قانون الخصخصه .. تعالوا صوتوا هنا (( انتي مع او ضد هالقانون ))

[أضوى1]

أولا انا ضد هالقانون انه يتعمم عل كل قطااعات الدولة واذا كان لابد منه فالافضل انه يتم التخصيص في قطاعات أخرى غير النفط والكهرباء وبعض القطاعات الحساسه بالدولة .. وان يتم التخصيص في السياحة مثلا والصناعه هنيه خل يورونا التجار دورهم ونفعتهم للديرة ....

وبصراحه ما تعجبت الا من رد وحده من الاخوات الله يهديها : ...... توته وااااااااو .......
يعني بالذمه هذا رد تردينه ؟ تبين تفهمينا انج تاجره وبنت تجار الديره ؟؟ وخير يعني ؟؟؟ اذا هذا ردج وتعليقج وتقولين احنا ياااا ...... ؟؟ واحنا يااااا هذا بس مجرد كلام اجل شلون لا مسكتوا الديره شلون بتتعاملون مع العالم بكل احتقار يعني ؟؟؟؟ ترى عيب .. التعامل مع الناس لازم يكون بذوق ورقي واحترام فوق كل شي مو استصغار وتتفيه الغير والرد بتعالي وتحدي ترى كلنا عيال آدم وحواء وكلنا عندنا خير من الله والواحد باخلاقه واسلوبه الراقي مو بكم عنده بالبنوك !!!!!!!!!!
كلمن له رايه الشخصي يحق له يطرحه بكل وضوح وشفافيه بدون تحقير براي الشخص الاخر

اتمنى تتقبلين ردي بصدر رحب ورد باقي الاخوات بدون استهزاء :tek:

 

[meshmeshaa]

الكويت ليست للبيع

و لا احد راح يسكت
الحين لو يزيدون المعاشات 100 دينار الكويت تولع اسعارها
هالمره التجار ياخذون املاك الدوله من صجكم

محد يرضى يبيع دولته و بعدين شنو هالقانون اللي طلع فجاة ؟!!!!!!!!!!!!!!!!!!!

القانون ما طلع فجاه بس الحكومه واصحاب المصلحه لهو الناس بامور ثانيه
اشبكوا السنه مع الشيعه واشبكوا البدو مع الحضر والجويهل يشهد وكل هذا
عشان يلتهون الناس وما ينتبهون لهالقوانين
الله على الظالم واللى يفرق بين الشعب ويشعل الفتنه عشان مصالحه

اما قانون الخصخصه انا معاه بس بشروط يعنى الكويت دايما تطبق اشياء
يديده وتصير عندنا بالكويت افشل شئ ---- اهم شئ انه يحفظون حقوقنا
كموضفين وما يصير التسريح سهل - ويكون فى قانون يحمينا
هو الصراحه يبيلنا نشتغل البلد كل ماله ويتردى الناس ما تشتغل
وكل همها الكماليات والكشخه ---- والله انا معاى باالمدرسه مدرسات نقولهم
ليش ما تشتغلون اكثر وتعطين من نفسج ترد علينا مو الا اخذ امتياز !!!!!!!!:bbbiu:
انزين حللى معاشج بسكم طبيات تروحين تسوين معاملتج الناس مالها خلق تشتغل :eh_s(10):
هو بعض القطاعات تحتاج الحين وضروري تتخصص بس فى قطاعات لا لا يمكن تتخصص
النفط - هذا اهم شئ المفروض انه ما يتخصص
واهم شئ يكون عند الخصخصه انه ما يرفعون الاسعار علينا ويصير طمع التجار مثل المواد الغذائيه
ويكون التخصيص بشروط ومراقبه
مثل المانيا اذا الواحد تفنش او استقال من وظيفته يمشوله نسبه كبيره من راتبه لمده 6 اشهر حتى يلاقى
وظيفه ثانيه يعنى ما يخلونه يطر :rgewrg:
ياريت ياريت يطبقون الخصخصه صح الناس بس:balo: خايفه من التطبيق او يطبقونه بالتدريج ويشوفون نجاحه


الله يكون بالعون ويحفظ ديرتنا الغاليه

 

[فانسي نايت]

القانون ما طلع فجاه بس الحكومه واصحاب المصلحه لهو الناس بامور ثانيه
اشبكوا السنه مع الشيعه واشبكوا البدو مع الحضر والجويهل يشهد وكل هذا
عشان يلتهون الناس وما ينتبهون لهالقوانين
الله على الظالم واللى يفرق بين الشعب ويشعل الفتنه عشان مصالحه

تصدقين عاااد

هذا جويهل كان مختفي من فتره وطلع يوم الجلسه النواب يتناقشون بالمجلس وهذا جويهل يسب الكويتيين بسكوب

 

[bdora]

