في هذا الزمن كم من الاطفال يكفي ؟؟ ارجو المشاركه

[Fatima]

2 او 3 بس
والحمد الله على كل حال

 

[(( الـغـلا ))]

عسى الله يخلي اللي عندي ..

أنا وزوجي ودنا بأربعه بس واللي يجي من الله حياه الله ..

بس تبارك الرحمن بحكم إني بدويه اللي بعمري ألحين 29 سنه تبارك الرحمن عندها سبعه.. وأقل واحد بعايلتنا عنده سته ما شاء الله ..

وأنا القطاوه اللي عندي ماني قادره أطلع لأي مكان خايفه عليهم ..

 

[مرت الأيام...]

انا و ريلى عندنا ولله الحمد 3 صبيين وبنية عسى الله يحفظهم

و انا عندى جذى كفاية بس ريلى يقوللى ييبى الرابع بعد 4 او 5 سنين و خلاص و انا رافضة هالشى

لانى وايد اتعب و اطول بالولادة و غير التربية و المعيشة

غير انى ابى اعيش عيالى احسن عيشة مابى ينقصهم اى شى

فبالنسبة لى ثلاثة كفاية والحمدلله على كل شى و الله يعيننا على تربيتهم

 

[om_7amny 85]

السالفه لو راده على جان واحد ماكو غيره انا ما اتحمل اليهال و عسره معاهم و مالى خلقهم و أحب ان يكون عندى وقت فراغ حق نفسي اكثر من انى اجابلهم يعنى كـــــــــــــــلش ما عندى وساعت صدر حق اليهال بسرعه اتنرفز منهم من صج ما اتحمل

بس ريلي يبي عيال الى ماله نهايه حاليا عندي 2 بنت و ولد و قاعد يحن على الثالث وحدي لايعه جبدي من السالفه

 

[aady]

هالزمن 4 بالكثير
بس شنسوى برياييلنا
يبون يهال
و احنا الى ناكلها
عسى الله يطرح فيهم البركه يا رب

 

[عبير25]

أنا عندى بنت ولد

وأقول خمسه حلوووو

يعطيك العافيه على الموضوع

 

[{}{}{ سكرة }{}{}]

انشالله ياااااااااااااااااارب 4أو 5

 

[جنون العشق]

اي والله خمسه حلو


وهذا باذن الله الي بخاطرنا

 

[أميرة البجع]

انا عندي وحدة الله يخليها
وان شاء الله الله يرزقني بعد 3
واللي ايي من الله ياه الله
أهم شي الصحة والعافية
ويكونون عيال صالحين

 

[حلوة وبس !]

انا عندي ثلاثه اول واحد اصبي عمره 9 وثاني وحده بنيه عمرها 7 والثالث اصبي عمره 2ونص ريلي يبي بعد واحد مادري متى بحمل والله محتاره وودي بولد انا عكسكم ابي بنتي وحيده اتكون رفيجتي مادري تفكيري صح ولا اشلون اللي عندها فكره ياليت اتفيدني

 

[أم غايب]

انا عندي ولدين و الحمال مأجل ليمه يدشون هالاثنين الروضة و بعدها ودي ببنتين حلوين ادعولي انا بنت وحيدة و ابي بنات يعينوني الله كريم يرزق الجميع انشالله
و اربعة بهالزمن كافي

 

[وداعيه]

6 يهبلوون

 

[mrs_lonely84]

آنه بدش عرض
اول شي يارب يرزقكم كلكم و يعطيكم اللي ببالكم و يرزق كل محرومة قولو آمين
آنه اقول العيال مو بالعدد
اهم شي الطفل السليم و الصحة و العافية
ثاني شي التربية الصالحة
قولوا انشالله الله يقدركم على التربية و التدريس لانها وايد صعبة هالايام
مثلا ام تقرر تييب 1 او 2 عشان المصاريف و آخر شي يطلعون هالاثنين مطلعين عينها و مو مخلين فلس بجيبها و تصرف الاولي و التالي عليهم
و ام عندها 4 او 5 ماشالله مو ملحقة على مصاريفهم بس قمة بالاخلاق و يساعدونها بتربية اخوانهم
باختصار ترى مسألة العيال نسبية
و كل اللي الله كاتبه بيصير و اللي ايي من الله حياه الله
سوري عالطوالة

 

[الحلا^^مبتليني]

امممم 4 كافي حيل وانشالله 2بنت و2ولد
واذا 3 بنات وولدين احلى واحلي
ام البنات ابهالزمن اهي اللي تنحسد

 

[N.O.O.R]

انا بييب 2 او 3 بالكثير فكروا بحياتهم ومستقبلهم منتوا مدخلينهم مدارس وجامعات خاصه ان ما يابوا معدلات؟ منتوا دازينهم بره؟ منتوا ماخذين لهم مواتر حالهم حال عيال خلق الله؟ وايد اشياء لازم ينحسب لها حساب فوالله كل ما كانوا اقل كل ما عاشوا احسن

 

[ورد الغرام]

اني الصراحة عندي بنت وحدة مافكر اجيب غيرها لاني تعبت حيل بحملي وولادتي والتربية ماخدة كل وقتي

 

[حور البحرين]

2

والحين بعد ما يبت بنتي وطلعت لنا قروووون

شكلنا بنهون عن الثاني

 

[جنون العشق]

واذا عندك وحيد او وحيده ماتعور قلبك

 

[*ماي الورد*]

اذا قاعدة بالبيت و قادرة تجابلين اليهال يبي درزن
بس اللي تشتغل وقاطة عيالها على الخدم بصراحة لا
كافي اثنين

 

[@سيدة نفسي@]

آنه بدش عرض
اول شي يارب يرزقكم كلكم و يعطيكم اللي ببالكم و يرزق كل محرومة قولو آمين
آنه اقول العيال مو بالعدد
اهم شي الطفل السليم و الصحة و العافية
ثاني شي التربية الصالحة
قولوا انشالله الله يقدركم على التربية و التدريس لانها وايد صعبة هالايام
مثلا ام تقرر تييب 1 او 2 عشان المصاريف و آخر شي يطلعون هالاثنين مطلعين عينها و مو مخلين فلس بجيبها و تصرف الاولي و التالي عليهم
و ام عندها 4 او 5 ماشالله مو ملحقة على مصاريفهم بس قمة بالاخلاق و يساعدونها بتربية اخوانهم
باختصار ترى مسألة العيال نسبية
و كل اللي الله كاتبه بيصير و اللي ايي من الله حياه الله
سوري عالطوالة

كلااامج عين العقل صحححح لسانج