قبرص .. شنو تعرفون عنها...

[ناني سيكرتس]

السلام عليكم ياكويتيات ياحلوين...

اليوم موضوعنا عن قبرص الي للاسف ما اعرف عنها ولا معلومه, المطلوب منكم وجزاكم الله خير معلومات, ايم علومه حتى لوكانت صغيره, وهل تنصحون ان الواحد يسافر لها ويستكشفها..؟

ناطره ردودكم :tek:

 

[بنت جنيف]

انا سامعه ان تركيا حق شباب وكلها بحر

 

[ناني سيكرتس]

هو قبرص داخل تركيا..؟ توني ادري.. عبالي هالديره غير الثانيه..

 

[meskq8]

قبرص دوله عضو في الاتحاد الاوربي

وهي جزيره في البحر الابيض المتوسط

يقابلها من الشرق فلسطين المحتله

ومن الشمال تركيا.

 

[اميرة الغيد]

نعم حبيبتي بس تركيا محتله شمال قبرص
انا رحت قبل حق لارنكا تلوع الكبد ابيخ دوله رحت لها بحياتي حر الجو بايخ ومافيها اماكن سياحيه ومافيها سوق يسوى والناس نفسهم خايسه ووصخين يعني عادي يمشون حفاي يم البحر وملابسهم مبهدله مافيها شي حلو كلش
بينها وبين لبنان نص ساعه بالطيارة بس البحر .

 

[بنت جنيف]

امبي لالالالالالالالالالالا اقصد قبرص

 

[*_*cute bug*_*]

لا قبرص وااايد حلوه الجزء اليوناني قبل جم سنه كانت حلوه كان عندنا فيها شقه بس كثروا فيها الهنود وبعناها بس الحلو فيها البحر وامان

 

[ناني سيكرتس]

مشكورين وما قصرتوا..

ابي بعد معلومات عن ليماسول, لان ريلي وده نروح نشوفها وانا ما ودي لاني ما اعرف عنها اي شي, ودي اروح باريس..

 

[Mis$ LeO]

قبرص بلد حلو وهادي وحاليا نضمت للاتحاد الاوربي بس ما يسوى تقعدين فيها وايد
وغاليه شوي

لكن احلى شي عندهم الحلووووووووووووووووووووووووم يميميمممم

 

[ghalaty]

شعب طيب مضياف بس بحرهم اللهم سترك نو ملابس بمعنا الكلمه وطبيعه حلوه

 

[عيون زوجها]

انا توني راده منها بالصيف
الصوب التركي اهو وايد فيه تخلف فيه طبيعه بسكريهه وناسها نصابين
بس الجزء اليوناني وايد حلو
انا سكنت في ليماسول
وايد حلوه واهي ارقى منطقه هناك جو اوربي بحت بحرهم احلى مافيهم مطاعمهم حلوه سوقهم عادى بالغصب تلاقين شي
وايد غاليه عملتهم اليورو
بصراحه ماتنفع لعايله حلاتها وحده وريلها مو عايله وللاسف حق المتحجبه تعب شوي
انا مو متحجبه قدرت اتأقلم معاها بس للاسف هناك وايد مفاصيخ بالشوارع يعني انا لبسي كان محترم بالنسبه لهم كله لقينقز وبلايز طويله بس والجم قصير او ثلاث ارباع
جوهم الشمس قويه بس الهوا بارد
دوله حلوه حق اثنين يحبون بعض يعرفون يسلون نفسهم اذا الريال كان جلف او ملول لا تروحينلها والاهم اذا كانت عيونه زايغه كلش لاتروحين انا الحمدلله ماواجهت اي مشكله من هالنوع
بس اكثر من 6 ليه 10 ليالي غير جذي الواحد مالازم يقعد اكثر
رحت وايد اماكن بس قبرص كانت غير يمكن مع انها اقل من غيرها بس غير جوها وايد حميمي وفيها حب ومشاعر بشي غريب

 

[kandora]

قبرررررص ذكرياات طفوولتي

والله اتيننننن

كنا اب ليماسوول والله حلوه وونيسسسه وعندهم اشياء غريبه بس صج المفاصيخ واايد

انصحج تروحين دام مع ريلج وتكوون انشالله احلى رحلة استكشاف =)

 

[- ToTa-]

تينن نصها تركي و نصها يوناني الجزء اليوناني حلى و سياحي أكثر بس ما أنصح غير المتحجبات يروحون لها ليش انها كلها حر و بحر و الناس يمشون بمايوهات بس بليل التمشي على البحر مو طبيعي مع الذرة المشوية والله حياة غير