قالي جب جدام اهله

[كنوشة 2009]

ما دام الريال عند خيانات هذا موضوع ثاني ولازم يوقف عند حده وكل شي الزوجة تتحمله لكن اذا تكررت الخيانة هذا موضوع يحتاج وقفة من ابوج شنو طق وسب وخيانة وهذا وضع ما ينسكت عنه والظاهر هالموقف فجر اللي فيج كله لان الوحدة تصبر وتصبر بس آخر شي تنفجر
والله يهديه

 

[احـ رومانسيـــه ـلا]

رد : رد: قالي جب جدام اهله

والله يا بنات اسكت واسكت واسكت لدرجه احيانا احكر نفسي بالغرفه واوصل لمرحلة الجنون بس هذا طبعه اذا تعرف على وحده يمسح بكرامتي الارض لي متى وانا صابره انطقيت لاني كلمت وحده منهم وانذليت مليون مره عشانه وانا اسكت وانثبر مات ولدي وانا باخر الخامس بسبته شسوي صبرت وصبرت وصبرت لما وصلت طاقتي حدها

يعني اهوه مو بس يسب ويغلط

بعد يخون!!

لأ اذا السالفه فيها خيانه زين تسوين فيه

 

[عنزروته]

لا والله ما بينا حملت ونزلت قبل شهرين بس انا لو غلط علي بينا والله عادي عندي اما يغلط علي جدام الحريم لا ما اتحملها مهما كان هذي كرامتي وتنداس جدامي

شوفي حبوبة اول شي شيلي الطلاق مدام قلتي وعترفتي بحبكم لبعض و اذا شفتي الاعصار ثار انتي لا تراددين وسكتي ولله هذولة الريايل يحب ينفش ريشة جدام اهلة ,,,,,وعندي لج حلين لا ثالث لهم وهم ,,,ياانج تجبرينة يقص لسانة ومايعود يتلفظ عليج ويكتم وغيضة ويطلع ولا يتجرء وينافخ جدام الناس حتي لو اهلة ......
اووووووووووووووووووو انج بزعلتج هذي تطلبين بيت بروحج علشان يتوب وياخذ راحتة بصراخ لين ينفقع سرة <<لاتزعلين علي

 

[++MesK++]

؛
؛


الله يصبر قلبج حبيبتي

الزم ما عليج كرامتج

زوجج عيوبه وايد : خيانه ؛ عدم احترام ؛ اهانات ؛ يعايرج ..

؛
؛

 

[3emya_Berry]

امبي شلون تجراتي وقلتيله جذي انا ريلي مرة قلت حق اخته عن صالون يسوي تاتو الحواجب جان ينط جدام الكل وقالي مالج شغل انتي ولا تعلمين خواتي عالخراب ويهي قط احمر واخضر وفسفوري ولا قلت شي وحزت بخاطري بس اخته غيرت الموضوع

 

[امواج الكويت]

كلمه ابوي وقعد يجذب يقول غلطت علي جدام اهلي وقالتلي انت مو ريال عاد انا قلت حق ابوي انا الحين ادق على امه واخليها تقولكم اللي صار لانها ما تجذب

 

[om__jana]

الله يعينج حبيبتي بس الريال اللي يطق مرته ويخونها ومايحترمها (اذا كانوا بروحهم مو بعد جدام اهله) للأسف انسان مايتعاشر وما اظن يحب اللي يحب مايسوي جذي

خلج بيت اهلج فتره ريحي واهدي ولا تفكرين فيه كلش لهي روحج ولا تخلين ابوج يدق عليه شوفيه اهو شراح يسوي اذا يبي يكلمج او يدقلج او مسجات لا تكلمينه خلي ابوج يكلمه ويوقفه عند حده لازم يعرف انه عندج ظهر وانج بنت ناس

 

[اشتياق]

زين سويتي فيه

لحد يكلمه حقريه

خليه ليمى اهو يطخ وتهدا السالفه

 

[السهم الصويب]

جليل الحيا
يزاه واقل من يزاه بعد
شنو تقولولها غلطانه ؟
يسب جدام اهله ؟ ليش ماكو كرامة
وفوق هذا يخون ويعاير بعد
أدبيه وزين سويتي كل شي قولي حق ابوج
حتى جدام اهله
خلهم يعرفون انه يوم سبج مارضيتي
القويه يخافون منها والضعيفه ينداس على راسها
يننيه لاتردين ابسرعه

والله يعينج

 

[jolie_q8]

رد : قالي جب جدام اهله

مدام رحتي بيت اهلج ريحي جم يوم عندهم علشان تعرفين تفكرين وتاخذين قرار

افشل القرارات والانسان معصب

والله يهدي سركم ,,

بس حبيت انبهج على نقطه : حسيت انج كاتبه تفاصيل المشكله ما تخافين انه احد من اهلج او اهله يقرا

ويعرفون سالفتكم !!

