في وحده ولدها مثل حالة ولدي ### ابي مساعده قاعده احاتي وافكر

[خشف العرب]

السلام عليكم شخباركم فديتكم بنات عندي ولدي عمره 5سنوات علي طول ينزل من خشمه دم اليوم نزل معاه شي موطبيعي لدرجة ان الحمام يسبح دم وكبد اصغاااار اصغاااار ولون الدم عنابي ثقيل حيل واحاول اوقفه بالماي البارد والثلج واهو ينزززززززززززف ياربي شسالفه بنات انا تخرعت جنه خروف ناحرينه وبدون لايطقه احد علي خشمه ابدا جذي بروحه وهو قاعد انا متضايقه:0bee2e8d89: حدي وجهه تغير صار اسود وديته الطبيب قال عادي بس بنسويله تحليل سيولة الدم الله يستر من منكم حاصل مع اعيالها هالشي تفيدني تري راسي من التفكير بينبط اخاف وليدي فيه شي وعلي فكره اهو فيه فقر دم واعطيه شراب حديد

 

[xxx]

هلا اختي

شوفي هالموضوع وان شاءالله يفيدج

http://www.q8yat.net/showthread.php?t=106182

مايشوف شر ان شاءالله

 

[بنت الحزن]

الله يشفيه حبيبتي

 

[سلطانة]

حبيبتى أنا بنتي كانت جذيه كلما أوديها المستوصف يقول عادى وصار ينزل الدم فى كل وقت وحتى هى

نايمة تفز من نومها وصار ينزل بكميات كبيرة ومايوقف بسرعة مثل بداية الامر وروح الطبيب أقوله سولها كوي

يقول ما يحتاج وظلين على هالحال 3 سنين والله العظيم وبعدها تعبت وتعبت البنت وديتها دار الشفا والله

عطاني الدكتور محاضرة وزفني شلون مخليتها وقال فيها شرخ فى الانف وسوالها كوي مرتين يقول الشرخ

كبير والحمدللة تحسنت ومشــــــــــــــــــــــــــــــــــــــــــــــــــــــكورة

 

[أمواج البحر]

بالنسبة لي

ولدي كان جذي

تخيلي ينام بليل الصبح يقوم المخده كلللللللللها دم تخرع ... وساعات يكون قاعد يطالع التلفزيون و فجأه بنزف خشمه

و بغزاره بعد ومثل ما قلتي تنزل قطع صغيره و دم ثقيل

والله كان صج يعور القلب

ولما وديته الطبيب ( دار الشفا ) سووه له تحليل دم الحمدلله كل شي طبيعي

وقالي الدكتور فتره و تعدي و حتى ريل اختي قالي نفس الكلام اهو دكتور أطفال

وفعلا بعدها الف حمد و شكر وقف لكن في بعععععض المرات لما يقعد بالشمس مده طويله ينزف

الأفضل انج تودينه الطبيب عشان تطمنين يمكن يكون مافيه شي و يمكن يكون نفس بنت سلطانه

والله يطمن قلبج و يشافيه

 

[خشف العرب]

هلا اختي

شوفي هالموضوع وان شاءالله يفيدج

http://www.q8yat.net/showthread.php?t=106182

مايشوف شر ان شاءالله

اهلا بالحكومه :eh_s(1):يسعدني مرورج الشر ماييج حبيبتي

 

[خشف العرب]

بنت الحزن الشر ماييج حبوبه ************** سلطاااااااااانه فديتج ابي اسم الدكتور ممكن ياقلبي *********** امواج البحر يسعدني مرورج ويعافي قلبج والله انا ماحب الدم اخااااف منه وخاصه اذا غزير

 

[*دبدوووبه*]

حبيبتي خشف
مايشوووف شر
والله يشافيه يارب

بس خصوصا الاطفال
مانهملهم لو شنو مايكون
اول شي خل يجيكون على ضغط الدم
وتحليل الدم
وثاني شي
خليهم يفحصون الانف من داخل
احتمال يكون في شي
او مثل ماقالت اختي شرخ
او جرح
او ممكن يكون شي بسيط
بس يأثر على الانف
وممكن يكون من ولا شي
بس مجرد ارتافع الضغط

انا انصحج في دكتور الاطفال والاستشاري
فهد علي المخيزيم
واهوا عنده عياده خاصه
واهوا مسؤول الاطفال في مستشفى ومبارك

وان كنتبي تبين تودينه مستشفى خاص

انصحج في دكتور
عبدالله شمساه
فعلا دكتور شااطر وبجدااره

والله يشافيه ويارب
ولا تنسين اطمنينا عنه

 

[ii DareeN ii]

مايشوف شر كانت وياي هالحاله وسولي كوي والحمدالله فتكيت وديه الطبيب وخل يشوفون اذا يحتاج سويله خل يفتك وان شاء الله ماعليه الا العافيه

 

[*سكون*]

ما يشوف شر وليدج ووديه الطبيب مثل ما قالوا البنات

 

[omajiad]

أنه بنتي جذيه بس قلت يمكن وراثة لأني آنه جذيه ,أبوها نفس الشي مع الكبر تروح لا تحاتين

 

[*ستايل*]

مايشووف شر ان شاء الله انا بنتى كانت جذى تنزف بدون سبب بس بعدين الحمد لله خف منها

 

[مهاوي البحرين]

انا اعيال خالتي نفس ولدج

ثلاتهم يعانون من هالمشكله

بس ودتهم الطبيب قال لها يحتاجون كي

وبالعطله راح تسوي العمليه لهم


ما يشوف شر ولدج

وطمنينا عقب ما تودينا للدكتور

 

[خشف العرب]

دبدوبه دارين سكون ستايل مهاوي تسلمووووووون يافديتكم والله انكم نعم الخوات اليوم سوينا له تحاليل شامله تخلص بعد يومين حق سيولة الدم بس يابنات صداع براسه مضيق خلقي افكر وريحه خايسه من خشمه مادري حلجه عقب الدم اللي نزل قبل ماكان فيه شي الله يستر بوديه لدار الشفا بس اي دكتور اللي يكوي ياريت ترد علي العضوه سلطانه ومشكورين وراح اقولكم شصار بالتحاليل والله لايوريكم ضيقه يارب

 

[أثير الورد]

ما يشوف شر

 

[قلبي ابيض]

مايشوف شر حبيبي بس انا واخواني واحنا صغار هذي حالتنا والطبيب يقول ان الشعيرات الدموية تكون رقيقة عندنا <مع ان مافينا رقة > ومع الدفا او الحركة الزايدة يصير نزيف وهم بعد قرت هالمعلومة بس مايمنع زيارة الطبيب وسلامته حبيبي

 

[أم منصور]

شوفي كلام دبدوبه تلقين فيه حل لمشكلة ولدج

ما يشوف شر وعلمينا شسويتي أكيد وديتيه شقالج الدكتور


أم منصوووووووووور

 

[طفوش]

حبيبتى لاتخااااااااااااااااااااافين

عاااااااااااااااااااااااادى واكثر من عااااااااااااااادى

انا الله يسلمج جدى حالته جذيه واخوى الكبير عمره 30 واخوى الصغير 24واختى 25

وطولت معاهم حييييييييل وسنه يصب خشمهم دم وسنه ماكو شئ تقولين جذب

ومع السنين تروح من الله مالها علاج نهائيا وسالفه ماتخوف طبيعيه يقولون هذا دم فاسد

بس حطى على راسه ماى بارد


الله يسلم اولدج لك ويخليه لك ويخليك له