قالي جب جدام اهله

[ام يوسف الكويت]

الاحتراااااااااااام اهم من الحــــــــــــب


انا عن نفسي .. لو ريلي يحترمني بس مايحبني اهون عندي من انه يحبني ويمسح فيني الارض

ومستحيل مع العشره ماراح يكون فيه موده اما مسأله يهيني جدام اهله لا والف لااا

وزين سويتي انج رديتي عليه جدام اهله عشان ماحد يتمادى عليج لا اهو ولا اهله

صراحه بزمنا هذا .. الطيبه ينداس على راسها والعوبه الكل يحترمها خصوصا عند الحموله

ودامنه قالج لا تطلين بتلفوني عيل 100% عنده شي بالتلفون

 

[Om 3zo0oz_2011]

والله زين تسوين علشان تأدب يكلمج بهالاسلوب مره ثانيه

 

[وداعيه]

حدددج غلطانه اسمحيلي !
صج الي بدا بالغلط زوجج بس انتي كملتيها
وبعدين هو رجال لو قالج جب قدام اهله اسكتي
والله راح يحس بغلطته وراح تكبرين بعين اهله ، وشغله ثانيه واخذيها قاعده
الرجااال لاتعاندينه
اني وييي الي صار صار
انا اقول السالفه انتي كبرتيها لما رحتي بيت اهلج ، ولاتهدمين بيتج علشان شي عادي
صج انه حركة زوجج مو حلوه بس حبيبتي بهالوقت تشوفين بلااوي
انتي ارتاحي بيت اهلج جم يوم وبعدها دزيله مسج
قوليله انا احبك واموت فيك ولا قصرت معاك وكنت معتقده اني اسعد انسانه بالدنيا ، بس انت جيت بدقيقه وصدمتني لانه ماكنت اعتقد انه هالشي يطلع منك
نصيحه : أقضبي بيتج ورجلج

 

[ملكه افكاري]

بارايي هو غلط بس الغلط الكبير كان منج
لانج كبرتي الموضوع بزياده

يعني شنو صار لو زعلتي وصعدتي فوق بدون لا تردين عليه جدام اهله؟؟؟؟
بعدين تو السالفه ما بردت والريال معصب وانتي بعد معصبه ليش تدزين له مسجات تنرفز


بنات نصيحه اذا عصبتوا لا تتناقشون لان النقاش عقيم وراح ييب مشاكل ويكبر السالفه لو كانت صغيره

نطري لين تهدون وهو راح يي يراضيج

لا تستعجلون

الطلاق مو شي سهل

الله يهدي الجميع

ويكتب الي في خير للجميع يارب

 

[ام طفش]

حياتى اللة يهديك زوجك وكان معصب المفروض ماتردين علية واللة راح يحس بخطاة ولا تكبرين الموضوع ودخلين اهلج اللة يهديكم لبعض السبة كلة من البقصم الشيطان شاطر تعودى من ابليس

 

[زوجة فرعون]

بفهم انتي بهالحركه ردتيتي اعتبارج؟؟؟
السالفه صارت بالصاله بين جم مره """ وطلاقج بتنفضح السالفه عند كلللللللللللللل الناس شتسوا عليج
ترا هذا رجال وتعرفينهم عصبيين وحاريين
لوسكتي وقفلتي على نفسج ابركلج وحقرتيه وقلتي بعد جم يوم انج بتروحين لهلج تريحين:::
انتي بجذي الحريم بينقدون عليج ولو كبرتي عقلج بيحترمج والحريم يحترمونج لانج عطيتيه على قد عقله
الوكاااااااااااااااااااااد انتي الحين بيت هلج تعوذي وصلي قيااام الليل واستغفري ولاادزين مسجاااااااااااات لاترفزينه خل ياخذ وقت ويجيج
والله ان تطلقتي بطيحين بجبد نفسج وكل الرجال قاصرين محد كامل عطي نفسكم فرصه ولادق اطلعي بمكان بحر مطعم وتفاهمو ونصيحه لو شنو سوا لاداحرينه حتى لو بتطلقين لاتغلطين عليه خليج رااقيه وخلي الغلط منه