 

[امواج الكويت]

دقيت على خالتي (امه) وقلتلها اني فبيت اهلي قالت ماله حق يوديلج السايق ياخذج هذا مو بيته اذا صارله بيت يتحكم فيه وانتي ما غلطتي عليه وما راح اسكتله انا كنت قاعده وسمعت كل شي وانت صارلج عندنا سنتين اعز من بناتنا ومحترمتنا وساكته على عيوبه وهو ولدي واعرفه ما يثمن كلامه وقالت انا شفته يوم يخزج وقلتله عيب مو قدام الحريم

 

[احـ رومانسيـــه ـلا]

رد : رد: قالي جب جدام اهله

كلمه ابوي وقعد يجذب يقول غلطت علي جدام اهلي وقالتلي انت مو ريال عاد انا قلت حق ابوي انا الحين ادق على امه واخليها تقولكم اللي صار لانها ما تجذب

امبي من صجه يجذب بعد !!

والله زين تسوين ..

 

[احـ رومانسيـــه ـلا]

رد : رد: قالي جب جدام اهله

دقيت على خالتي (امه) وقلتلها اني فبيت اهلي قالت ماله حق يوديلج السايق ياخذج هذا مو بيته اذا صارله بيت يتحكم فيه وانتي ما غلطتي عليه وما راح اسكتله انا كنت قاعده وسمعت كل شي وانت صارلج عندنا سنتين اعز من بناتنا ومحترمتنا وساكته على عيوبه وهو ولدي واعرفه ما يثمن كلامه وقالت انا شفته يوم يخزج وقلتله عيب مو قدام الحريم

يحليلها امه والله خوش مره

واقفه معاج مع الحق

 

[باربية الكوووويت]

حبيبتي انتي عارفه زوجج بدمه الخيانه هنقطه لا تنكرينها

ثانيا ربي مارزقج بعيال وهذي اكبر نعمه عطاج ياها ربي

سنتين كاافي مهله واختبار له يتعدل ولا مايتعدل

انتي شفتيه تعدل ؟؟

في منه أمل يتعدل ؟؟

ماظنتي

وهذي فرصه انج تطلعين من هلحياة الي معاه

ناطره شنو حبيبتي ناطره تيبين 5 ولا 6 يهال ويتعدل اذا ماتعدل عشانج بيتعدل عشان اليهال ماظنتي فكري بعقلج الحب شي وراحة البال الاستقرار شي الزواج احترام واستقرار وراحة بال

انتي الحين فاقده هلاشياء ناطره تيبين عيال وتبهذلينهم بأبوا خاين واناني وعايش لنفسه فكري شنو ذنبهم ؟؟؟؟؟؟؟؟؟؟؟؟؟؟؟؟؟ عشان تحبينه واهوا يحبج اوكي حبكم شنو بيفيد عيااااااالكم باجر لي شافوا خرابيط ابوهم وامهم الي ذابحها الهم ومتحمله ماظنتي هذا جو اسري صحي يتربون فيه فكري بحياتج وبمصلحتج مافي وقت نضيعه بهدنيه عشان ننطر غيرنا يتسنعون سنتين راحوا من عمرج يكفييييي وانشالله اسمع عنج اخبار حلوه

 

[eng.meema]

خلاص دام امه واقفه معاج اكيد اهي بتكلمه
خلاص لا تحاتين بس شيلي السالفه من راسج ورلاتفكرين فيه ريحي مخج من التفكير هاليومين لأنج افكارج امشوشه وقراراتج مو سليمه بهالفتره
مرده لج دام يحبج واكيد اهوه بينه وبين نفسج يدري انه اهوه الغلطان مو بس بهالسالفه بكل سوالفه معاج من طق وخيانه وسب وغيره عشان جذي انا متأكده انه بيرد وراح تتذكرين ردي هذا

 

[أم تروكـ]

رد : قالي جب جدام اهله

من صجه هذااا @@

والله عينه قوووويه

زين سويتي فيه وكلمتي خالتج عشان يتفشل ..

بس انتي لاترجعييين لين يرد اعتبارج ويحس بقيمتج ويقدرج

 

[( المـلاك )]

حبيبتي غلط انج هديتي بيتج
المفروض تكونين معاه ما تخلينه عشان يصفاله الجو بروحه
دام تقولين انج تحبينه وتدرين انه يحبج
خليج معاه و تفاهمي معاه و الله يهديه انشالله و يسخره لج

 

[الاسطورة]

مدامج في بيت اهلج
ريحيلج جم يوووم
وتالي قعدي فكري فيها
تبين تعيشين معاه ولا لأ
لا تاخذين القرار وانتي معصبه
وتالي تتحسفين


والله يهدي الامور بينكم

 

[ريماس21]

بعد انتي الله يهدااج سااكته عنه سنتينن يعني الوااحد يعرف شنو ماايته من اول شهرر

 

[امواج الكويت]

انا ابيه ومابي اتطلق بس انا بقرصه عشان يعرف اني مو ميته عليه وهو ماسك المسجات اللي طرشتها له عذر