قاعة الجوري والجاردينيا بمستشفى رويال حياة....

[awsha]

انا سمعت قاعه جوري تكفي 100 شخص معقوله بس 20 شخص

 

[ام أحمدووه]

لاااااا وين ١٠٠ شخص من صجج
بالكثير ٢٥ شخص
انتي سامعة عن السيرفس اللي معاها حق ١٠٠ شخص


بس انا والله ليلحن محتارة بينها وبين الجاردينيا!!! مادري يعني تسوى الفرق ٢٠٠ دينار

 

[الملكة كوكو]

لا تسوين غلطتي انا صج ندمت , كنت حاطة في بالي ان باخذ غرفة ليلي حق ليلتين و احجز صالة الجوري او جاردينيا حق اليوم الثالث عشان اسوي استقبال و حجزت و كل شي اوكي , يالي طلق و و ولدت قبل موعدي ابــ اسبوعين و ريلي مسكين مثل ما قلتله حجز ليلي و طلع مافيه غرف استقبال محجوزة فل لي اكثر من اسبوع و انا توهقت كفري كبير رحت كورته على الجانب ما قدرت افرشة عدل بالغرفة و كنت مسوية ستاند كبير و توزيعات كلة شغلي صار بالبيت ماقدرت اييب ولاشي بالمستشفى لأنة ياخذ حيز بس يبت صحن ككاو عادي و تحسفت حدي و صار ظيج لانة ناس وايد يولي و الغرفة صغيرونة نوعا ما ما تكفي جان اتظايق و اقوله روح احجزلي غرفة كاميليا او ياسمين ابي اطلع من الغرفة مابيها قالوا ما يسير تحولين ليلة مني و ليلة بغرفة ثانية اذا تبين تخلصين ليلي و تدفعين حق ليلتين زيادة ابــ غرفة اكبر ثانية و ما يسوى طبعا , و بس صار استقبالي بالبيت و في ناس ما يت البيت حسافة ما ظيفتهم بس يالله ماعليه , فــ انتي تأكدتي تكون فاظية بالصالة يوم الولادة و تدفعين المبلغ و اذا مو ظامنة متى تولدين حجزي كاميليا او ياسمين احسن غرفهم كبيرة راهية و في كراسي وايد تكفي و من ناحية التكلفة اوفر عليج يطلع ...

 

[bubble.gum]

بنات سؤال .. الحين الجوزي وجاردينيا انام فيهم ولا لا ؟ لان امس دقيت عليهم قالولي ان ما يصير تاخذين غرفه وبعدبن يوم الثاني تروحين غرفه اكبر ..

شلون طريقه هالغرفتين ؟ وجم اسعارهم ؟

وسؤال الثاني غرفة كاميليا حجمها كبير ولا صغير وضيج ؟

 

[bubble.gum]

بنات سؤال .. الحين الجوزي وجاردينيا انام فيهم ولا لا ؟ لان امس دقيت عليهم قالولي ان ما يصير تاخذين غرفه وبعدبن يوم الثاني تروحين غرفه اكبر ..

شلون طريقه هالغرفتين ؟ وجم اسعارهم ؟

وسؤال الثاني غرفة كاميليا حجمها كبير ولا صغير وضيج ؟

 

[ام أحمدووه]

الملكة حبيبتي وااااااي صج قهررررررر اللي صار فيج بس انتي ترى صار معاج اعتقد بالصدفة
انا دقيت عليهم قالوا لا مافي حجز يعني ما ادفع الحين
بس اذا ياني طلق ادق على مسؤلة القاعات وعلطووووول اخبرها عشان تحجزلي القاعة حق ثاني يوم
انشالله عاد ياااااااارب تكون متوفرة وقتها

 

[ام أحمدووه]

بنات سؤال .. الحين الجوزي وجاردينيا انام فيهم ولا لا ؟ لان امس دقيت عليهم قالولي ان ما يصير تاخذين غرفه وبعدبن يوم الثاني تروحين غرفه اكبر ..

شلون طريقه هالغرفتين ؟ وجم اسعارهم ؟

وسؤال الثاني غرفة كاميليا حجمها كبير ولا صغير وضيج ؟

حبيبتي الجوري والجاردينيا مو غرف لأ ... هذول قاعات حق الاستقبال
يعني تكونين ماخذة فرفة عادية او اي وحدة كيفج حق الولادة يومين عادي وحسبتهم عادي
وتاخذين زيادة هالقاعة بس حق الاستقبال
الجوري 500 دينار
والجاردينيا 700 دينار اكبر
والاثنين يجي معاهم سيرفس حق 100 شخص شاي وقهوة و10 درازن موالح وبسكوت خفيف وماي و3فلبينيات حق الجوري اما الجاردينيا 4 فلبينيات بالاضافة للعصاير الطبيعية

وطبعا تنزلين حق هالقاعة من الساعة 4 العصر مثلا لين 9 بلليل وبس عقب ترجعين غرفتج

 

[ام أحمدووه]

الكاميليا زويييينة اذا تبين استقبال بسيط
واذا زوارج مو وايد
بس بصراحة انا صارت بعيني صغيرووووونة عقب ماشفت الياسمين.... بس لما سويت مقارنة حسيت ان احسن لي اخذ الليلي ويوم واحد بالجاردينيا او الجوري يطلع اوفر من الياسمين لاني راح احتاج بعد ادفع زيادة حق السيرفس

