قبل الولادة لازم نعرف برنامج النفاس بكل حذافيره

[ام مذكر]

السلام عليكم ورحمة الله وبركاته

شلونكم حبايبي

إن شاء الله كلكم بصحه وعافيه


والله يتمم علينا حملنا ويسهل ولادتنا يارب ويرزقنا بالذريه الصالحه والجنين الكامل يارب دون زياده أو نقصان قولو آمين

ابدا بالموضوع


طبعاً كل وحده تفكر بتجهيز المولود أو المولوده وتفكر بالكفر والمفارش وأرواب النفاس والملابس الداخليه وإلخ بس هل فكرتوا شنو برنامج الاكل بفترة النفاس يعني شنو ريقج وشنو غداج وشنو عشاج واذا جعتي شنو لازم تاكلين والمسموح والغير مسموح لأن وللعلم إن ما تنفستي عدل بتردين لزوجج من برا تووووووووب ومن داخل ولااااااااااشي ورياجيل هالوقت مايصدقون يلقون الزله وصدقوني راح تكرهون نفسكم لا قدر الله لأن العلاج مو سهل وأعرف مره كبيره تقول مايتعالج خراب نفاس إلا بنفاس ثاني




تكفون كل وحده عندها تجربه ناجحه مع برنامج غذائي خل تحطه لنا وتكفون اللي تفكر ترد جسمها نفس أول لاتفكرين هالتفكير بنفاسج بعد النفاس سوي اللي تبينه لكن بالنفاس لاتجوعين نفسج واذا على الكرش اشفطي بطنج كثر ماتقدرين وراح تختفي بإذن الله



بصراحه جيلنا تغير عن جيل أول وأنا وحيدة أمي ولا عندي أحد ينصحني وسويت سيرج بقوقل يا كثر الانظمه الغذائية


بس يابنات أنا كتبت هالموضوع عشان أنا وغيري نستفيد وأستحلفكم بالله نبي اللي تدخل تكتب شي عن تجربه شخصيه وبذمه وضمير مانبي شي منقول وخلو كل البجرياااااات يستفيدوووووون




آخر كلامي أسال الله العظيم رب العرش العظيم أن يرزقني وياكم بمولود كامل الخلق والخٌلق وأن يرجعنا لأزواجنا بأفضل ما كنا عليه ياااااااارب :yaaaaaarb:

والحمدلله رب العالمين والصلاة والسلام على سيدنا محمد وآله وصحبه اجمعين




​

 

[يآحبي الدآيم]

صح اهم شي انج تعرفين وتقتنعين ان الشكل ممكن نغيره بكل سهوله بس النفاااس اذا خربنا صعب نتعدل وانا اشتري ادويتي من ام خالد تهبببل ومعها جدول يعلمج كل شي .... واستخدمي تحااميل بيتادين تهبل حييل

 

[ReRez]

انا بجريه و ماعرف بهالسوالف كلش و اتمنى استفيد معاكم ،، مشكوره حبيبتي جزاج الله خير

 

[iLLuMinaTion]

شكرا

 

[غالية22]

موفقه

 

[حدي دلوووعه]

انا بعد مااعرف شي ؟؟ياليت البنات يفيدونا

 

[Mednight Rain]

هالموضوع يا بوقته ، يعطيج العافية ، أنا بعد بجرية وماعرف شي ، ياليت من البنات يعطونها تجاربهم بكل أمانة وصدق
وشنو ناكل وشنو الممنوع وشو الأدوية ومتي وقت استخدامهم ؟؟

 

[دمثة]

النفاس مهم جدااا

1- لازم الدلاغات والبنطلون الطويل ما ينقط 40 يوم لاززززززززززززززم

2- الريووووق اهم شي مو النوم لظهر وتالي تقعدون تاكلون لا الريوق والمردود والحليب الحار

3 - الجوع اهم شي ما تجوعييييييييييين ابدااا من تحسين بجوع اكلي واحسن شي التمر والرشاد والسمن ومن تجوعين اكلي ينظف الرحم والبطن ويسد الجوع

4 - كثرة السبوح والقعدة بالحمام تدخل الهواء ولازم تنشيف الشعر بعد السبوح ضروري

5- تلفون شعركم بامطة ملفع الا هو المهم ما يدشكم هوا

واهم شي دوا المردود الصبح وعالريق مع حليب حار وبليل قبل النوم والجوع نو جووووع وشرب الاعشاب ودوا القهوة

وماشاء الله الحريم واجد يبعون ادويتهم الي تهبل مثال 1- خبيرة اعشاب ام خالد معانا بالمنتدى شغلهاا حلو وروعه
2- ام فيصل بجابر العلي شغلها حلو ونظيف ومرا تخاف الله وماشاء الله البنات بالمنتدى يمدحونها وانا استخدم منها الدوا روعه


والله يوفقكم يارب

 

[دمثة]

