- إنضم
- 14 نوفمبر 2009
- المشاركات
- 5,839
- مستوى التفاعل
- 5
- النقاط
- 0
- الإقامة
- { فـِــ بَـيـْت الأحْزآن ـــي }
- الموقع الالكتروني
- see-bloggy.blogspot.com
جد جد انا مقهوووووووره :lkmnkl:
شلونكم بنات << من القهر نست تسلم
بنات سمعو السالفه
لمن اختي تزوجت سوينا لها حفله ملجه مثل ما اهي العاده عندنا
وحفلتها تاجلت اسبوعين لانه صار عندنا حاله وفاه
وطبعا احنا كنا شارين نفانيف كشخه ومختارين كوشه كشخه وسوالف
وبعد الوفاه رحنا شرينا لنا شغلات حلوه لكن بسيطه والكوشه غيرناها وبلغنا اهل المعرس انه بنسوي الحفله بسيطه احتراما لحاله الوفاة اللي صارت لنا مع انه المفروووض ما نسوي حفله كلش بس سويناها عشان خاطر اختي مسكينه كانت شاريه لها نفنوف وودها تلبسه وامي ما حبت تخليه بخاطرها
والحفله كااااانت من ابسسسسسسسسط مايكووون
وعلى بساطتها طلعت حلوه واختي مشالله طلعت قمر الكل مدح نفنوفها ومكياجها لانه كان ناااعم
احنا اهل العزا كنا لابسين ومستانسين صج اغلبنا لبسو اسود بس ابتسامتنا ما فارقتنا وعشنا جوو الحفله
اما اهل المعرس !! مابي اتكلم عنهم بالضبط بس كانو يايين ومادين البوز شبرين مادري شحقه حتى حجاباتهم ما قطوها
ولبس خوات المعرس كان جنهم رايحين عزيمه عاديه
وعلى كل هذا اهل المعرس متحجين عن الحفله !!
ويع كانت بسيطه ومافيها شي !
ويع العروسه كانت كلش مو حلوه حيل نفنوفها ناعم ومكياجها ناعم ماجنها عروس !
ليش يما لازم تخب عمرها وتلطخ ويهها مكياج ونفنوفها يزحف لي 10 امتار ورا عشان تطلع وااو وحلوه؟؟
والحين حق العرس قاعدين يقولون نبي العروس ماتكون ناعمه
نفنوفها لازم يكون خبه
مكياجها لازم يكون اوفر
تسريحتها عادي توصل السقف
مانبي يكون العرس مثل الملجه بسيط
تنرفزت من حجيهم :rgewrg:
احنا عايلتنا عموما نحب الشي الناعم والبسيط مانحب الاوفر
عروس بنات عمي كلهم كانو ناعمين ونفنوفهم حلوو بس طلعو يهبلون
مو شرط الوحده تقط بالالاف وتخب عمرها يالله تطلع حلوه !
والله اختي بيوم ملجتها الكل الكل عماتي خالاتي خوالي كللللللهم اللي كان ياي واللي بس شاف الصور
الكل مدحهاااااااا
انا بعرف شحقه يحبطون؟
يقعدون يتشرطون ويتشرطون وما شافو روحهم شلون كانو مادين بوزهم شبرين ولابسين اسود باسود وماكو ميك اب !!
والله اختي قاعده تقولي حجي اهل ريلها وفيها بجيييييييييييييييييييييه
عاد اختي مسكينه ماعندها لسااان وكلش بحالها وهذول قاعدين مستفردين فيها في يوم يمعتهم ويسمعونها حجي
عااد انا قلت حق امي والله رضا الناس غاايه لا تدرك لو نحط لهم كراسي ذهب بالعرس هم راح يتحجون !!
مقهوره وضايق خلقي عشان اختي :0bee2e8d89:
