**في هذا البيت رسمنا احلام ورديه**

[ReeMoh]

Waaaaaai3 shakoo hathy esimha reem hathy mal il3nood iljazy mo reem ;p
3aaaad sij akrah ilmonaqabat style full makeup waaaai3 ;s
Laa laaa tharory aghayer esmy
Bas ilrewayaaa etyanin 7adha amazing
Btw shloun grade nine? ;p

 

[admant_7abk]

يسلموو حبيبتي على البارت

 

[الحلوه وبس]

يسلمووو حبوبه عالبارت
بس متى بتنزلين الثاني نااااااااااطرررررررررررييييييين

 

[6amni bs]

رد : **في هذا البيت رسمنا احلام ورديه**

يعطيج العافيه حبيبتي
ناطرينج

 

[bent.gaga]

رد : **في هذا البيت رسمنا احلام ورديه**

Thaaanx 7ilw ilpaart tslm ediich ;* ,,,,, WAITING

 

[miss 3yara]

حياكم الله حبايبي والله ادري ان البارت قصير بس والله تعبانه حدي والحين بكتب تكملة البارت

 

[حور^_^]

سلااامتج يا قلبي وماتشوفين شرر

وبانتظاار التكمله

 

[miss 3yara]

تكملة البارت السابع+الثامن
ــــــــــــــــــــــــــــــ
ساره كانت طالعه مع خالد
خالد:الطلعه بدون رزون ولا شي
ساره:اي لانها حبيبة القلب
خالد:جب موقصدي
سساره بتتكلم ولاتشوف شغله وتنحت
شافت بنيه صغير الي يشوفها يقول عمرها 4 سنين مو اكبر متعلقه بنفنوفها وخالد متنح
:ماما وديني عند بابا
ساره نزلت لمستواها عالارض:حبيبتي اشفيج ضايعه ؟
ميته من البجي:ودييينييي عند بابا
:ساره يبا تعالي وينج فيه صار لي سنة ادورج
ساره بقلبها هالصوت موغريب علي لفت ويها ولاتشوف:عبداللللطييف
عبداللطيف منصدم :ساره
خالد يطالعهم وموفاهم شي
ساره ماسكه بجيتها وبقلبها حبيبي مسمي بنته ساره:اشلونك عبداللطيف
عبداللطيف:تماام وانتي شلونج
ساره منزله راسها:الحمدالله تماام
عبداللطيف يشوف خالد ومنقهر:يالله اخليج روحي عند ريلج
ساره:هذا مو ريلي ولد عمي انت اشلون زوجتك
عبداللطيف:توفت صار لها سنتين
ساره:الله يرحمها
خالد راح لها وهو موعاجبه الوضع:يالله ساره
ساره :مع السلامه
ساره الصغيره:مااماا لا تروحين
ساره باستها على خدها:اشوفج بعدين بااي
عبداللطيف مبتسم وبقلبه هذي انتي ماتغيرتي
ــــ
عبداللطيف عمره 30 سنة حبيب ساره سابقا برونزي مجسم عنده غمازه بخده اليمين وبالجيش حبوب وطيب اهله زوجوه غصبن عليه ولا اقول انتو عرفو قصته بالبارتات اليايه *_*
ــــــــــــــــــــــــ
نرد قبل 5 سنين
ساره وقتها عمرها 19 سنة
وعبداللطيف عمره 26 سنة
ـــ
ساره:لطوفي
عبداللطيف:عيون لطوفج
ساره:احبك
عبداللطيف:اموووت فييييج امم سارونه
ساره:عيونها
عبداللطيف:بقولج شي بس لاتزعلين
ساره خايفه:شنو
عبداللطيف:انا كلمت امي بموضوع خطبتنا بس امي مارضت وانتي ماتبين تتزوجين الا ورا الدراسه وامي مستعيله تبي تشوف احفادها بس صدقيني انا موو راضي اتزوجها
ساره:يعني شنو بتتزوج؟
عبداللطيف:اي بس غصبن علي اذا ماتزوجت الي امي تبيها امي بتتبرى مني بس صدقيني شهرين واطلقها
ساره تبجي :اوكي الله يوفقك معاها...وسدته بويها
ــــ
عبداللطيف تزوج موضي بنت رفيجة ام عبداللطيف وطلعت تشبه ساره وعبداللطيف حبها مع الايام *_*
بس بعدين موضي توفت بحادث وعبداللطيف تأثر واايد
ـــــــــــــــــــــــــــــــــــــ
نرد للواقع
ــــ
اليوم التالي
الساعه 9 الصبح بتوقيت امريكا
كانت زينة تتمشى ويا عيسى
عيسى:تعالي صج اهل امج شكو عايشين بأمريكا وهما بريطانيين
زينة وهي حاطه ايدها داخل مخبات تريننقها:لان يدي شغله بأمريكا
عيسى:امممم
زينة:كاهو ستار بكس مشتهيه موكا عيسى حبيبي اطلب لي
عيسى:مالي خلق
زينة:خلاص زعلت ما اكلمك
عيسى طالعها وقال:لا يا زينه الزعل جايد علينا
زينة:عبالي بعد يالله روح اطلب لي انا انطرك
عيسى:اوكي...وراح
ولا يي لها جاك ولد خالها
جاك:hii zaina
زينة ابتسمت:hii
جاك بيلمها:I miss u
زينة دزته
جاك مستغرب:why?
زينة طالعته وسكتت وطلعت الايفون مالها وقعدت تلعب
جاك:I love u
زينة بدون لاتطالعه:thainks
يا عيسى:hiii jak
جاك بنفسيه:hii 2
عيسى ابتسم
جاك همس له:حافظ عليها
عيسى طالعه وهو مستغرب
راح جاك
زينة:يحليله ولد خالج يعرف يتكلم عربي
زينة:اي يعرف شوي رزون مجابلته هو وليلي قاعده وتعلمهم
عيسى:فديتها خبله
زينة:حدهاااا
ـــــــــــــــــــــــــــــــــــــ
بعد مرور اسبوعين
بالكويت
زينة ورزان وعبود وبوعبدالله وام عبدالله ردو الكويت
ــــــــــــــــــــــــ
زينة:عبود اشرايك بصمود
عبدالله يلعب بالايباد:مافيها شي
زينة:اشرايك تتزوجها
عبدالله:طيري
زينة:اهم شي
عبدالله:ماكو شغل اتزوج بوييه
ـــ
صمود كانت واقفه عند الباب تتسمع
ــــ
زينة:اهم شي صمود موبويه هي ستايلها حذي بعدين الحين تغيرت
عبدالله:اممم اوكي تتغير حق نفسها بس انا توني صغير بستااانس بحياااتي
زينة:منو الي قبل يحن على امي وابوي يبي يتزوج
دخلت عليهم صمود بدون لاتطق الباب
عبدالله عصب وبصوت عالي:في اختراع اسمه تطقين الباب
صمود نزلت راسها:سوري ما كنت اقصد عبالي زيون قاعده بروحها
عبدالله:بوويه ماكو فايده
زينة عصبت:الحييين شكووو بويه
صمود ميته من البجي:تدري هالكلمة شكثر اكرها
عبدالله يطالعها وهو ساكت
صمود تبجي:عبدالله افهم بس افهم والله تعبت
عبدالله:نعم اشتبين شفهم
صمود طالعته وعيونها كلها دموع:ابيييك انت
عبدالله ما عرف شيقول :اخررررر انسااانه افكر فيهاااا انتيييييييييييييي
زينة تطالعهم ومتنحه
صمود:عبدالله افهمني والله احبك انا تغيرت علشااانك هالنفنوف الي ما البسه قمت البسه علشانك المكياج الي مايطب ويهي قمت احطه علشانك
عبدالله يطالعها وهو ساكت
ـــــــــــــــــــــــــــــــــ
بجمعية كيفان
وتحديدا المكتبه
ــــ
مريم:اممم لا لا هاللون احلى
:ابله مريم
مريم:هلاا ريووونه حياتي شلونج
ريان:تماام ابلة شلونج
مريم:تمام ها يايه مع منو
ريان:اخووي بدر
بدر:احم السلام
مريم رفعت راسها:هلا والله
بدر:اشلونج ابله مريم
مريم:الحمدالله بخير
بدر وهو حاط ايده على جتف ريان:والله ريون ذبحتنا ماعندها غير سيرتج بالبيت ابله مريم قالت لي وابله مريم سوت لي
مريم ابتسمت وقرصت خدود ريان
ــــــــــــــــــــــــــــــــــــــ
بجليز البدع
ــــ
لجين قاعده تاكل وتدرس
لجين بدلع وبصوت واطي:اففففف مليييت
يت لها وحده
:السلااام
لجين بدون لاترفع راسها:وعليكم السلام منو
:افا لجوون انا نور مسرع مانسيتيني
لجين قامت وفصخت نظارتها الريبان ولمت نور حيل:يالخااايسه مس يوو
نور وهي لامه لجين:ميي توو والله يالجلبه محلووه
لجين:اي اكيد :$ حتى انتي محلوه
نور:وينج لاتدقين لاتسألين
لجين:سوري والله كنت لاهيه تدرين بعد دراسه ولويه
نور:ويي الله يعينج لا يبيله سفره راحه واسترخاء ورا الامتحانات
لجين طالعتها وعلى طول قالت:شرم الشيخ
نور:يبيييييييييييله
لجين:خلاص اليوم نحجز حق ورا الامتحانات
نور:اهم شي اليوم نحجز واهلج
لجين:مالج شغل خليهم علي
ــــــــــــــــــــــــــــــــــــــــــ
الساعه 8 بالليل
عالبحر
ــــ
عبدالله قاعد ويا رفيجه صالح
عبدالله:والله مادري شسوي
صالح:حرام مبين انها تحبك
عبدالله بيتكلم ولا يشوف ريم وريلها *_* ادري تنحتو اشلون عرفها وهي متنقبه عبدالله يميز عيون ريم لانها وسيعه مشالله وريم دايما تحط فل ميك اب
عبدالله:شوف صلووح هذي ريموو
صالح:وييع هذي ريووم حبيبتك ماغيرها هذا ذووقك صج ويييييييييييع
عبدالله: والله لا اخليها تلعن الساعه الي حبتني فيها..عبالك بتتهنى لا حبيبي مراح تتهنى
وقام
صالح:انت هي وين رايح
عبدالله ابتسم ابتسامه عريضه:بتشووف
ـــــــــــــــــــــــــــــــــــــــــــــــــــــــــ
هذي كانت تكملة البارت وسوري عالتأخير وبنات بليز ابي توقعاات