بقولكم شي ما يعدل النفاس الا نفاااااس

يعني الي ما تهتم بالنفاس وما تدفى وتنطنش يطلع عليهااا عدل حتى لو جاتها الدورة واهتمت لازم تحمل وتنفس مرا ثانيه عشان يطلع مزبووووووووووووط غير جذية

يعني النفاس يأثر عالراس والجسم والعظام والرحم لازم الاهتمام



انا احبكم واحب انصحكم


الله يوفق

 

[wf.323]

ماشاءلله كلامج حلو حيل اخت دمثه
بس مشكلتي ماااحب السروال الطويل ولااللبس الثقيل :")

 

[ام مذكر]

:yaaaaaarb:الله يرفع قدر وميزان كل وحده ادخلت ورفعت الموضوع ومشكوره ع المعلومات الطيبه يا اخت دمثه وهذا ان دل دل على طيبج وكرمج واطلب من البنات اللي يدخلون يفيدونا عشان نفيد ونستفيد من باب (حب لأخيك ما تحبه لنفسك) ويكون هالموضوع مرجع لنا لأن اغلبنا مانعرف شي

 

[دمثة]

:yaaaaaarb:الله يرفع قدر وميزان كل وحده ادخلت ورفعت الموضوع ومشكوره ع المعلومات الطيبه يا اخت دمثه وهذا ان دل دل على طيبج وكرمج واطلب من البنات اللي يدخلون يفيدونا عشان نفيد ونستفيد من باب (حب لأخيك ما تحبه لنفسك) ويكون هالموضوع مرجع لنا لأن اغلبنا مانعرف شي

تسلمين يلغاليه ماسويت شي انتوا خواتي واحب انصحكم عسى الله يسهل عليكم ويوفقكم اجمعين

 

[ام مذكر]

انا بفيدكم بوحده تبيع ادوية النفاس بصراحه كل اللي اعرفهم ما ياخذون إلا منها والمره كبيره بس تقولج دقي علي بأي وقت أعلمج أي شي تبينه وتجيب لج ورقه وقلم تكتبين على كل دوا طريقة استخدامه والله وبكل صدق وأمانه اخذت منها ادوية حق الدوره والله روووووعه طعمها عادي ينشرب وادويتها مو نفس غيرها ياكثر الادويه على غير سنع

انا مرت اخوي ومرت خالي ما ياخذون الا منها مع إن مرت خالي امها تبيع ادوية بس ما تاخذ إلا من ام محمد فقلت خل اجرب

ولما رحت لها شرحت لها شنو الاشياء اللي احس فيها وقلت لها مابي خرابيط واجد ابي شي ينفعني فعطتني التالي

دواء التمره - يضيق الرحم
دواء القهوه - يسحب الماي من الرحم
المردود - نضع ملعقه كبيره مع الحليب
اعشاب الغوري - 3ملاعق نتركها تفوح ونحطها بمطاره ونشرب منها
دواء الطبخ - نضع ملعقه كبيره مع المرقوق أو العصيده أو اذا مالج خلق مع الحليب
دواء الهواء - عباره عن اعشاب اتبخرين فيها روووووعه وعلمتني طريقة الكبو وهي اتجيبين قوطي حليب الاطفال فاضي وتقلبينه داخل عزكم الله الافرنجي بحيث تكون النايلونه تحت والجزء المعدني فوق وتجيبين الحديده اللي فوق المبخر (الجزء المتحرك) فهمتوا تكون عليه قصديره نظيفه وفوقها الفحمه اتجيبين الاعشاب وتاخذين بحجم قبضة الايد (او) ملعقه كبيره وحطيها ع الفحم وقعدي ع الافرنجي لمدة دقيقه او دقيقتين راح تحسين بشي يقرصج (بس اهم شي تكونين لابسه بجامه طويله ودافيه لان عقب الكبو لازم ادفين نفسج بالفراش فهمتو وياااااااارب نرجع لازواجنا احسن من اول بس اتمنى احد يفيدني بهالنقطه سمعت ان فحم الدوه احسن من الفحم العادي ارجو الافاده وجزاكم الله خير

 

[مرهجه]

للرفع

 

[ريماR]

اب اب اب

 

[@غشمرية@]

موضوع روعة جزاج الله خير
لي رجعة ان شاء الله

 

[Mednight Rain]

بقولكم شي ما يعدل النفاس الا نفاااااس

يعني الي ما تهتم بالنفاس وما تدفى وتنطنش يطلع عليهااا عدل حتى لو جاتها الدورة واهتمت لازم تحمل وتنفس مرا ثانيه عشان يطلع مزبووووووووووووط غير جذية

يعني النفاس يأثر عالراس والجسم والعظام والرحم لازم الاهتمام



انا احبكم واحب انصحكم


الله يوفق

جزاج الله خير وفي ميزان اعمالج :eh_s(7):

نبي بعد نصايح >> طماعة:eh_s(9):

 

[Mednight Rain]

...

 

[Mednight Rain]

اب اب

 

[ReRez]

المردود وايد سمعت عنه بس ماعرف طريقته اهو من الحواي؟؟ واشلون استخدامه؟؟