:: قانون سخيف يأخر بنتي سنه عشان شهر ؟؟ :: اللى عيالهم مدارس خاص ارجوا الافاده ::

[ام عفاف الكويت]

السلام عليكم حبايبي









توه وصلني اتصال من مدرسه بنتي
هي في البلاي قروب انقلش
المهم بنتي يامحفوظين السلامه شهر 9 بتصير 3 سنوات و 5 اشهر
والقانون اللى يلزم الطفل يدش الروضه 3 سنوات و 6 اشهر ؟
يعني الفرق شهر ؟؟؟؟؟؟؟؟؟؟؟
الحين تقول لي المسؤله التسجيل لازم اوقع ورقه اخلاء مسؤليه انه ان حولت حكومه
تنزل سنه ؟
مو حرام ؟ شنو الحل ؟ احد نفسي وحول حكومه ؟
يعني عشان شهر تضيع سنه ادفعها ؟
ومو حجي مدى الحياة بنتي خاص ؟
يعني انا كنت ابي تأسيس بس
صج تضايقت شنو الدبره ؟

 

[mr000]

والله شوفي أختي أم عفاف ..آنا كل عيالي نفس السالفه لأنهم مواليد آخر 3 وشهر 4 بس الكبار كانوا بالحكومه وكنت أدخلهم حضانه تالي روضه بالحكومه ويدشون أولى ابتدائي 6 ونص..بس كان عادي بالنسبه لي ماتضايقت لأني جربت بواحد من عيالي مواليد 20/3 وطلعت له استثناء ووديته أولى ابتدائي 5سنوات وشوي وتعبت وايد بتدريسه فعقبه أخوه الصغير وديته مدرسة الغانم بسلوى 3سنوات و5 شهور حطوه بصف الحضانه ووقعوني على تعهد إنه يدرس من بعد الحضانه سنتين روضه..وتالي نفس الشي راح الإبتدائي 6 و5شهور...آنا ألحين سألت حق بنت ولدي لأنها مواليد 26/3 قالولي 3سنوات و5شهور تدخل حضانه سواء بالأمريكيه وإلا الأنجليزيه وعقبها سنتين روضه..

 

[ام عفاف الكويت]

انا بنتي 20- - 4

الحين تقول لي خل نخليها بالمستمع اولى روضه
يعني تدرس مرتين
حرام
شلون طلعتي استثناء ؟
يعني الحين لو خليتها تدرس الخاص سنتين وتخرجت وبوديها الحكومه
يردونها الروضه ؟
ابي اسوي اسثناء شلون الطريقه قلبي ؟

 

[فلونة احلى وردة]

حبيبتي بلا استثناء ب بطيخ القانون ماشي على الكل لما تحولين بالحكومة سواء الحين او بعدين يعتمدون على العمر مو على المرحلة الموجودة بالخاص يعني بحالة بنتج راح ينزلونها سنة الحين او بعدين فاهمتني حتى لو قبلوها الروضة الخاصة مردها ترجع سنة قري بالحكومة لو حولتيها حتى لو على كبر ساليني انا متخصصة بهالسالفة التحويل من خاص لحكومة والعكس وانت تاكدي بعد لانة تعرفين كل يوم لوزارتنا الكريمة راي وقرار مفاجي بس هذا اللي اعرفة ومتاكدة منة وليش تبجرينها وتكبرين بعمر بنتج ليش خليها بعمرها وبالخاص روضة مثل بنتي وتاي حكومة

 

[ام عفاف الكويت]

انا الحين بنتي دشت عندهم
حضانه
مستمع اولى روضه وبتخلص شهر 6
وشهر 9 بتدش اولى روضه
يعني لو اخليها تكمل الروضه بالخاص ؟
الابتدائي شلون ؟

 

[ام عفاف الكويت]

ضاق خلقي عليها لو مستعيله ووالدتها قبل بشهر هذا وانا والدتها بالثامن

 

[ام عفاف الكويت]

محد جرب ؟

 

[زوزو الحلوه]