عزاااااااااااه ياكويت الماضي الجميل الشريف
والله على الايام السود المقبلات
مو قااااادره ادرس ولاانام والسبه مستوانااااا الهابط في رقي الكويت
ضد ضد ضد ضد ضد ضد
وحسبي الله ونعم الوكيل

 

[bant-failaJa]

مااااااااااااااااااااااااااااااااايصير جذى الحين الشيخ جابر الله يرحمه كان مخصص نفط احتياطى للاجياااااااال والحين احتياطى الاجيال ببطون التجاااااااااااااااااااااار زقووووووووووووووووووووووووووووووووووووووووووووووووووووووووووووووووم ان شاااء الله



ويارب كل واحد باع الكويت بالقرار تصيبته حوووبه اهل الكووويت

ترا اهل الكوويت لهم حوووبه

حسبي الله ونعم الوكيل

 

[البرق80]

انا ضد ضد ضد ضد ضد

وبعدين اللي تبي تستفز البنات وتدعي انها بنت تجار لا يا قلبي بنات التجار ما يتكلمون بهالطريقه بالعكس اهم حريصين ان يبينون حبهم للبلد واهلها هارد لك ولا تحاولين تستفزين البنات وتسوين اكشن ....

انا ما ادافع عن التجار بس احنا عارفين منو اللي بياخذ الخصخصه اهو تاجر واحد ما كو غيره والكويت كلها تتكلم فيه ...

بس شنو من خير سوى للكويت بلع الديره بلاع من استاذ جابر لي محطة مشرف ومحطات البنزين اللي اول ما تخصصت له سرح الكويتيين

وحط بنغاليين مناقصات الاشغال حق الشوارع محتكرهم ولا شارع سنع ومستشفى جابر اللي للحين ناقع من الماي حتى مناقصات الاستكانات

والمطاطير اللي بالمجلس محتكرها شقول بعد اكو شي للحين ما خذاه ...

فيا اختي الكريمه لا تصورين لنا ان لج قطعه من الكيكه اللي حاط العين عليها هالتاجر ....وعجبي يا بلدي

 

[أوكسجين]

ضد ضد ضد

 

[Čut!e Quèéи]

لا طبعا ضد

لان الخصخصه في كل شي يدل على بيع الكويت

اعتقد شفنا اول ما بعض الشركات الي يملكونها بعض التجار

اشبعو من المواطنين او ملو منهم طردوهم من وظايفهم يعني باجر نصير تحت رحمتهم من بعد رب العالمين

والله ان دولتنا و حكومتنا اهي الي بتعزنا وساعتها اذا صارت الخصخصه في كل شي راح نقول ياليت الي جرى ما كان

انا مع الخصخصه في بعض القطاعات مثل الخطوط الكويتيه و التربيه والصحه لكن النفط و الدوائر الحكوميه بشكل عام لا ثم لا

 

[سيدة الذوق]

مادري والله

الخصخصه شينه وزينه بنفس الوقت ..~

 

[آبـلـہ نـونـو]

ضد ،

..

 

[بتبوتااا]

ضـــــــــــــد

 

[يركدون ويرقدون]

التصويت يبرد القلب و يدل ان الشعب واعي بأضرار هالقآنون :eh_s(13):

اشكر كل اللي دشوا و صوتوا :eh_s(17):
الله يحفظ لنا الكويت وعساها دوم عااااااااامرهـ بالخير ...:eh_s(22):


بالنسبه للأخت (( توتــــــــه وااااااااااااو ))

ارسلت لي رسآله خاصهـ وأعتذرت عن اسلوبها بالموضوع وقالت انها تسرعت فيه وهي ما تقصد التجريح او استفزاز البعض
لكن هي فعلا من اسره تاجره ومعروفه وتحسست من كلامنا عن بعضهم شلون يبدون مصالحهم الشخصيه على مصلحة البلد

هذا اللي فهمته من الرساله اللي اوصلتني ... وميخالف يا توته احنا بشر ممكن نـتسرع ممكن نغلط مو معصومين من الغلط
لكن الصح .. ان الانسآن يعتذر و يوضح قصدهـ ... اتمنى ما تاخذون بخاطركم منها دامها اعتذرت

من ناحيتي مسموووووحه يا توته ... واذا حابه تعلقين بالموضوع ولكم من جديد بين خواتج :eh_s(17):



ارد اشكركم كلكم بنات
حياكم الله لبى قلوبكم :eh_s(22):

 

[توته وااااااااو]

حبيبتي تسلمين وما ازيد على كلامج ومشكوره

 

[M!sS MOnatOO]

،

اكيد ضد الخصصه باجر يلعبون فينا التجار ونشتغل

عندهم صبيان ،، والوافد يصير المعزب والكويتي

يصير عامل

.

