قاعة الجوري والجاردينيا بمستشفى رويال حياة....

[ام أحمدووه]

بنات شلونكم
الله يسهل على كل حامل يارب ويرزق كل محرومة بالذرية الصالحة يااااارب

بنات بلييييييز منو جربت من قبل تولد برويال حياة بغرفة الليلي وتاخذ معاها قاعة الجوري او الجاردينيا حق الاستقبال؟؟ بنات ضروووري لاني ناوية اسوي جذي ،

ابي اعرف اذا تنصحون بهالطريقة وجم التكلفة ؟

وهل يوم واحد كافي حق الاستقبال خاصة اذا العدد مو وااايد؟

ناطرة ردودكم بنات بلييييييز​

 

[ba6bo6a1]

انا اوية هالمرة ان شاء الله جذي اخذي باكيج ليلي و عقب سوي استقبالج و انا انصحج يوم واحد بس و انتي كيفج ... الجوري 500 و الجاردينيا 700

 

[*فدك*]

اذا بتاخذين القاعه خليه يوم واحد واريح لج اول يوم ارتاحي بروحج
بالنسبه للقاعه اهم شي تكون فاظيه وقت الي تبينها وماتكون محجوزه عشان لا تتوهقين

اهيا الفكره حلوه بس انا شخصيا احب ارتاح بغرفتي والناس تيني,,

وبالنسبه للتكاليف تقدرين تحسبينها تقريبيا

غرفه ليلي اذا دكتورتج من نفس المستشفى 700
وضيفي عليه سعر قاعه الجوري 500
او الجاردينيا 700

وحسبي حسابج فوقهم شوي لازم وانتي طالعه تدفعين زياده شوي

وعليج الحسبه

 

[ام أحمدووه]

اي حبيبتي بطبوطة رحت شفتهم وعرفت الاسعار بس بشوف البنات جم كلفهم بالضبط لان خبرج تحسبين سعر ووقت الصجية تنصدمين بسعر ثاااااني ... مابي اتوهق ابي اعرف عشان اكون حاطة بحسابي ومجهزة

بس بخصوص الموالح قالتلي المسؤلة ان 10 درازن يعني 120 حبة واعتقد شوووية لان الموالح ميني
رحت امس واو وطلبت بعد 10 درازن شغلهم رووووووووعة وذرررررررب حده خاصة ورق العنب يميييييي لذيذ حده وغريب

 

[ام أحمدووه]

هلا فدك حبيبتي
بالضبط كلامج هذا اللي احاتيه لووووول
وعلى قولتكم يوم واحد استقبال كافي خلاص بسوي جذي

 

[الفنانه79]

نفس كلاااام البنات

وانا خذيت الجوري بس نصيييييييحه اذا انتي طبيعي تولدين اخذي الجوري وسوي يوم واحد استقبال

واذا انتي قيصريه لااااااااااا تاخذين حرام نقلتج من مكان لي مكان وتعب ولووويه الجرح

وسلامتج

 

[MissChoco]

الله يسهل عليج ان شاءالله

شوفي الجوري مو دايما فاضيه وان شاءالله تكون فاضيه بوقت ولادتج

حلوه فكرتج بس انتي حسبي فلوسج اكثر

 

[ام أحمدووه]

الفنانة حبيبتي انا طبيعيانشالله
بس بسألج الجوري تشيل شكثر؟؟؟؟ يعني راهية حق 20 شخص بوقت واحد مثلا؟

 

[ba6bo6a1]

اي اتوقع تكفي لان عادة اهل الوالدة يكونون واقفين و بعدين الناس بالاستقبال ما يطولون

 

[ام أحمدووه]

اي بطبوطة صح كلامج بالنسبة حق رفيجاتي واهل زوجي
بس الله يسلمج اهلي المقربين نوعهم يتكوووون عادي لوووول

 

[ام أحمدووه]

للرفع

 

[المكسيكيه]

الله يتمم عليج وتولدين بالسلامه

 

[أبله كويتيه]

اي حبيبتي بطبوطة رحت شفتهم وعرفت الاسعار بس بشوف البنات جم كلفهم بالضبط لان خبرج تحسبين سعر ووقت الصجية تنصدمين بسعر ثاااااني ... مابي اتوهق ابي اعرف عشان اكون حاطة بحسابي ومجهزة

بس بخصوص الموالح قالتلي المسؤلة ان 10 درازن يعني 120 حبة واعتقد شوووية لان الموالح ميني
رحت امس واو وطلبت بعد 10 درازن شغلهم رووووووووعة وذرررررررب حده خاصة ورق العنب يميييييي لذيذ حده وغريب

من وين تطلبين ورق العنب والموالح ؟

 

[ام أحمدووه]

ابلة كويتية حبيبتي
طلبت الموالح والورق عنب من واو

 

[دمثة]

موالح رويال حياة تهبل وروعه وشي يبيض الوجة لكن الدرزن 6 دنانير واو ارخص 4

 

[ام أحمدووه]

للرفع
بناااااااااااات ناطرة ردودكم

 

[أم العوش]

رد : قاعة الجوري والجاردينيا بمستشفى رويال حياة....

الحين فهموني بكج ليلي ارخص واحد ؟؟ واللا فيه ارخص منه

 

[غلا جابر 2010]

رد : قاعة الجوري والجاردينيا بمستشفى رويال حياة....

لا بكج ليلى ارخص شي

 

[أم العوش]

رد : قاعة الجوري والجاردينيا بمستشفى رويال حياة....

لا بكج ليلى ارخص شي

مشكوووورة ماتدرين اذا فيه مرافق ؟؟

 

[صاحبة المعالي]

**

باكج ليلي مافيه مرافق

و قاعة الجوري امس عديت كراسيها
٢٠ نفر بالظبط