قالوا طبيعي ...وانا ماصدقت

[*ماي الورد*]

الشوز تحصلينه بشوول

 

[حبة جالكسي]

الشوز تحصلينه بشوول

وين مافهمت .............

 

[باقة ورد]

اولا موضوع المشاكل اللي تصيب ارجل و اقدام الاطفال مو شي بسيط و يحتاج لاراء دكاترة و تشخيص دقيق و اشعة و سونار و لازم تاخذينهم لاكثر من دكتور حتى تتطمنين اكثر و اكثر...و استغرب من اللي تقول للاخت اللي سائلة ان بنتج راح تطيب بروحها مع الوقت !! اشلون عرفتي؟؟ انتي شخصتي حالتها و شفتي اشعتها!! ولا اللي تقول لبسيها جوتي بالمقلوب ..يمكن اذا مشت على طريقتج تتاذى اكثر و تتاثر عظامها لان الاطفال بهالسن عظامهم طرية ...يمكن اهي ما تحتاج هالشي او تحتاج جوتي خاص و مقاس معين .. او نعلة معينة و جبيرة...السالفة مو بهالبساطة!الجوتي ينلبس بالمقلوب حق حالات معينه مو كل الحالات و بعدين هذا نظام قديم الحين فيه جواتي ..خاصة يكون اتجاهها من الداخل صاير بالعكس بس شكلها من برة طبيعي ...ويمكن اذا مشت على طريقتج تتاذى اكثر و تتاثر عظامها لان الاطفال بهالسن عظامهم طرية ..
اختي انتي لج الحق انج تقلقين و تخافين على ولدج وطالما اخذتي له اشعه و قال لج الطبيب ان طبيعي فهذا شي مطمئن بس ما يمنع انج تاخذين هالاشعه لدكتور ثاني حتى تتطمنين اكثر و اكثر و تعيدين الفحص بعد جم شهر لان اذا فيه مشكلة لا سمح الله بريلة لازم تتعالج بوقت مبكر احسن و خصوصا انج قلتي ان القدم فيها تقوس .
انا بنتي كنت الاحظ من صغرها تقوس بالقدم مو الرجل و عرضتها على اكثر من دكتور و قالوا لي طبيعية بس فيه دكتور بالرازي قال ان اللي عندها بسيط و يتعدل مع النمو ..و بعد جم شعر حسيت ان التقوس زاد و لما تمشي وايد اتطيح مو مثل اختها التوام و كنت دايما اقارنهم ببعض و احس انها غير..و عدت الاشعه بالرازي كان دكتور تشيكي وقال ان فيها نسبة تقوس و وصف لها جوتي خاص مع نعلة تساعد ان رجلها ترجع طبيعية و جبيرة تنحط بالليل...وقال لي عيدي الاشعة بعد 6 اشهر ..بالهفترة وديتها الرياض عند دكتور شاطر و قال لي انصحج اتلبسينها جوتي غير الماني وايد زين حق هالحالات بس مو موجود بالسوق و سويت بحث بالنت وطلعت موقعهم وراسلتهم و دزولي الجوتي والحين تلبسه و عندها اشعه كل 6 اشهر لمن انشالله تتعدل اريولها...
انا ما اقول او افاول على ولدج لا انشالله يكون فعلا سليم و ما يحتاج هالسوالف بس انا حبيت اذكر تجربتي مع الدكاترة كل واحد كان يقول لي شي غير ..فانصحج تاذين الاشعة لدكتور ثاني و تتطمنين اكثرو بصراحه انا ما عندي فكرة عن تقوس الرجل انا بنتي عندها تقوس بالقدم يعني ريولها داشة لي داخل و اهي حتى اذا تمشي عدل فيتم هذا مو زين لازم يتعدل التقوس لنها قاعدة تضغط واهي تمشي على اماكن غلط بالقدم و هذا راح ياثر على العمود الفقري بالمستقبل لا سمح الله....

 

[حبة جالكسي]

باقة ورد مشكورة مااقصرتي
حبيت اعرف اسم الدكتور التشيكي اللي في الرازي وكم عمر بنتج لما شخصها
ومشكورة مرة ثانية

 

[روح نقيه..!]

يختفي لمايكبر

 

[باقة ورد]

بصراحة اختي ما اتذكر اسمه بس اتذكر اني رحت الاميري و قلت هم اني شاكة برجل بنتي مو طبيعية و ابي تحويل للرازي و عطوني ورحنا العصر هناك فيه عيادات قاعدين العصر كان فيه دكتورين واحد مصري و الثاني تشيكي و انا اخترته وطلب الاشعة وقال لي لازم جوتي خاص و نعلة خاصة تنحط داخل الجوتي... انتي عندج اشعة عرضيها على دكتور ثاني اهناك و اخذي راية وان شاء يأكدلج ان الولد سليم عشان ترتاحين اكثر...و طمنينا

 

[باقة ورد]

عمر بنتي لما شافها كان سنه و شهرين

 

[حبة جالكسي]

بصراحة اختي ما اتذكر اسمه بس اتذكر اني رحت الاميري و قلت هم اني شاكة برجل بنتي مو طبيعية و ابي تحويل للرازي و عطوني ورحنا العصر هناك فيه عيادات قاعدين العصر كان فيه دكتورين واحد مصري و الثاني تشيكي و انا اخترته وطلب الاشعة وقال لي لازم جوتي خاص و نعلة خاصة تنحط داخل الجوتي... انتي عندج اشعة عرضيها على دكتور ثاني اهناك و اخذي راية وان شاء يأكدلج ان الولد سليم عشان ترتاحين اكثر...و طمنينا

المشكلة اني رحت للرازي وقالي الدكتور المصري طبيعي ومااررتحت ورحت للفروانية وهم قال طبيعي .............وسويت سيرتج بالنت وشفت الهوايل وقلبي حيببببببببببببببببل مااكلني
وابوة قال بسج وسوس خلاص مافية اللا العافية ...وموراضي اني اروح للدكتور ثالث