قالت الدكتوره مفتوحه اربعة صانتي وانحشت شسوي

[على الطيب تربيت]

السلام عليكم حبيباتي انا دشيت شهري بس ماحس بولاده وكنت مسيره وطحت بالشاع ع بطني عاد رحت مستشفى خاص اتطمن ولا قالت بفحص واشوف ماي الجنين
ولقت ان ماي الجنين مانزل الحمدلله


بس قالت انتي مفتوحه اربعه صانتي ولازم تنامين عندنا نسويلج سونار وتخطيط وعينه من البول وباجر نعطيج ابرة لرئة الجنين ونشوف يمكن نولدج


انامارتحت لكلامها قلت لهاانا بطلع لان ما احس بولاده وان تعبت جيتكم وانحشت لبيتي ونمت وتو قعدت مانزل معاي شي وولااحس بشي


شرايكم وشنو ابرة رئة الجنين.

 

[ام رهومي]

الله يهون عليك

 

[ريح قهوه]

ما ادري روحي لغيرها احسن لج عشان تطمنين اكثر اربعه سانتي ولاده لمثل ماقلت لج روحي لوحده ثانيه اخاف هذي دايخه

 

[على الطيب تربيت]

مشكوره حبيبتي عالرد

 

[فلفل اسود]

شنو لعب يهال انحشتي

حبيبتي انتي مفتوحه ٤ سانتي المفروض الحين بغرفة الولاده

انا اقول تعوذي من ابليس وتسبحي وزهبي جنطة الولاده

واخذي ابرة الجنين وايد زينه حق البيبي احسن من مايطلع تعبان لانه اغلب الأطفال يتعبون بطلعت الراس

 

[على الطيب تربيت]

ان شاء الله انا خفت ان الخاص يضحك علي لاني ماحس بولاده وتو بداية التاسع الحين بروح للحكومه واتاكد وان قال ولاده رحت لدكتورتي تولدني

 

[Laymo0ona]

روحي المستشفى احسن بس ليش ابرة رئه وانتي بشهرج؟؟

 

[أم صقر المنصوري]

سلامات
اللي أعرفه 4 سانتي دخول مستشفى ولادة
والله يسهل عليج
روحي الطبيب أحسن

 

[شـيـوخـهـ]

انتي اول التاسع!! عشان تعطيج ابرة الرئه!

صراحه غلطانه مو شرط تحسين ببوادر الولاده روحي لدكتور ثاني تثقين فيه وتوكلي على الله

لا تقعدين حبيبتي تطمني احسن ةالله يسهل عليج

 

[زهور المحبة]

٤ سم ولاده اخاف ما تعرف تفحص
وإبرة الرئه تنعطى للي بتولد بالثامن
روحي الحكومه شوفي شيقولون بعدين
اذا فيج شي روحي لدكتورتج

 

[روحي ابوي]

الله يهدااج اناا اخترعت..ليش للحين ناطرة روحي دكتورتج وشوفيها شتقول..حبيبتي 4سانتي ولادة!! شلون طلعتي.. الله يسهل امورج وتبشريناا بولاتج يااارب

 

[مس لوتس]

حسستوني ٤سم ١٠سم ،،؟؟!!!

حبيبتي انا يومين رحمي٤سم وبعد الموت يالله تبطل انتي شربي الحين دارسين ولاتاخذين ابره الرئه اساسا سبحان الله البيبي لو يقعد يوم بالتاسع تكتمل الرئه عنده ف لاتستعيلين وغيري دكتورتج نصيحه

 

[فلفل اسود]

حبيبتي تختلف البجريه كل اربع ساعات تفتح سانتي ام الي يايبه اعيال كل ساعتني صاتني

روحي الطبيب لاتهملين نفسج

 

[على الطيب تربيت]

مشكورين عالاهتمام انا رحت للعدان شرحت للدكتور قال خلاص تدشين تحت الملاحظه تخطيط وسونار ونشوف ان في ولاده قلتله انا مابي اولد هني انا جايه اتطمن ان في ولاده رحت لدكتورتي قال وقعي انج بتدخلين ملاحظه وقعت اثاري الي وقعتها اني بولد عندهم دخلوني وحطوا درب يعور وتخطيط وسونار ودكتورا كويتيه قشره وغرفه وصخه ومكسره شي مخيف والباب مبطل وتشوفين الي يولدون وتسمعين الي تصااارخ وتترجا السستر وتسمعين صراخ الدكاتره شي ناديت الدكتوره افحصت ولاتقول انتي مفتوحه ثلاثه صانتي قلت انا مافيني ولاده ولاجاني طلق ولا احس بعوار ولا ابي اولد هني وانا حاجزه بالخاص فطلعيني عصبت قالت ليش جايه وداخله قلت الدكتور قال بس ملاحظه وتطلعين ماتولدين طلعيني قالت ع مسؤليتج ووقعتني وطلعت والله يوم شفت زوجي حسيت اني عشت مره ثانيه ورديت للبيت ارتحت وكلمت اني قالت تو الناس عليج لاتًروحين الا لاجاج طلق او نزل معاج دم او ماي او حسيتي. بعوار وسلامتكم

 

[دلال و غلا]

حبيبتي الله يسهل عليج
و ربي حاسه فيج

 

[حلوةودلوعة زوجي]

الله يسهلها عليج بعد عمري

 

[مسك وطيب]

الله يسهل عليج يارب

 

[فلفل اسود]

شوفي حبيبتي العدان اعدام وماحد يمدحها الحمدالله لاحقتي على عمرج وطلعتي

وشربي دارسين

والله اسهل عليج الطلق

 

[كتالونيه]

الله يسهل عليج
وطمنينا اذا ولدتي
شكلج هالايام انشالله والده

 

[قمري]

الله يسهل عليج بس خلج بالمستشفى افضل