قالي بالطقاق

[بزه المرتزه]

السلام بشوركم يابنات
امس جاني زوجي وجايب حلو معاه!
قتله من وين قالي صديقي معطيني اياه من امه لاني احبه
انا حبيت اتدلع عليه فغرت شوي قتله اكيييييد صديقك وهو يضحك
بعدين رحت عنه الغرفه كنت ابيه يلحقني بس ما جا وراي رديتله قتله يعني ما تجي قالي انتي زعلتي لاني جايب الحلو شسويلج
قتله ما زعلت بس كيفك خلاص واهو كان عنده دوام 12 ساعه تحت الشمس وجاي تعبان
بعدها دخل الغرفه وكنت بالفراش لفيت عليه قتله يعني ما تجي تراضيني قالي اراضيج على شنو انا مو مسوي شي!1
قتله صح ماسويت شي بس ياخي قاعده اتدلع عليك والمفروض تدلعني
قالي كيفج تدلعي وحقرني!!!!
قتله شنو يعني بالطقاق قالي اي بالطقاق!!!
انا اهني زعلت جد
وكنت مو شايفته طول اليوم و ولهانه عليه وختمها بهالكلمه!!
واليوم دزلي مسج اول ما صحى وليلحين ما اتصل! وهو من عادته ان يتصل اول ما يطلع
فالحين شسوي
اتصل والا اخليه يحس ان غلط علي لما قالي هالكلمه!
مابيه يعيدها ومابيه يتعود ان يغلط وارجع اكلمه عادي
مع العلم اني دايما باي مشكله انا الي ابادر واكلمه ونتفاهم
بس هالمره اهو غلط ولازم يعرف ان الي قاله غلط
شسوي الحين

 

[زوجة عزيز]

اتصلي له يبه عادي ماصار شي لا تكبرين السالفه ومره ثانية لازم تختارين الاوقات اللي يكون فيها ماعنده شي وتكلمينه عن هالكلمه بيني له انج تضايقتي يوم قالج جذي

 

[دلع العتبان]

قالج بالطقاق مير ياوليدي ماسمعتي كلام الرجال الصج الي يجمد على الشارب هههههههههههههههااااي ونعتذر من وضع نماذج خخخخخخخخ



الرجال محترم لاتضغطيه ترى على زله وماقال شي غلط عادي وانتي اظاهر دلعج جا يسولف بعشره الشهر فشي عادي

تدلعي عليه يوم يكون رايق موجاي من الدوام ووجهه مزورق من الشمس ""

ربي يسخرلج ريلج اللهم امين

 

[غدرك ذبحني]

صراحه انتي ماعندج سالفه اوكي تدلعي وتغلي بس علي شي يسوى علشان جايب معاه حلو تزعلين رجال جاي من دوام تعبان يبي كلمه حلوه والابتسامه مو تزعلين وبعدين انتي الي قلتي بطقاق انا اقول دقي سولفي عادي او طرشي مسج حلو لان زوجج شكله حبوب

 

[غلااا الرووح]

ههههههههههههههه مدرى اضحك ولا ابتسي

عن جد انتى الغلطانه الحين بدال ماتروحين يوم جاب الحلا تصلحين القهوه وتتقهويين انتى ويااه جالسه تتدلعيين هذا وقت دلع ومرطسه بالله

ياشيخه لوانى مكانه كان اخذت الحلا ورحت تقهويت عند امى وخليتك تنقهريين زود مير زوجك حنون احمدى ربك بس

 

[Tulips]

لا تكبرين السالفه و اهي صغيره

ولاتزعلين على اي شي وتوقفين على الكلمه

 

[نونو العصله]

من صجج
لا حرام الريال ياي تعبان 12 ساعه بلشموس
المفروض يلقى عشا جاهز وابتسامه


الله يهداج هذا وقت دلع
تدلعو بلعطل والاعياد الرسميه

الله يصلح الحال يوخيتي

اتصلي عليه تراه ماغلط
مسكين عليه ضغوط

 

[Bnt tmeem]

من صجج ؟؟؟!!!

 

[Judy . abbot]

بس مو اهوه الي قالج بطقاق انتي الي قلتيها اول
عموما لما ايي انسي الي كااان
وسويلج كيكه وتدلعي شوي وقوليله شرايك بكيكتي
وحبيبتي ريال ياي تعبان من الدوام بدال لا ادلعينه اول ما ايي تبدليله ملابسه ولا تستقبلينه بعصير باارد
تنكدين عليه وبشي ما يسوى وتبينه يراضيج

 

[مزاااج]

باين عليكم معاريس

هذي حركات أول العرس

بعد فتره تبين السلامه ماتفكرين بصغائر الأمور

وبعدين انت الي قلتي بالطقاق مو هو

جذي انت الي تعودينه ع اللفاظ النابيه>>>>لا لا هذي أنا ماعرفتني

واخيرا دامج كل مره انت الي تبادرين خليه هالمره هو الي يبادر عشان لايتعود

بس عديها بسرعه وبأبتسامه عريضه

والنصيحه الأخيره ع حسب شخصيه زوجج مابي أستاثم فيج


والله يوفقج ان شاءالله



​

 

[محتارة وبصيح]

رجال تعبان وجاي من الدوام فاكيد ماله خلق شي

 

[سحـورة]

علطوول زعلتي ؟
جان راضيتيه أكثر ، و حاولتي معاه ..
حبيبتي خلي لدلعج وقت ، و سوالف التنغير ابتعدي فيها
لأنه الظاهر ريلج ما يحب هالطريقه من التعامل
و موفقه ... راضيه و إنسي و عيشو حياتكم بـ كل حب و رضا

 

[اللؤلؤ المتناثر]

يبه عيشي حياتج إذا على ولا شي زعلتي
شخليتي على إلي يطقها زوجها ويخونها بعد وعليه عليهم إقري مواضيعهم وقارني زوجج بأز

​

واجهم
لا تزعلين على كل شي بعدين والله تموتين من الزعل ويقول كيفها هي كل يوم زعلانه

 

[حبيبي مالكني]

لا تكبرين السوالف
ونطري وقت يكون رايق وعاتبيه
والله يهديه لج

 

[بربيره]

قالج بالطقاق ؟ قوليله الي يطقج

و كل واحد اخذ حقه و انتهى الموضوع

 

[بنتـ المملكه]

ههه ماتوقع فيها شي لو قال بطقال

عجل لوقالك انقلعي عني شنو بتسوي

 

[love-latee]

حبوبه تعوذي من ابليس
ترا انتي الغلطانه

 

[Queenleo]

عيبكم ماتعرفون متى الضحك ومتى الجد
الريال تعبان وويايبلج حلوووى يبي يسووولف معاج وانتي كبرتي السالفه
يوم انج شفتيه جذي جان لميتي المووضوع مو تصرين عليه
وبعدين لاتبطلين هالطاري ووتحطين افكار براسه
جذي تخلينه يستسهل المووضوع وويمكن يسوي شي وويجذب عليج باي حجه
خلاااص لاتتغشمرين هالغشمره مره ثانيه
ووريلج لاتدقين عليه عادي لما يرد خلج طبيعيه
لاتحسسينه ان المووضوع هامج

 

[ثريا الكون]

لا تكبرين السالفه و اهي صغيره

ولاتزعلين على اي شي وتوقفين على الكلمه

:eh_s(15): انا معاهااااا

 

[صمت المرافئ]

الله يعين ريلج عليج

​