 

[مطيريه ماركه]

ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد
ضد ضد ضد ضد ضد ضد ضد ضد

ومآعندي كلآم آقوله بعد عن آلتجآر وآلحكومة وآلنوآب آلبصآمين تكلمت كثيرر عنهم في كذآ موضوع

لكن حسبي آلله ونعم آلوكيل !!

 

[kly 7ala]

ضـــــــــــد ضــــــــــــد ضـــــــد

حسبي الله و نعم الوكيل ~


شنو هالقوانين شنو هالتخبط الي قاعد يصير !!!!!

 

[broor]

لن ابيع وطني
---------------------------

وهذه مقالة رائعة لسعود العصفور
سعود عبدالعزيز العصفور / بصراحة / منتو كفو خصخصة

أقولها وبالفم المليان وعلى عينك يا «تاجر» أنت وياه، حكومتكم هذه أعجز من أن تدير مشاريع الخصخصة، وأجبن من أن تجبر تجار الجشع والطمع والاستعباد على تنفيذ وعودهم قبل الخصخصة، ومثلما كانت أسوأ مدير لقطاعاتها الحكومية، سوف تصبح وبلا فخر ومن دون منازع أسوأ مراقب وافشل متابع لهذه القطاعات بعد الخصخصة. ومهما حاول النائب الرمز أحمد السعدون، الذي لا نشك في حسن نواياه ابدأ، إقناعنا بأن الوضع الآن أسوأ منه في ظل القانون، وأنهم الآن يسرقون البلد وينهبونه وأن الحكومة قادرة على تخصيص ما تريد من دون قوانين وأن هذا القانون سوف يردعهم قليلاً وينظم العملية، فإننا لن نقتنع، ولن نتفهم، فهم الآن يسرقون البلد من دون قانون، وغداً سوف يسرقونه بقانون نحن من أقره، يعني سوف يسرقوننا بموافقتنا وببصمة عظيمة من أصابع ممثلينا.
أي نظام خصخصة تريدون أن تطبقوا، وانتم عاجزون عن إجبار الشركات على الالتزام بقوانين وزارة المواصلات؟ أي نظام خصخصة تريدون أن تطبقوا، وأنتم عاجزون عن تحصيل أموال التأمين الصحي للوافدين من شركات النصب والاحتيال؟ وأي نظام خصخصة تريدون أن تطبقوا، وأنتم عاجزون عن فرض إرادتكم على الشركات التي تدمر البيئة كل يوم وكل ساعة وكل ثانية في أم الهيمان؟ وأي خصخصة تريدون أن تطبقوا، وأنتم عاجزون عن منع المتلاعبين في البورصة من التلاعب في أموال البسطاء من أهل الكويت؟ أنتم عاجزون عن هذه الأمور البسيطة، فكيف لكم أن تجبروا الشركات القادمة على ما هو أعظم من ذلك وأكثر تكلفة؟ ولا شك لديّ أنكم تعلمون بعجزكم، وعازمون على استمرار نهجكم، ولا شك لديّ أن هناك من أعضاء مجلس الأمة من يعلم ذلك وربما أكثر، ولكنهم وللأسف على استعداد لبيع كل البلد، كل البلد، من أجل كرسي أخضر يجلسون عليه لسنة أو سنتين أو ثلاث سنوات مقبلة.
ثم تعالوا، أنا مواطن كويتي، وأستطيع أن أجزم أن غيري كثيرون، لا أثق بحسن إدارة هذه الحكومة للبلاد بأكملها، فكيف تريدون مني أن أثق بحسن إدارتها للمجلس الأعلى للتخصيص؟ وكيف سيحدد مجلس مكون من وزراء فشلوا في إدارة وزاراتهم، وتجار أصحاب مصالح، القطاعات التي ستخصص؟ هل سيخصصون القطاعات الخاسرة أم سيبدؤون بالقطاعات الرابحة والتي تدر الربح الوفير على أصحاب القرار الفعلي في البلد؟ اتركوا الخصخصة للدول التي لديها أجهزة حكومية وطنية وذات كفاءة عالية في الرقابة والتدقيق، وخلكم على أحلام مدينة الحرير وجسر الصبية، لأنكم ببساطة «منتو كفو خصخصة».
(منقول من جريدة الرأي العام الكويتية)

 

[يركدون ويرقدون]

مشكورين عالتصويت .. منورين الموضوع فديتكم :eh_s(17):

برور .. تسلم اناملج على هالاضافه الحلوهـ :eh_s(22):

كلامه عين العقل صح الله لسانه ..:stars:

 

[الواثقه بالله]

ضد

احنا في الديره اللي حاكمنا اللحين التجار وحالنا كل ماله في تردي

شلون لو نسلمهم الخيط والمخيط ؟؟؟!!!!!!!

 

[d7awe]

ضد القانون
وحسبي الله ونعم الوكيل
تبون الصج الي قاعد يصير شي كان متوقع
والخير باقبال