في هذا الزمن كم من الاطفال يكفي ؟؟ ارجو المشاركه

[هوى الدار]

انا عندي صبيان ولله الحمد بس عندي بنت وحيده

ابيلها اخت وخلاص

واعتقد 5 او 6 كفايه

 

[جنون العشق]

انا كان ودي ستة اربع بنات ولدين
بس لما جربت التربية قللللللللللت اربع ويخب علي خخخخخخ

عندي ولد وبنتين ودي بولد والحمداللة

بس ريلي يبي خمسه او ستة
والي ايي من الله حيالله

والله نفسي كنت مفكره ب 5 او 6 بس لما جربت قلت لا اربع والف الحمدلله والتفكير بالخامس وارد ههههههه والله احنا مساكين


مشكوره حبيبتي عالمشاركه:tek:

 

[جنون العشق]

انا ودي بخمسه 3 بنات و ولدين


يااااااااااااااااااااااااااااااااااااااااااااااااااااااااااااااااااااااااااااااااااارب

اي ودي نفسي



والله كريم مشكوره عالمشاركه يالغاليه:tek:

 

[^kloOot^]

عندى 2 بنت وولد وافكر اييب بيبي واحد بس

 

[كويتيه وافتخر]

الله الرازق

اللي يجيبه الله حياه الله


محد بيده شيء

 

[جنون العشق]

مشكورين حبايبي علي المرور



واكيد ونعم بالله كل شي بيد الله

 

[ktkota_we9we9]

انا احب البنات وابي خوات يشيلون بعض يعني عالاقل 3 بنات او4 ياحلوهم
والصبيان 2 كافي

لانه هالايام محد يشيل الام والابو الا البنات ولا الصبيان كل واحد لاهي ويا مرته :/

 

[جنون العشق]

مشكووووره يالغلا

 

[سلمى الخير]

خمسه

حلوين

وهم اربعه وايد حلوين

والي ايي من الله حياه الله

 

[جنون العشق]

خمسه

حلوين

وهم اربعه وايد حلوين

والي ايي من الله حياه الله

صاجه مشكووووره علمشاركه يا عسل

 

[باونتى]

أنا عندى ولد وبنت وأفكر احمل بالثالث بعد 4 سنوات وبس نعمه من رب العالمين

 

[مريوم 2009]

أنا لله الحمد عندى خمسه..وأمجنينى وأقول كافى ..
بس الحبيب يبى خمسه بعد.. ليش ناقصه جنون بعد..
الله يعين فى هذا الزمن..

 

[جنون العشق]

اي والله بهالزمن خمسه وبالكثير سته وبعد اربعه حلوين


مافيهم الا الشقي اسم الله عليهم يهدون حيلك وشلون تفكيره وتنضغطين وتتعبين ولا يحسون


مشكووووره يا عسل

 

[Eng/thumbelina]

انا عندي 4 وودي بعد بس حمالي صعب وصحتي ما تتحمل

 

[عهود الحب]

انا عندي خير من الله و الحلو على وشك الوصول
وافكر اجيب كمالة الدرزن
اذا الله قدرني

ياحلو الاطفال وياحلو حسهم بالبيت

ليش ماتجيبون

رزقهم ينزل معاهم
ووعوار الولادة والحمل تنسونه بمجرد ما نسمع حس البيبي الجديد



والله شمة الطفل تسوى الدنيا ومافيها


وعيالي يكبرون ويساعدوني على اخوانهم




انا امي جابت درزن الله يعطيها العافية


لو اهي فكرت مثلكم ماكانت جمعتنا بالبيت شحلاتها
وماكان لي عزوة واهل


ياحلو الاسرة الممتدة والظروف تتعدل


ودام السن يسمح
والصحة تسمح

بحاول اجيب بعد الين ربي يوقفها من عنده



الرزق على الله
والبال يتوسع بشوفة الطفل الجديد

 

[جنون العشق]

الدنيا علي زمن امهاتنا مو مثل زمنا



عموما عسي ربي يقدر ويسعد الجميع :tek:

 

[hneen2]

بصراحه اهم شي يكون ماعندكم وحيد لا بنت ولا ولد



وباعتقادي 4 او 5




بهزمن يكفي





الف شكر علي همرمن الي اسعدني ونورتو موضوعي:ggdw:

اااااااااااااااااااااه يتي علي الجرح انا عندي 4 اولاد وبنيه وحده ترقع طوووف من الوحده مسكينه تلاحق البنات اللي كبرها وين مايرحون بعد قلبي معني اتفاقي مع زوجي بالبدايه 4 بنتين ولدين عبالي علي كيفنا طلبيه لووووول :dddds:

بس طلعت السالفه غييييييييييييييييييير ودي بنتي تيلها اخت والله انها كاسره خاطري حيل وانا حاسه فيها لاني انا وحيده وماعندي خوات بهالحاله شسوي وودي احمل اقول جووووود ربي يفرجها علي وتيلها اخت بس من داخلي اقول عددهم كافي الف الحمد الله بس ارد اشوفها تحوس بروحها اغير راي واقول بحمل :0bee2e8d89:

طبعا قلت قصه حياتي جنه وحده ماصدقت !!!!!!!!!! انتوا شرايكم بنات ؟؟؟؟؟؟؟؟؟؟؟؟؟؟؟؟؟؟؟؟

 

[جنون العشق]

اي والله صاجه الوحده صعبه نفس حالتي



يارب يعطينا الي فبالنا ويعينا علي تربيتهم في هالزمن الصعب

 

[شموخي غير]

بنات ترى مايجوز تحديد النسل خافوا ربكم قال تعالى (نحن نرزقهم واياكم) نظموا النسل والسنوات بس مو تحديد النسل

 

[* موناليزا *]

الله الرازق

اللي يجيبه الله حياه الله


محد بيده شيء