 

[ام أحمدووه]

للرفع

 

[ساندريلا]

بنت خالتي سوت جذيه خذت الليلي باكج يومين ببلاش لان ريلها بالنفط وبعدين انتقلت للجاردينا موحلو تخلين استقبالج اول يوم ولاده لانج بتكونين تعباانه ومالج خلق الناس
ويوم واحد جاردينيا يطلع 700 بس اهي طلع عليها 800 وشي لانها صورت بنتها وماادري شنو خربطوا على راسها المهم لازم يسحبون فلوس

بس حبيبتي اذا معازيمج شويه اخذي الجوري ترى الجاردينيا وايد كبيره جنها قاعه افراح اذا معازيمج شويه يضيعون فيها ويصير الشكل العام مو حلو
اخذي الجوري يوم واحد الاستقبال
يوم واحد رااااحه تامه بأقل الخساير سألي المجرب ولاتسألين الطبيب

 

[ساندريلا]

بنات سؤال .. الحين الجوزي وجاردينيا انام فيهم ولا لا ؟ لان امس دقيت عليهم قالولي ان ما يصير تاخذين غرفه وبعدبن يوم الثاني تروحين غرفه اكبر ..

شلون طريقه هالغرفتين ؟ وجم اسعارهم ؟

وسؤال الثاني غرفة كاميليا حجمها كبير ولا صغير وضيج ؟

الجادرينيا تقعدين فيها من 12 الظهر لي 12 بليل مايصير تنامين واعتقد ان الجوري نفس الشي
سعر الجوري 500
الجاردينيا 700

وبالنسبه حق كاميليا حلوه بس حجمها عادي يميل للصغر يعني اهي تعتبر نفس سعر الامبراطوريه الي بالشفا
بس تعالي شوفي الفرق بالحجم والشكل

 

[ام أحمدووه]

مشكورة حبيبتي ساندريلا على الرد والتوضيح
ماقصرتي...
انا شفت الجاردينيا حلوة وعلى قولتج كبيرة وايد
بس الجوري في وحدة من البنات قالت تكفي بس 20 شخص !!!! مادري جنه شووووية

 

[أم عبود 2011]

رد : قاعة الجوري والجاردينيا بمستشفى رويال حياة....

بنات شنو قصدكم بباكيج الليلي ؟
آنا ناوية أحجز بالليلي إن شاء الله حق ولادتي لأن ما عندي أحد غير أهلي الله يخليهم على ما أعتقد قالوا لي الليلة بــ 450 ياريت اللي عندها فكرة توضح لي ؟

 

[أم عبود 2011]

رد : قاعة الجوري والجاردينيا بمستشفى رويال حياة....

هذا السايت مالهم دشوا وتطمشوا فيه بس ترا بالإنجليزي
http://www.royalehayat.com/oursuiteshome.html

 

[ام أحمدووه]

رد: رد : قاعة الجوري والجاردينيا بمستشفى رويال حياة....

بنات شنو قصدكم بباكيج الليلي ؟
آنا ناوية أحجز بالليلي إن شاء الله حق ولادتي لأن ما عندي أحد غير أهلي الله يخليهم على ما أعتقد قالوا لي الليلة بــ 450 ياريت اللي عندها فكرة توضح لي ؟

هلا ام عبود حبيبتي
الليلي اصغر غرفة عندهم.. وحاليا مع العرض سعرها 450 ولادة طبيعية +ليلتين اقامة وشامل التحاليل والفحص والولادة ماعدا سعر دكتورج اذا من بره المستشفى

مثلا انا دكتورتي تاخذ 350 حق الولادة

حسبي 450+350= 800 دينار التووووتل
طبعا زيدي 50 ولا 70 يطلعون لج فيها المستشفى لابد


انا بسوي جذي وباخذ زيادة قاعة الجاردينيا او الجوري حق الاستقبال يوم واحد يعني زيدي بعد 700 دينار وبيصير التوتل تقريبا 1600 دينار

 

[أم عبود 2011]

رد : قاعة الجوري والجاردينيا بمستشفى رويال حياة....

^^^^^^^^^^^^^^

مشكورة يا حياتي عسى ربي يقومج بالسلامة

 

[ام أحمدووه]

حياج الله حبيبتي ام عبود


عسى الله يهون عليج وعلي وعالجميع يااااارب ويرزقنا الذرية الصالحة المعافى والولادة السهلة بأذن الله

 

[الهامورة]

حبيبتي انا رفيجتي خذت القاعه الكبيره مع يومين بالغرفه العاديه طبيعي طلع عليها 1700 ودكتورها من المستشفى

 

[Dancing^Queen]

انا مافهمت ترا
شايفه البروشور مالهم مكتوب ولاده غاردينا من ب 3600
بس من اللي قريته بالموضوع ان ماتقعدين بغاردينا؟
تاجرينها من ال 12 لين ال 12!!!!!
مابي جذي
ليش!
ياليت احد يشرحلي

 

[" ام حمود "]

الله يسهل عليج .. تقومين بسلاامه
والله ماعندي فكرره حبوبه