قالت الدكتوره مفتوحه اربعة صانتي وانحشت شسوي

[شكريه81]

حبيبتي ابرة الرئه يعطونك اذا شكو فيك ولاده وانتي تو الناس على ولادتك يعني السادس السابع عشان تهيئ الرئه بس مو وانتي بشهرك

 

[tbola]

الله يسهلها عليج ياربي والحمدالله مافيج الا العافيا وماي اوكاي

 

[*peace*]

اي مستشفى الدايخ اللي قالت ٤ سانتي ونعطيج ابره للرئه؟

ومنو دكتورتج؟

 

[*peace*]

وبعدين معروف اذا ماكو طلق او عوار او انكت ماي البيبي ماتروحين الطبيب تتبهذلين

الله يسهل عليج يارب وتولدين بالسلامه انتي والبيبي

 

[الدنيا غير]

حبيباتي ابره الرئه عموما يعطونها للبيبي اذا مادخلت امه الاسبوع 37 لان تكون الرئه بعدها ما اكتملت لان الرئه سبحان الله ماتكتمل الا بالاسبوع الاربعين بالضبط و احنا قاعدين نولد قبل فلازم ناخذها ساعات يعطونه اياها و ساعات لا بس الاحسن تاخذينها و اخذيها من الحكومه اوفر لج من الخاص اهما ابرتين تاخذينهم
و لو انا منج دخلت وارتحت لانج مفتوحه 4 يعني ولاده و الله يهون عليج يارب

 

[om deaj]

انا بولاداتي اروحلهم مفتوح الرحم 4 سم وادش ولادة وابرة الرئة افضل للبيبي

توكلي على الله خلج عندهم يتطمنون عليج وعلى البيبي وتولدين بالسلامة

 

[على الطيب تربيت]

مشكورات عالردود ربي يعافيكم والي تسال اي مستشفي قالي اربع صانتي هو مستشفى لندن ومو دكتورتي هذي طواريء واسمها سحر

 

[كويتيه مذهله 87]

ماله داعي ابره الرئه وان حسيت بعوار روحي الطبيب

 

[صديقت قوقل]

هههههههههههه ياحليلج ذكرتيني ببنت خالي يوم انحاشت

الله يسهل عليج

 

[مضيعه عقلها]

الله يسهل عليج

 

[اتحداهم احلاهم]

الله ايهون عليچ يارب وتولدين بالسلامه ويهون علي يارب

 

[على الطيب تربيت]

هههههههاي والله يوم شفت زوجي ووصلتله ذكرت بنفسي الحمدلله الذي احياني بعدما اماتني ماصدقت انحششششت

 

[Laymo0ona]

شصار عليج الحين؟

 

[متيمه بهواه]

وينج يأم نحشه ههههههههه
شصار عليج

بس غريبه 4 سم وخلوك تطلعين اصلا انتي ولاده مابها اي كلام
بس دكتورتج يا انها عليميه ماتعرف أو ماقاست لك مضبوط

روحي دكتوره ثانيه أحسن لك
ترى مو زين لج ولا للنونو

لاتجازفين ​

 

[على الطيب تربيت]

هلا بخير وسعاده وراحه وامس مسيره عالجيران واليوم بمشي بالممشى مافيني الا العافيه

ما اروح للطبيب الا لاجاني طلق او نزل دم او ماي او عديت شهري غير جذي لااااا


ترى انا تبون الصج ملقوووفه رايحه ابووولد ولمن شفت الصجيه انحشششت

 

[Q 8 Y A t]

لا تولدين عليهم بالشارع

الله يقومج بالسلامة

طمنينا عنج

 

[فـراوله]

أنا ببجري دخلت المستشفى وانا اربع سانتي وقعدت يوم كااامل
على هالحااااال بالاخير عطوني طلق صناااعي يعني عادي كنت أقدر أقعد بعد
انتي احسن شيء تروحين تتاكدين من الحكومه

​

 

[LiL MaMa]

حبيبتي انا الحمالله الحين حامل بالخامس اول مايقولولي مفتوحه اشرب عشبه اسمها كف مريم
والله انها مثل السحر
من بعد ربي سبحانه تسهل الولاده سوي بحث بقوقل او سئلي عنها عشان تأكدين

و الله يسهل عليج و يرزقج الذريه الصالحه

 

[فـراوله]

بنات حتى يقولون الحلتيته وحده بوحده تشمينها تفتح الرحم
أكثر ​

بس بنات التجاااارب لازم اذا الرحم انفتح غير جذي لااااااا ​

 

[ملاك ^ الحب]

الله يسهل عليج يارب
واذا ياج الطلق ادعيلي بالحمال مو تنسيني