قائمة الممنوعات الزوجية

[miss kisses]

انا كل شى ممنوع الطلعه بروحى كله يبينى وياه لا ارفيجات ولا بطيخ شسوى بعمرى بله انا راضيه بعد ريلى طاعة الزوج واجبه بعد مالى خلق افتح حلجه وليش وحق شنو ومنو ومتى ابعد عن الشر وغنيلوو يا جدع

 

[وحش سعود]

عاد ممنوعاتي غير الحمدلله
مطعم مافيه كبينه ممنوع إلا بره الكويت بإستثناء السعوديه أو كنتي مع إخوانج أبي وحده تفسر الحكمه من الشي هذا مع إنا نروح كافيهات ونقعد فيها عادي
الكوت النافوره ابي اشوفها ياخذني لها الصبح مع إنها تشتغل بالليل تبين ولا كيفج

 

[q8sweet]

قائمة ممنوعاتي:

ممنوع اطلع مع امي وابوي واختي أووو اي احد حتى اهلة ممنوع ... من كثر ما مليت وكلا نتهاوش اقول اي بس منففففس حدة و مايكلمني شهر ( عادي ) وعلى اقل شي نتهاوش يعني اطلعها من جبدي

زوارة مرة بالاسبوع ماكو غيرها وقبل كنت اذا بروح بيت يدتي لازم ما ازور امي بهالاسبوع,,,

ماكو عزايم ولا استقبالات ولا عروس ولالالالا شي

يا اقعد بالبيت يا اطلع معاه

واذا سافر شغل اصطرلي قوائم الممنوعات بس اخليني اطلع اليهال مرة او مرتين على حسب مدة السفرة يعني بالاسبوع مرة بسسسسس

ما اتاخر عن الساعة 9 اذا رايحة عند يدتي واذارحت بيت ابوي 10 العرس اذا احد اصيرلي اروح ساعة و ارد و ياويلي اذا قتلة ودني او ردني او بروح بسيارتي لالالا ادبر احد من اخواني لازم

طلع بعباية من غير ميك اب بس هذا انا من نفسي ما اسوية

عيالي ما يصعدون عند يدتهم الا بشورة اهوة انا نووو حتى الحوش نووو لازم اهوا اوافق

في بعض الاممنوعات الواحد يحترمعها بس في بعض القرارات تسبب مشاكل زوجية وملل بالحياة

 

[Hello_kitty]

الحمدلله يارب الله يتمم علي ويخليلي زوجي حسيت بالنعمه اللي عندي بعد ما قريت ردوودكم

امبيه بنات من صجكم؟؟في بعض الممنوعات ما عليها خلاف وغيره محموده

بس يمنعني من بيت اهلي..يمنعني من رفيجاتي كلهم..واللي قالت ماكو طلعه من البيت نهائيا الا معاه

ووووووووووو..الخ


بنات اشلون توافقون وترضون بهالطلبات السخيفه التعجيزيه..حلو الوحده تسمع كلام زوجها وتطيعه بس بحدود المعقول

مو تمسح شخصيتها مسح بالبلاط على ابووووووو زووووووج!!


هذي مو غيره ولا يمكن تكون غيره هذي عقد شك حب سيطره تحكم تسلط اي شي ثاني

لو الحب والثقه والتفاهم والإحترام موووووجود مستحيل تكون الحياة بين الزوجين بهالصوره

هذي حياة فيها موده ورحمه وتفاهم مو سجن وحياة عسكريه

الله يعينكم

 

[مفرفشة ومنعنشة]

كل وحده ولها ظروفها ... وكل ريال له طبع ... وطاقة التحمل تفرق من زوجه لزوجه
في وحدة ريلها لو يمنعها عن اي شي حتى لو كان بسيط ... تزعل وتطنقر وتسوي من الحبه قبه
وفي زوجه لو حرمها من اهلها تصبر وتستحمل
وخير الامور الوسط ... لا ضرر ولا ضرار

وماكو احسن من التفاهم بين الزوجين عشان يقدرون يكملون ويستمرون بزواجهم

 

[مفرفشة ومنعنشة]

لا إله إلا انت سبحانك اني كنت من الظالمين

 

[G!RLooNa]

الله عجبني الموضوع حطيته بالفيفورتس اقراه على راحتي بعدين


انا مو متزوجه لووول بس امبيييه ماحب احد يقولي جذي

ان قالي ماكو طلعه مع رفيجاتج ولا اكو مرينا ولا افنيوز

شكلنا هوشه كل يووووم لوووول

صج ماحب احد يحرمني من اشياء احبها ولا من طلعه رفيجاتي



اذا ما يبيني اطلع مع رفيجاتي لا يطلع اهوا مع ربعه بعد :23_asmilies-com:


نصير توم وجيري :eh_s(9):


ما قول الا الله يعينكم :nocommint:

 

[um khaled]

كل شي

 

[Miss sensitive]

شفيييييييييييييييييي الرياييل مع المريتا ؟؟؟؟

كلنا !!!!

