفشتها عدل حتى تحت الزوليه خاف خاشه شى وبمخابى ملابسها وبالثنيات وبكل مكان تتخيلينه

والصراحه انا ما كنت ادور اغراض تكون بايقتها لا انا كنت ادور على اى شى ممكن تستعمله بالسحر صورنا شعرنا هالسوالف
والصراحه كنت معطيتها شغلات تخصنى قمصان طلعه وبيجامات واكسسوارات ومن هالسوالف اول ما يتنى كلهم خذيتهم ما ابيهم طبعا بس قلت هذى شلات كنت استعملها بعد اش درانى ما تسويلى فيهم سحر
وخذيت صور لعيالى كانوا مصورينهم بدون ما ادرى واحنا بشاليه وما ادرى من كاميرته بعد ولا اشلوووووووووووون حمضوا الصور
وخذيت الملابس اللى كنت شاريتهم لها وما لبستهم اللى لبستهم خلاص بس الجدد ما تستاهل اخليهم لانه كلش تعبانه وحقيره بعد

المهم نظفت الدار عدل وعرفت كل شى من اغراضها بعدين قلت حق ريلى انا خلصت يلا ردوا البيت
واول ما ردت قلت لها يلا انتى بتسافرين ( طبعا ما كنت معلمتها متى السفر كانت حاطه ببالها انه بعد شهر وانا كنت اوديها السوق تتشرى على اساس انها تتجهز قبل وقت احسن )

انزين وقلت لها يلا حطى جنطتج ووقفت معاها بالغرفه عشان اعرف شنو تحط هم اضمن اخاف ترد تحط شى بدون ما اشوفه
ولما تسكر الجنطه اقولها خلاص وديها عند باب السكه عشان توديهم السياره لما تخلص
ولما خلصنا الجنط خليتها تخلى بس الملابس اللى بتلبسها وقلت لها يلا روحى تحممى وانا ما تصدقين وراها وراها جنى ظلها
ولما اخلصت بدلت اهدوما بالحمام وسيده السياره وعلى المطار

ايه صج خليتها بعد ما اسبحت والبست تدق على ريلها عشان تبلغه بموعد وصولها .

يعنى فاجاتها عدل ... بس اهم شى انى ارتحت نفسيا
حتى اهى لاحظت ان فيه شغلات مفقوده وقالتى فى شغله فاقدتها ما ادرى وينها بدورها عدل قلت لها ما فى شى خلاص
ويوم اصرت تدور مره ثانيه قلت لها ان هالشغلات ما تخصج بالاساس ومو من حقج تسالين عنهم جان تسكت وهى مقهوره
قلت احسن احترقى شوى مثل ما حرقتى قلبى طول المده اللى قعدتى فيها عندى لا سنع ولا نفس طيبه ولا حتى تتاسف اذا اغلطت بشى ولالالالالالالا حتى كلمة شكرا اذا سويت لها اويبت لها شى ولالالالالالا حتى سلام مدام والا صباح الخير حشى طوفه مو بنى ادمه

والله فرقاها عيد
وعلى فكرة انا ما خليتها بقلبى قلت لها اشكره انى مستاااااااااانسه انج بتطلعين من بيتى .

 

[فطفط نجد]

احنا صراحه نطرشها للجمعيه ونطلب طلبااااات خيالية عشااان تطول وندور على راحتنا

 

[SUN SHAINE]

والله انا بعد خدامتي بعد جم شهر بتسافر وودي افتشها بس ما عمرنا فتشنا خدامه حتى ولا مره بعمري شفت امي فتشت خدامه ...
بس مره خالتي ام ريلي قالت حق الخدامه نفسها ييبي جنطتج وحطتها جدامها وفتشتها حتى خياط الملابس جيكت عليه...
حسيت فشله ان المره واقفه وانا افتش بغراضها...
بس شكلي بسوي نفس ما قالوا البنات بوديها بيت اهلي وبرد البيت افتش اغراضها...