حبيبتي انا عيالي الاثنين متأخرين حالهم حال اي مولود.... اخر 3و4و5و6 بالكويت...ولدي الاول 21 -6 دخلته حضانه وروضه سنتين عادي نظام مدرسته مثل نظام الحكومه مادام متأخر يدخل الروضه 4 سنين عمره عادي وكمل واللحين اولى ابتدائي حاله حال عيال عماته ماشي معاهم سألت اذا الله لايقول ما قدرت اكمل خاص حولته حكومه .عادي راح يكمل مثل الي مولدين ب4و5و6 مثل ماقتلج اول شي عادي مافي اي مشاكل ....الا اذا كان نظام بلي قروب مو مثل باجي بعض المدارس الانجليزيه والامريكيه الي نظامها مثل الحكومه ......و ...ولدي الثاني نفس الشي 11-5 بسجله مع اخوه قالولي جم عمره احسبو الي شهر 9 يصير3واربع شهور تقريبا قالو عمره عمر الحضانه الي يدشون متأخر لانه اهو شهر 5 عادي لو اوديه حكومه هم نفس الكلام ماراح يدش روضه يدش لازم 4 سنين ...
فا اعتقد ما في اي مشاكل واعتقد على حد علمي لا استثناءات ولا شي لانه الديره كلها ماشيه جذيه واذا الاخت راحت سوت استثناء اعتقد انه حاله من الحالات مو اي واحد يستثنونه لو اي واحد جان ولا واحد بالكويت رضى ولده يتأخر ...

 

[ورد وردي]

حبيبتي ام عفاف عادي خيرة عشان نمو عقلها وتفكيرها يكون اكبر فتصير اشطر الي يدش صغير ممكن يكون الشي اصعب عليه صح يكون ماشي وشاطر مايضر لكن لما تكون متأخرة سنة مو مشكلة لاتستعيلين عليها

ياما ناس دشوا متأخر وتخرجوا بأعلى الشهادات قبل الي دشوا قبلهم لان التوفيق والنجاح اهو اهم شي لاتحاتين

 

[ام عفاف الكويت]

شوركم وهدايه الله
ضاق خلقي حيل عليها
بس همن راح اخليها بالحضانه سنه وتدش الروضه عمرها 4 سنين ونص

 

[جزيلة العطا]

عيل انا شقول نفس الكلام انقال لي...لازم توقعين اخلاء مسئوليه لانج اذا حولتيها حكومه تنزل سنه...ويا حليلج انتي بنتج شهر...انا بنتي يوم بس تخيلي .؟؟... يعني شهر تسعه تكمل 3 سنوات وست شهور الا يوم....ههههههههههههههههههه وما ادري شسوي

 

[جزيلة العطا]

انا لما افتر على المدارس الخاصه ابي اسجلها يقولون لي مواليد اي شهر اقول 16/3
كلهم يقولون حسافه لو مبجره يوم...لان القانون الى تاريخ 15/3

 

[mr000]

أختي فلونه..سالفة الأستثناء هذي كانت من 19 سنه ولدي الحين عمره 23 وموظف آنا موقاعده اخربط على أم عفاف علشان تقولين بلا استثناء بلا بطيخ..وقتها عقب الغزو كان يصير.. أبوه راح الوزاره وقالهم علشان فرق 4 أيام ومن هالكلام ورضوا..وعطونا استثناء بس آنا عارفه ان ألحين مايصير.. وموبس ألحين من زمان ماقاموا يعطون استثناء آنا قلت إن ولدي الثاني مواليد 13/4 بمدرسة الغانم بسلوى هم خلونا نوقع على ورقه إنه يدخل حضانه ولازم بعدها يكمل سنتين روضه ودخل أولى ابتدائي عندهم بالغانم 6 سنوات و5 شهور..وهالكلام من 11 سنه ألحين عمره 14..وآنا بالعكس أأيد إن الطفل يدخل الأبتدائي كبير..بس حبيت أوضح لانه حسيت من طريقة ردكم إني قاعده اخربط عالأخت أو أقولها معلومات مو صحيحه..والحمدلله إني وضحت لها عالخاص علشان لاتفهم غلط

 

[ام عفاف الكويت]

مروو لا قلبي وضحت لي فديتها

والله كريم كلمت ابوها

قال خلاص خليها تقعد سنه حضانه والله كريم

 