والله قبل ما كان يرضا اروح المرينا بس قبل لا يفتح الافنيو كنت احتاج شغلات من هناك واروح طبعااا بشوره بس وهو لايعه جبده
لووووووووول


الممنوع اليديد بعد 9 سنين زواج

ممنوع اكلم اي ريال بالدنيا حتى الببنقالي بالدوام

غرسون مطعم
بياع بمحل
واحد دق بالغلط على رقمي اففففففففففف يا ويله ويا سواد ليله

وكل نظرته كل الرياييل بالدنيا يطالعوني
يقول لبسج
مكياجج

وانا لبسي مستر والحمد لله ولا البس ضيج ومكياجي حده حده خفيف بيجيات وورديات شخباري الحمره القامجه

ترا كل هذا واهو مزيون يعني مادري زاد الحب والا شنو ؟؟؟

 

[المدينه]

وااااااااااايد شكتب وشخلي

 

[ياااقوته الكويت]

كل وحده ولها ظروفها ... وكل ريال له طبع ... وطاقة التحمل تفرق من زوجه لزوجه
في وحدة ريلها لو يمنعها عن اي شي حتى لو كان بسيط ... تزعل وتطنقر وتسوي من الحبه قبه
وفي زوجه لو حرمها من اهلها تصبر وتستحمل
وخير الامور الوسط ... لا ضرر ولا ضرار

وماكو احسن من التفاهم بين الزوجين عشان يقدرون يكملون ويستمرون بزواجهم

صح السانج وياااج 100%:rerrerek:

وزياده عليه هذي الحياه الزوجيه مطلوبه شويه تنازلات او كثيره عشان المركب يمشي..

وكل مره وقدرتها على التكيف


المووهم .. انا سلمكم الله الممنوعااااااات

ممنوع طلعه رفيجااااااااااااااااااااااااااااااات بتااااااتاً ..ومع ان الحنه تنفع ويااه الا بالموضوع

ما قدرت اييب رااسه :j013:

وممنوع المكياج اذا طالعين انتعشى وطبعا العدسات والكعب ( ابو صوت )

وممنوع اطلع من غير ما اقوله ..

وممنوع السياااره الا في حالات الضرووره >>> مع انه اهو اللي علمني وطلعلي الليسن

وممنوع اصاارخ على اليهال :lkmnkl: حتى لو شيبوا رااسي

 

[كنت اعرفك]

واالله مصدومه امبي ريلي حبيبي عبالي اول ظالمته وكله اقوله انت حجر وصاك علي
لاوالله ممنوعاتي عاديه اطلعت

طبعا الترينغ ممنوع يقولي جسمج يبين فيه
الحمرا الحمره مادري ليش عاد حلوة علي
مايرضى احط حمرة واكبر حلجي لوول
المكياج الاوفر
مايرضى اطلع قذلتي من الملفع عاد حلو علي بس ينقدني
ارد البيت عقب الساعه تسع اذا كنت بروحي اووووف حدها سالفا ولويه
واذا رحت عرس يمنع منعا باتا الرقص يرمي علي يمين الطلاق يقولي تبين ترقصين رقصي اهني

 

[مجوهرات]

مو قائمة ممنوعات
بالاصح اسمها تنازلات
و
الله يهنيكم مع ازواجكم

 

[big girl]

هااي

انا ممنوعات ريلي تبط الجبد
1-ممنوع السينما حتى معاه يقولي هذي طلعة شباب مع انه يرد يقولي قصة الفيلم كااااملة حتى الخرابيط اللي فيها وياجره عشان نشوفه انا ويااه "كرااهه والله احس الافلام تلوع الجبد في البيت حلاتها السينما-.
2-ممنوع مكياج مع اني والله ملتزمة بس هو اااوووووفر تعليقاته- احنا في بيت العايله وعنده اخ واحد وغالبا مسافر ممنوع المكياج حتى لو قلووس يقول يمكن يجي فجاة
3- يتطنز علي لين اروح عرس مه ان المكياج نااعم خاصة لو كبرت شفايفي - يقولي لين ارد يعني استانستي اضحكو الاوادم عليج مع الحلج خاصة لو احمر
4-ممنوع اكثر من مكان طلعة في اليوم الواحد حتى لو 5 دقايق كل واحد يقولي يعني استانستي نسيتي شكل البيت"شكو!!!!"
5- ممنوع اتطنز عليه حتى لو غشمره-والله اتم مثل المينونه بروحي اضحك عى حركااته-


هذا اللي اذكره الحين

 

[ام حمادنه]

انا مافي ممنوع الحمدالله بس كل مكان اروحله لازم ابلغه اني بطلع ومولازم يعرف وين رايحه واي مجمع يعني بروح السوق وبس

بالنسبه لوحده قالت احنا البدو مانطلع

لا انا بدويه ومن عمر اطلع مع بنات عمتي اللي اهم رفيجاتي ومن عمر نروح سينمات وكافيهات عادي الوضع

 

[DREAM2009]

الحمدالله ماكو ممنوعات
:e3: على الموضوع الحلو

 

[داريني]

انا كان كل شي ممنوع بس عقب العشره ومساحل صار مسموح ولكن بشروط
عروس ما اتاخر اكثر من 11
وطلعات بنات بس ريوق ومو اي مكان

وسوق معاه ولا مع امي وخواتي==بالله مع منو يعني ههههههه

 

[مفرفشة ومنعنشة]

كل شي

لا حبيبتي اكيد مو كل شي ... مثل ما في ممنوع في مسموح
والممنوع عندج ... مسموح وعادي عند غيرج والعكس الي عندج عادي وطبيعي يكون عند غيرج ممنووووووووووووووع منعا باااااااتا :denya:

وممنوع اصاارخ على اليهال :lkmnkl: حتى لو شيبوا رااسي

هذي صعبة ... الله يعينج :dddds:

 

[miss swan]

امس تلفون اوحتا لو اطالع عن بعد شبرين ... ماكو طق مطاقق

 

[BRONZER]

انا ممنوع احط مكياج الا اذا طلعت معاه

ممنوع اطلع مع رفيجاتي

ممنوع نروح المطاعم الي عالبحر بالويك اند

ممنوع نروح السوق بليل حتى لو معاه لازم بالويك اند الصبح و الظهر حزت الغدا