 

[bent.gaga]

رد : **في هذا البيت رسمنا احلام ورديه**

Mmmmmm a3tqed yroou7 7ag rylha bs shgoola madry 3jeeb illpaart ,,, waiting 7ubii

 

[Sara.M]

يسلموووو حبيبتي عالبارت .. لووول وزين يسوي عبدالله بـ ريم تسسسستـاهللل !

مسسسسكينه صموت اكسسسسرت خاااطري .. واتوقع عبدالله راح يروح حق ريل ريم ويقوله ان اهو كان يعرف ريم من قبل ..

 

[ReeMoh]

Loooooooool jack 7adda th7akny

 

[غــلآهاا غير]

مشكوره وتوقعاتي يروح حق ريم او يسوي شيء يضرها وانشالله يحب صموود ?نها تسستاهل وطيبه ولجوون ماكو فايبده فيها بوطبيع مايجوز عن طبعه بترد تسسافر وهالمره الله العالم شنو بيصير ناطرينج مع بارت طويل عشان هالتوقعات بليز نبي نعرف كل شيء

 

[admant_7abk]

يسلموو ناطرينج

 

[teen girl]

رد : **في هذا البيت رسمنا احلام ورديه**

اوووووووووووووبيه والله كسرت خااطر صمووووووووووووود
وعبدالله وععع وعع شايف نفسه

نااااطرينج

 

[cup-cacke]

تسلمين حبي ع البارت

لجين هذه ما منها رجااا

عبدالله انا اقوول العقل زيين..انسى الاشكال هذه وروح للي قلبها متعلق فيك

زينه وعيسى شكلنا بنشوووف بينهم وااايد مواقف بالبارتات اليايه

 

[miss 3yara]

رد: رد : **في هذا البيت رسمنا احلام ورديه**

mmmmmm a3tqed yroou7 7ag rylha bs shgoola madry 3jeeb illpaart ,,, waiting 7ubii

يمكن والحين بنزل البارت وحياج الله حياتي :*

 

[miss 3yara]

يسلموووو حبيبتي عالبارت .. لووول وزين يسوي عبدالله بـ ريم تسسسستـاهللل !

مسسسسكينه صموت اكسسسسرت خاااطري .. واتوقع عبدالله راح يروح حق ريل ريم ويقوله ان اهو كان يعرف ريم من قبل ..

يسلمج حياتي
اي والله تكسر الخاطر
يمكن
حياج الله حبيبتي :*

 

[miss 3yara]

مشكوره وتوقعاتي يروح حق ريم او يسوي شيء يضرها وانشالله يحب صموود ?نها تسستاهل وطيبه ولجوون ماكو فايبده فيها بوطبيع مايجوز عن طبعه بترد تسسافر وهالمره الله العالم شنو بيصير ناطرينج مع بارت طويل عشان هالتوقعات بليز نبي نعرف كل شيء

العفو حبيبتي
اي والله تستاهل
لووول اي ماتيوز
انشالله شوي وانزل البارت

 

[miss 3yara]

تسلمين حبي ع البارت

لجين هذه ما منها رجااا

عبدالله انا اقوول العقل زيين..انسى الاشكال هذه وروح للي قلبها متعلق فيك

زينه وعيسى شكلنا بنشوووف بينهم وااايد مواقف بالبارتات اليايه

الله يسلمج حياتي :*
لوووول ماتيوووز
اي والله
يالله الحين بنزل البارت

 

[miss 3yara]