 

[cadbury]

احنا قبل عندنا خدامه سيلانيه كانت مريحه امي وايد و كانت صج صج طباخه و حرجه
و ظلت عندنا 3 سنين تقريبا
بس يوم سفرتها

امي كانت قاعده اتصلي الظهر
واهيه قاعده اتصلي طرت عليها دبلتها


والله بنااااااااات لما خلصت امي صلاتها راحت دورت دبلتها


تخيلوا انها مو موجوده

و امي مو نوعها اتفتش

بس حست انه في شي

المهم

لما فتشتها تخيلووووووووووووووووووا
والله يا بنااااات جنه فلم

لقت الدبه ابجنطتها ولما امي اسألتها

جان اتقول انه الدبله مالتها


قطييييييعه حراميه و جذابه بعد

المصيبه مو جذي

المصيبه ان ابوي كاتب اسمه على الدبله

امي تقولها اسم ريلج جاسم
هههههههههههههههههههههههههههه


حماره بطت جبدي

وغير جذي بايقه جناط و شغلات ثانيه

ولما راحت المطار قعدت التصيح تبي تفاح .... لان امي كانت مواعدتها
نصيحه فتشيها

 

[N.springflawer]

شوفي حبيبتي ...
اولا لاتعلمينها بموعد السفر بالضبط بلغيها ان الموعد مثلا 8 وهو من صج 10 وخليها تيمع كل أغراضها بعدين فتشيهم وقفلي عليهم لي حزت السفره آخر شي سلميها اياهم وبس...

 

[أم الغاااالية]

والله افتشها وزي الورد اسوي نفسي ابرتب شنطتهاااااااا واعدل اغراضها وانا افتش لان البعض يبوق خواتم سلاسل اشياء مو لازم تكون مبين لا بس بنفس الوقت غاليه او عزيزه عالقلب بعضهم يخشون البوقه بقواطي الحليب علبون فقيره ومسكينه لا ياختي اانا ماثق لا لا زم افتشها احتياط وليطمن قلبي

 

[بنــksaــت]

في السعودية وتحديدا في مطار الملك خالد فية مفتشات سعوديات وانتي قولي لها اتفتشها اذا كنتي مستحية او خائفة هي تفتشها تفتيش كامل من الى يعني حتى الملابس الداخلية والشناط يحطونها بالجهاز اللي يبين وش داخل الشناط الاشياء المعدنية وكل شي

والله يستر ويرزقنا على قد نيتنا

 

[DeeR_MusK]

الخدامه اليديده اول ما تدخل بيتي......استأذن منها و انا ابتسم ...وافتش الجنطه (ساعات القى ملابس داخليه ملونه و دانتيلات و سوالف جذي ) ابين لها هذا ممنوووع تلبسينه ...انا اشتري لج كل شي ........ ساعات القى كلح و حمره و بودر اساس ..استأذن منها و اخليييه امانه عندي ليين تسافر ارجعه لها ...بس عندها ممنوع ادوات مكياج.........

وقبل لا نوديها المطار بساعه ...اناديها و همن استأذن منها عشان افتش اغراضها ...وعقبها همن استأذن منها عشان ابي افتش ملابسها..واشرح لها عشان لي راحت و فقدنا شي ما نتهمها وندعي عليها ..(ياما لقيت بلاوي مخششه تحت هدومهم ....)

وقبل ما تمشي اسلم عليها كأنها وحده من الاهل ....

 

[One_Q8]

والله عادي افتش الخدامه

امي تفتش خدامتها اول ما توصل للبيت هذا طبع فيهاا

واذا كنا شاكين فيهم نطرشهم لشغل وتزرق امي لغرفتها تفتشها اذا فيها شي او لا

وقبل لا تسافر شي اساسي تفتشها قبلها بليله وقبل لا تطلع للمطار ...!

 

[ريماا]

انااا حيييل استحى افتشها اذا كانت قاعدة عندى سنتين وماشفت منها شى
بس دايما عندى حركة اقولها جيبى جنطتج واغراضج بابا بيشوفها عشان الوزن واقولها قفليها وعطينى مفتاحها واذا شفت انها تعطينى كل شى بثقة وعاادى خلااص اخذ المفتاح على انى نسيتة عندى واخلى الجنطة بالصالة عشان تشوف انةى مافتشتها وانا فعلا ماافتشها دام مافت عليها شى مااحب
وطبعا لاااااااااااااازم قبل سفرها اجمع كل شاعاتى واغرااضى الغالية اغرااض زوجى واتأكد انةكل شى غاالى موجود والرخيص بطاااق فية اهم شى ماتحقد ولاتبوق شى غاالى

 

[روح آلمشآعر]

آول مآ توصل نفتشهآ
وبين فترهـ وفترهـ لآزم نفشتهــآ
وقبل تروح لآزم نفتشهــآ


قوليلهآ تروح تنظف فوق / ترتب غرفه و خلي آحد يرآقب لج آو آحد يروح معآهآ !

خلي آحد يآخذهآ وآنتي فتشي على رآحتج ~


مرت آخوي تفتشهآ جدآمهآ يممه آخآف ):


،