 

[امواج الكويت]

تدرون اني ما غطيت عباتي كل ثانيه اقول اكيد راح يرد ياخذني

 

[املى كبير]

من صجج امواج هالسالفه عشان قالج جب جب

من صجج والاقدامج موغريب وهم يدرون انه غلطان

وشافوا قدامهم انج سويتى الايبى


وليش المعاند والمدااحر خلاص رجال معصب حبيبتى زين والله انه ماطلقج وقالها


انتى تحبينه وتموتين فيه ليييه المعاند


المفروض حزتها ماتكلمينه وطاااااااف لين يحس بغلطته ويعتذر


وتاليها عاد تشرهى عليييييييييه


الحين لاتدقين ولاتحرشين فييه واصبرى يومين وبعدها انتى روحى لبيتج لانج انتى الارحتى موهو وداج

انتى الاطلبتى

ولاصرتى عندة تفاهمى معاااة بأسلوبج ومعرفتج بطبع زوجج

والله يهديه لج ويسخرة ويهدى النفوسس بينكم

 

[صباح الليل]

احسج تسرعتي بسالفة الطلاق
يعني لو زعلانه في بيت اهلج ودخلتي الكبار بينكم كان احسن
يعني صج اهو غلطان وستين غلطان بس السالفه ماتوصل للطلاق

الله يهون عليج ويفج ضيقتج

 

[[[ عيون جابر ]]]

اهو صح كلامج غلط ال سواه ولازم يحسب لج حساب بس بنفس الوقت الي سويتيه وايد مبالغ فيه لو على الاقل زعلتي ولما يرد كلميه وناقشيه احسن من انج تقولين طلقني ومن هالكلام دام تحبينه ويحبج اكيد بيتفهم ناقشيه بهدوء افضل
الله يهدي سركم
تعوذي من ابليس انتي واهدي وربي يقدم الي فيه الخير لج وله انشالله

 

[امواج الكويت]

والله يا بنات لو اني واثقه بس واحد بالاميه انه راح يعتذر جان سكت بس هو لما يدخل ويشوفني يقولي ويهج يسد النفس هذا اعتذاره لي خلاص طفح الكيل مليت والله مليت والدوانيه دوانيه بيتهم كانت فاضيه ما فيها الا هو

 

[وجدان الكويت]

انا عندي الاحترام بي الزوجين اهم من الحب

ميخالف حبيبتي انا معاج انة غلط بس انتي هم غلطتي يوم عصب عليج جدام اهلة المفروض قايلتة الله يهديك وطالعة فوق غرفتج واذا ياج بالليل تفاهمي وياه صدقيني الريال اناني ماااااااااااايحب المرة اللي ترفع صوتها عليه حتى لو غلطان

وداااااااااااايما ياابنااااااااات لاتخلوون الريااال يمسك عليك شي وخاصة جدام اهلة لو ساكتة جدام اهلة صدقيني جان اهما اللي بياخذون حقج منة

عموما خلاص حبيبتي اللي صار صار الحين انتي صلي وادعيلة ماتدرين يمكن الريال متضاايق من شي وبعدين ليش متاكدة ان الرقم من بنت !!!

الحين كثري الاستغفار وصلي قيام الليل وادعيلة وانتي تقولين متاكدة انة يحبج خلاص عيل صدقيني ماراح يتحمل فراقج خلو هالفترة فترة تفكرون فيها ولا تعتبرينها فترة زعل

والله يهديكم ان شالله ولا يفركم عن بعض ان شالله

 

[روحي تحبه غصب]

لا تزعلين اثنينكم غلطانين

اهوا غلط لازم يكون في احترام بينكم
وانتي غلطتي بطلبج لطلاق ومراددج عليه

اهو يمكن عصب لانج مفتشه تليفونه وانتي متضايقه بسبت تليفونه
وهذا السبب الرئيسي لمشكلتكم ولا عرفتوا تحلونها


الحين الله يهداج تركي التليفون عنج وتعوذي من ابليس وقعدي مع نفسج وحاسبيها وراح تلاقين كلامي صحيح

واذا كلمج لاتيبين طاري الطلاق

الله يهدي الامور بينكم يسخركم لبعض

 

[هيبة ملك]

يبه الرجال جوعان وعصب عاد انت هم تعصبين

ساكته عنه وبالدار بالليل تحلين امورج

طلعتج من البيت هي الغلط

الحين خليه لين هو يرد وشوفي

مالج إلا الصبر

 

[A7bny =)]

ماعرف شقولج يمكن اختلف مع البنات انج ماكان لازم تردين لان احس لو كنت مكانج بقوله لا تغلط علي مو يجببني جدام اهله ليش ياهل عنده اصلا عيب وانتي حسب كلامج مو اول مرة يغلط وبتعدين حتى ايده يمدها عليج وفوق هاي يخونج!!!

مادري الله يهديه بس اذا تحسين ان الطلاق بيريحج وبتعيشين حياتج وتوج صغيرة شوفي اللي انتي تبينه لا تأثرين بأحد لان محد راح ينفعج بالنهاية هاي حياتج

 

[سارووه الاموره]

عمااا بعينه والله شي يحر شنو جب جداام الناس واهله شهالحركه الخاايسه ..

حبيبتي اذا الريال مو عاجبج وطول سنوات زواجج مأذيج ولا انتي مرتاحه معااه شتبين فيه ؟!!

ونصيحه لاتسمعين لاحد سمعي لنفسج لقلبج لعقلج انتي تبينه تبين تكملين حياتج معاه مساتنسه عليه رديله وياريت لو تبادرين انتي وتدزين مسج
تفضفضين له مثلا ليش تسبني جدام اهلك انا مرتك حبيبتك جذي تسوي فيني ووووووو......الخ

من هالحجي

اما اذا عااافه الخاطر خلاص لا اسلوب ولا خير ولا عيشه سنعه فكي عمرج منه قبل لاتدبسين بيااهل وتالي صعب تفارقينه علشان البيبي
وبتعيشين حيااتج معاه بكره وجنج مغصووبه ..



الله يعينج ويوفقج ان شاء الله..

 

[درة أهل الطولات]

غلطتي

تدرين ليش لانج لو قاعدة في بيتج جان تفاهمتوااا


زوجج شكله بايعهااا

وماراح يهتم

الله يعينج

 

[امواج الكويت]

يالله يارب سهل ولا تعسر

 

[eng.meema]

بنات شفيكم ؟؟
من صجكم ؟؟
يسبها ويطقها ويخونها ولما يدخل عليها البيت يقولها وجهج يسد النفسد والحين تجرأ وقام يسبها جدام اهله ؟
كلللللللللل هذا وتسكتله ؟
بنات فهموها منوقالكم انها تبي تتطلق عشان قالها جب __ السالفه تراكمات مو بس موضوع يعني الموضوع اكبر من جذي لا تستسخفون بالموضوع
اذا كل هذا يسوي فيها شنو في شي بعد اقوى عشان تتطلق ؟؟؟ ناطرين تحمل وتتدبس ابياهل وبعدين تتطلق ؟؟ وبعدين عاد تقعد تتحسر على عمرها وتقول يا ليتني تطلقت قبل لا احمل
يبا شفيكم الكتاب باين من عنوانه
هالشخص ما يتعاشر
يبا بالطقاق بالحب لا يحبها بس خل يحترمها
ادوس على كرامتي يعني ؟؟ اوكي مستعده ادوس على كرامتها عشان زوجها مره ومرتين وثلاث اوكي وبعدين ؟؟ لي متى ؟؟ لين توصل انه يمد ايده عليها جدام اهلها
الموضوع ما ينسكت عليه
قرصييييييييييييييييه

 

[داريني]

عن لو مكانج اسوي نفسج
عاد كل شي ولا يسب قباله اهله بعد اشبقى باجر يشيل نعال ويطقني
وفوق هذا شينه قوات عينه يسبج ويقولج مو متربية؟
انتي لازم توقفينه عند حده ترا ريال مو كل شي بالدنيا
الي يحترمني اهوه الي يستاهل اكمل حياتي معاه
انا الي يدوسني ويهيني قبال اهله ما يشوف شر ان شالله