**البارت التاسع**
ـــــــ
عبدالله: والله لا اخليها تلعن الساعه الي حبتني فيها..عبالك بتتهنى لا حبيبي مراح تتهنى
وقام
صالح:انت هي وين رايح
عبدالله ابتسم ابتسامه عريضه:بتشووف
وراح صوبهم
عبدالله:السلام
ريم انصدمت وبقلبها امبيييه هذا شكله بيفضحني
فراس ريلها:وعليكم السلام هلا والله
عبدالله يطالع ريم الي حسها مرتبكه:مبرووك الزواج
فراس:الله يبارك فيك حبيبي بس منو انت
عبدالله وهويطالع ريم:كنا حبايبكم
ريم نزلت عيونها
فراس :حبايبنا؟!
عبدالله:ها أي قصدي كنا جيرانكم
فراس:جيرانا بالصباحيه؟
عبدالله بقلبه جني توهقت:ها أي أي
فراس:اييي هلا والله هلا شلونك شخبارك
عبدالله:الحمدالله بخير يالله انا استأذن
فراس:اذنك معاك وخل نشوووفك
عبدالله بنفسيه:اي انشالله يالله مع السلامه
فراس:مع السلامه
ــــــــــــ
فراس ريل ريم عمره 27 سنة باختصار جيكرر بمعنى الكلمه اسمر عيونه لونهم بني غامج وضروسه لونهم صفر لوول ويييع ادري لوعت جبودكم
ــــــــــــــــ
صالح:توقعتك بتفضحها اشوفك ماسويت شي بس سلمت
عبدالله:اسكت لاعت جبدي
صالح:كاااك ليش
عبدالله:ريلها يتكلم ونوافير تطلع من حلجه
صالح:وييييييييييييييييييع الله يعين ريم عليه
عبدالله:تولي...وطلع فونه ودق على ريم
...
ريم رن تلفونها شافت رقم عبدالله ارتبكت سدته على طول
فراس:اشفيج
ريم:ها ولاشي ولاشي
ـــــ
عبدالله :سدته....ورد دق
صالح:عبود خلاص خلها
عبدالله:نو حبيبي مراح ارتاح الا وانا مسوي الي فبالي
ــــــ
ريم ضلت تسده بويها وهو يدق وهي تسده اخر شي لاعت جبدها وشالته
ريم وهي مرتبكه وبصوت خايف:الوو
فراس يطالعها :اشفيج جذي تتكلمين
ريم حست نفسها شوي وتبجي:الو هلا عبير
عبدالله يضحك بصوت عالي وقف صوب سيارته:انا صرت عبير اي قولي عبدالله عاادي احس ان ريلج فرري
فراس:ريم انا بروح اشتري عصير تبين؟
ريم:اوكي....عبير شناويه عليه
عبدالله:ريلج راح كلميني عدل
ريم بصوت يرجف:عبود شالمطلوب مني
عبدالله:اقول انا مواصغر عيالج علشان تناديني عبود عبدالله لوسمحتي
ريم:عبدالله خلني بحالي
عبدالله:نو يياحياتي نو
ريم:انا مستانسه مع ريلي ومابي احد يخرب حياتي
عبدالله:اي مستانسه مع ملك جمال الكويت صح
ريم نزلت دمعتها ومسحتها على طول:بلا تطنز ويا ليت هالرقم تنساه
عبدالله:احلااااااامج صدقيني انا ابيج تكونيين مستانسه بحياتج
ريم سدته بويها
عبدالله :اوكي مومشكله ياريم
ـــــــــــــــــــــــــــــــــــــــــــــ
بالبيت
ـــ
غرفة ساره تحديدا
ساره كانت تسوي شعرها ولايرن تلفونها وكان الرقم موغريب عليها شالته
ساره:الووو
:ساره؟
ساره:اي منو
عبداللطيف:انا عبداللطيف
ساره ارتبكت:ليلحين ذاكر رقمي
عبداللطيف: اي ساره تدرين شكثر استانست لما شفتج
ساره هدت الفير وانسدحت على فراشها:حتى انا والله
عبداللطيف:ساره اشرايج نفتح صفحه يديده وننسى كل شي
ساره ضحكت:ماعندي مانع
عبداللطيف:باجر اشعندج
ساره:امممم مومشغوله ولا شي
عبداللطيف:اشرايج نطلع انا وانتي وسارونه بنتي
ساره:لا لطوفي من صجك
عبداللطيف:شخباااااري لطوووفي مرتي الله يرحمها كانت تناديني يا لطوف يا عبداللطيف
ساره:لطووووووووووووووووفي
عبداللطيف:فديييتج اناا
ساره ابتسمت:حياتي
ـــــــ
غرفة خالد
خالد كان قاعد يدرس
ولاتدخل عليه رزان
رزان:خلود شتسوي
خالد:ماكو قاعد ادرس
رزان:هالمسأله مووفاهمتها
