:: قانون سخيف يأخر بنتي سنه عشان شهر ؟؟ :: اللى عيالهم مدارس خاص ارجوا الافاده ::

[manarah]

انا بنتي مواليد 23/3/2005 يعني اهي الحين باولى روضه على 9 ايام بس عاااااادي وبالنسبه لي واااايد احسن حق الياهل .. عندي ولدي الحين راح يدخل الروضه السنه الياي انشالله واهو مواليد شهر 1 يعتبر من اللي يدخلون صغار وما تتخيلين اشكثر احاتيه .. اصلا الحين دايما اقول حلاته اتيبين اعيالج شهر 4 و5 و6 وبسسس الياهل يكون اكبر ويستوعب اسرع وما يتعب . .. فلا تتحسفين على شي

 

[ركااز81]

هذا قانون على الكل والجميع من 15-3 وفوق يخلون مع اللي قبلهم ولو 16-3 يدخل السنه اللي وراها


والاعاده افاده ماعليهم تدخل فاهمه احسن من ماتدخل صغيرة واتعبج

 

[ام عفاف الكويت]

شوركم وهدايه الله بخليها تقعد بنفس السنه اللى هي فيها
والله يخلي لكم عيالكم والله طيبتوا خاطري مع اني كنت محروقه
بس صج ونعم الاخوات

 

[كيفي ادلع]

حبيبتي انا مدرسة أطفال في فرق شاسع بين فصول اول لانهم بحطونهم حسب الشهر يعني اول /اول اكبر أطفال مولدين شهر 3او4
بس تعالي شوفي الفرق ياحياتي الكلام الذكاء سرعة الفهم كل هذا واصغر صف حتى لو انهم شاطار بس يبين فرق الذكاء والتجربة

احسن لج ولبنتج انها تكون باطبيعي ( شي شفتة في مجالي وفي عيال أخواتي واضح الفرق واللي تنظلم بنتج )

موضوع شدني اقدر اقولج لاتزعلين لانة بنتج المستفيد الوحيد من كل النواحي راح تصير متفوقة استيعابة اكبر (صدقيني )
أسئلي واحدة مجربة وشايفة

 

[ام عفاف الكويت]

يارب الله يوفقها واشوفها متفوقه

 

[Miss_Tiger79]

ام عفاف
والله لا يضيق خلقج ولا شي
بالعكس
تدخل المدرسه كبيره وفاهمه
احسن من ما ادش المدرسه مبجر
ترى اذيه راح تصير بالتدريس اذا دخلتيها مبجر
شرايج عيل انا بنتي مواليد اخر 1 كنت بأخرها سنه بكيفي لان احسها صغيره بس ابوها ما رضى واذا ردت علي انا جان أخرتها

 

[اليوم السابع]

عادي ليش متضايقه انا بنتي دخلت الابتدائي وعمرها 6 ونص وكانوا بنات صفها نصهم 6 ونص والباقي 5 ونص تقريبا لكن اللي لاحظته على مرورالسنين وهي الحين بالصف الخامس انها هي والبنات اللي كبرها اهم اللي متفوقين على باقي الصف اللي اصغر سن هذا غير ان شخصيتها اهي وكم بنت اللي معاها وكبرها شخصيه قويه وقياديه ولا تنسين ان سن الدراسه اللي يبدا عادة بسنه اولى ابتدائى حلاته 6 ونص والرسول عليه الصلاة والسلام قال علموهم على 7 واضربوهم على 10 صدقيني الاصل ان سن6 ونص هو السن الملائم للدراسه وغير ذلك هو استثناء قد يصيب وفي الغالب يخيب