[ام _خلودي]

انت شهر انا بنتى اخوى يوم

وفعلاا القانون جدا سخيف

 

[ام عفاف الكويت]

الله يقوم اختج بالسلامه يارب

 

[حلم الطفولة]

ام عفاف الكويت حياتي شلونج ؟؟
عادي حبي بنتج معناته مواليد شهر 4 سواء كانت بحكومه أو بنظام انجليزي أو نظام أمريكي راح تكون بنفس المرحله مايسمونها متأخره أبدا ,
وقعي وتطمني لأن هذا نظام بريطاني يجدمونهم سنه ولما تنقل للحكومه أو للنظام الأمريكي ترد لصفها ومرحلتها الطبيعيه
لو في وحده كبرها من معارفكم وبالحكومه راح تشوفين انها بتكون بنفس مرحلتها

الاستثناء صحيح وكلام مرووو عدل // يتم احيانا عمل استثناءات بس مو حق مواليد شهر 4 / لأن الحد هو 15 / 3 / فإذا زاد يوم يومين كانو فعلا يسوون استثناءات.

احنا بالنظام الأمريكي مشكلتنا أكبر لأن اللي يقبلونه الحكومه والبريطانيه ما ينقبل بالامريكيه //
يعني مواليد شهر 1 تخيلي مو شهر 4 لأ شهر 1 ماينقبل ..
وسويت لبنتي العام استثناء لأن فعلا حرام كل اللس كبرها مواليد شهر 1 واللي أصغر منها لغاية 15 / 3 يدخلون الروضه وهي لأ !! قمت طلبت استثناء وعطوني استثناء مبدئي مشروط بنتيجة الاختبار والحمدلله عدت بفضل الله. وأحسها صغيره على بنات صفها وعالمعلومات الدسمه اللي تقدمها المدارس الخاصه // بالتالي يا أم عفوفه لاتحاتين بنيتج مو متأخره ولا شي وأحسن تدش راهيه بدل ماتحتاسين معاها مثل مرووو مع ولدها حبيبتي الله يعينها

 

[حلم الطفولة]

اللي أختها بغيبوبه : أسأل الله لها الشفاء التام وتقوم بالسلامه يارب آمين

 

[رفرف]

شوفي يا قلبي الاستثناء كان موجود قبل .. لأن اخوي مواليد 29-3 ودخلوه باستثناء بس بشرط انه يكمل المرحلة كاملة بمدرسته الخاصة لأن اذا نقلوه حكومة يرجعونه سنة .. وكاهو الحين عمره 18 سنة وبالجامعة وهو اصغر من اللي بمرحلته ..

نفس الحجي بالنسبة لحماتي عمرها الحين 14 سنة ومواليد 21-3 .. دخلوها مبجر باستثناء وخلوها الابتدائي كله بمدرسة خاصة وبالمتوسط نقلوها وهم تعتبر صغيرة بالنسبة لمرحلتها ..

الحين ماكو استثناء على حد علمي .. وبنتي مواليد 31-3 ماراح تدخل الروضة السنة الياية لأنها ناقصة 16 يوم .. بس بيني وبينج لا يضيق خلقج .. عن تجربة احسن والله ..
بنتي الأولى مواليد شهر 2 احسها عنونة مو فاهمة وين الله قاطها وواجبات وامتحانات وهي اسمالله عليها فطينه بس تظل اصغر وحدة بصفها ترى بالمراحل الصغيرة تفرق .. يمكن لي كبرو عادي بس بمرحلة التأسيس بتتعبين وهي بتتعب وتكسر خاطرج فلا تستعيلين ..
انا كلش كلش مو متحسفة ان اختها بتدش كبيرة اقول خل تدش اكبر من عمرها ولا تكون اصغر ..
حتى بالدراسة انا كمدرسة احس ان بنات اولى اللي مولودين شهر 4 و 5 و 6 افهم من اللي شهر 1 و 2 و 3 وداشين صغار ..
فانتي لا تضيقين خلقج وخلي الامور تمشي عااادي

 

[ام عفاف الكويت]

الله كريم
والله ماضاق خلقي الا على هالفلوس امشي واقط بس الله لايخسر