خالد:امبيه رزون هالمسأله سهله ماااي حدددهاااا وانا اقول رزوون شاطره متفوقه والاولى على دفعتها طلعت خرطي
رزان تنحت:جببببببببببببب
خالد يدني لها:قعدي خل نفهمج
رزان طاحت عينها على ورقة مكتوب عليها بخط عريض سديم
رزان بصوت عالي:خوييلد سديم منوو
خالد:اي انشالله لي تزوجنا ويبنا بنيه بنسميها سديم وانا مسوي هالورقه حقها
رزان طالعته وهي مومصدقه
ـــــــــــــ
بالصالة
ام مريم:مريوم
مريم:هلا يما
ام مريم:تعرفين ام ضاري رفيجتي
مريم وهي مندمجه بلابتوبها:اشفيها
ام مريم:خاطبتج حق ولدها بدر
مريم:امممم
ام مريم:شنو اممم
مريم:مادري يما كيفج
ام مريم:صمودو وين رايحه هالحزه
صمود وهي مالها خلق شي:الممشى
ام مريم:شيوديج الممشى هالحزه انزين خلي احد من الصبيان يروح معاج
عبدالله دخل عليهم:السلام عليكم
ام مريم:وعليكم السلام يما عبدالله روح ويا صمود الممشى بعد انت تدري الحين الساعه 9 والممشى بهالحزه يخرع روح معاها
عبدالله بقلبه هذي فرصتي:اممم اوكي
صمود بقلبها خلاص بقوله
ـــــــــــــــــــــــــــــــــــــــــــــــــــــــــــــ
بغرفة ام عيسى
دخلت عليها لجين
لجين:يماا
ام عيسى:ها يما
لجين:بسافر ويا رفيجاتي
ام عيسى:ماكو
لجين طالعتها :شنو ماكو بس حجزنا
ام عيسى:شنو شنو حجزتي
لجين:اي حجزت وانا اشدراني عنكم انكم مراح ترضوون
ام عيسى:اصلا لا انا ولا ابووج راضيين ويالله الحين دقي عالسفريات جدامي وكنسلي تذكرتج
لجين:ماني مكنسلتها
ام عيسى عصبت:لجينو ويهد
لجين:اي يماا شنوو كل البنات يسافرون مع رفيجاتهم يت علي اناا
ام عيسى:هي كلمة وحده تكنسلين تذكرتج يعني تكنسلينها
لجين:يماا بليز والله باجر اروح معاج عرس دلول
ام عيسى تطالعها
لجين:يما وغلاتي عندج
ام عيسى:لاحوله ولا قوة الا بالله انزين وابوج؟
لجين:انتي قنعيه بطريقتج
ام عيسى طالعتها:واذا مارضى
لجين بدلع:بتغلى عليه
ام عيسى:يما منج انتي اذا حطيتي الشي فبالج تسوينه يعني تسوينه طالعه على منو انا مادري
لجين:يعني عويس وخلود مايسوون جذي
ام عيسى:اي على طاري عويس خل ادق عليه و عويس وخلود اهون منج عطيني التلفوون آآهووو
لجين:يما شنو آآهوو شخباااري حددج ولا غصب انا عيووزه
ام عيسى خزتها:لجون ذلفي عن ويهي
ـــــــــــــــــــــــــــــــــــــــــــــــــــ
بالممشى
عبدالله:صمود
صمود:هلا
عبدالله:انا اسف
صمود:على؟
عبدالله:على كل شي
صمود:لا عادي ...طالعته وقالت:تموون يا عبدالله تموون
عبدالله طالعها وسكت
صمود:وبعدين ترى انا احبك كأخو اعتبر الكلام الي قلت ل.....قاطعها عبدالله:لا صمود انتي تحبيني وانا ادري من زماااان
صمود طالعته
ــــــــــــــــــــــ
قبل 3 سنوات
عبدالله كان يتعبث بلاب صمود وجان تطيح عينه على صورته مكتوب عليها**احبك عبدالله ** عبدالله تنح
صمود :ماااخلصت
عبدالله:لا امبله خلصت ...وطفى اللاب
ــــــــــــــــــــــــــــــــــــ
عبدالله قالها هالسالفه وصمود منزله راسها
وعبدالله وقف جدامها ومسك قلبها الذهب الي صاير على شكل كتاب صغييير ..بطله وقال:صورتي وصورتج براس السنة
صمود ظلت مده واقفه منصدمه ماتدري شتقول
عبدالله:كل هذا وماتحبيني
صمود لمت عبدالله حيل وقعدت تبجي
صمود وهي تبجي:عبدالله
عبدالله:اوووش
صمود:احبك
عبدالله ابتسم:اموت فيج
ـــــــــــــــــــــــــــــــــــــــــــــــــ
انتهى البارت توقعاتكم