[ قال أنتبه باقي على شفتك روج ]

[cheese cake]

ياعين مـن حطيـت عينـي بعينـه
وابطيت واقف في بحر عينها مـوج

ابحـرت فـي عينـه بليـا سفينـه
سجيت فيها ليـن ضيعنـي المـوج

حاولت الـد الشـوف عمـا يهينـه
ولاانتبهـت الا وانـا فيـه ملبـوج

شفت الفتن فـي ملتقـى حاجبينـه
والسحر في عينه مع الزين مدموج

اسـود سـواده لابستـه السكينـه
وابيض بياضه طايش اللون مرجوج

زاويـه طـرف ٍ حاجـز ٍ دمعتينـه
لولاه كان الخـد بالكحـل ممـزوج

كاسيه رمـش ٍ زاد ملحـه وزينـه
من فوق متكحل ومن تحت مدعـوج

بين الرموش السود شفـت الغبينـه
واللي رماه الرمش ماعاد له بـوج

مرت ثوانـي مـن حياتـي ثمينـه
وانا اتهادى بيـن الاشـواق وأدوج

مرت وانا قابـض علـى راحتينـه
واقف مقابل له وساهـي ومدلـوج

مدري وش اللي صار بينـي وبينـه
والقلب ماردنـه ضلوعـي العـوج

ولا انتبهـت الا بسحـبـة يديـنـه
قال انت تبغى الناس تلحقني هـروج

قلت اعذر اللـي شافـك الله يعينـه
يبطي ودمعه بعد فرقـاك مزعـوج

عينـك بنظـرات الغـلا مستهينـه
قال الغلا في داخل القلـب منسـوج

قلت الوعد قال ايـه كلـش بحينـه
الله يفتح لك مـن الضيقـه فجـوج

قلت آآه .. طيب شف لي الدرب وينه
قال انتبه باقي علـى شفتـك روج

 

[حور العيون]

روووووووووووعه
لاهنتي

 

[شآعرة الخليج]

حدهاااااااااااااااااا راايقه هالقصيده

يسلمووو حبوووبه



​

​

 

[cheese cake]

حورالعيون
شاعره الخليج
اشكركم عالمرور

 

[عالية الصيت]

روعه .......... العنوان خطير والقصيده هم بعد خطييييييره


قلت آآه .. طيب شف لي الدرب وينه
قال انتبه باقي علـى شفتـك روج

 

[سعودية كوول]

قلت آآه .. طيب شف لي الدرب وينه
قال انتبه باقي علـى شفتـك روج

واااااااااااااي
رووووووووووووعه القصيده
وكلماتها جناااااااااااااان
الله يعطيك الف عافيه

 

[cheese cake]

سعوديه وعاليه فدييييييييييييييييييييييتكم والله اشكركم عالمرور

 

[حمام شاقني فنه]

اهم شي اخير بيت


صح لسانج ولسانه