في ممية بنتي شي يخووف !!!

[AVE.NJ]

انه افضل الحليب بكل احواله

 

[شواخي]

روحي طبيب اطفال ليش تذبحينها حرام !!

تبجي عشان حليب ايه عليها شلون قلبج طاووعج فديتها عورت قلبي

عطيها المميه مب مره وحده يقطعون يا ابيض يا اسود

هي وااايد تشرب حليب و شي حلو !! لانها ماتاكل يمكن ،، جذيه بنتي

بس لا تذبحين الياهل

كبري عقلج

 

[fay fay]

لما فطمت بناتي من الحليب
اخترت وقت مايكون زوجي عندي .. هذي اول نقطه .. يعني كان مداوم اخر ليل فبكيفي اتحمل صياحها ومحد بيضغط علي
ثاني شي عشان ما اضعف .. قطيت رضاعتها عزكم الله بزباله الشارع

لما جات تنام عشيتها زين
وخليتها يمي وصرت اغني لها او اهدهدها المهم كانت منهاره تبي الرضاعه بس صبررررررررررررررررت متتتتتتتتتت ذيك الليله

صاحت لين تعبت من الصياح وبعدها نامت
وكل ماتقوم تبي الرضاعه تصيح واحاول اسكتها وبالموت اقدر عليها لكني قدرت

ليله وحده وبس

بتتعبين ليله وحده وعقبها بترتااااااااااااااحين

خلج صبوره وتوكلي على الله ومن غير مره ولا حشرات بتقدرين والله بس لازم انتي تكونين صبوره

الله يعينج

 

[q.u.e.e.n]

الله يعينج ميخالف راح تتعبين بالبدايه بس باجر تتعود

 

[little-voice]

لا تقطعين المميه عاااااادي حبيبتي خليها

 

[fay fay]

خواتي اللي يقولون لاتقطعينها
بخبركم شي

انا فهمت من كلامها ان بنتها طول الليل تبي المميه عندها متى ماقامت شربت

طيب هالشي يضرررررر
اسنان بنتي والله انعدمت

والدكتور قالي بنفسه
السبب طريقة الرضاعه
انها تشرب وتنام وتصحى تبي تشرب وتنام وهكذا لهالعمر غلط

وجد بنتي الاولى انعدمت اسنانها اما الثانيه تداركت الموضوع وفطمتها من خلصت سنتين ووالله اسنانها فل على هندسه ماشاء الله

 

[miss_Ba6oOo6a]

مادري من 8 شهور تقل الرضعات لان اصلا البيبي ياكل
بالتدريجي اهي ليه اقل من سنيتن ابروحها لاعت جبدها من المميه والحليب من بعد الاكل العادي عوديها
مو المييه في اشكال بمذركير وسنتر بويت حطيلها عصاير ماي طول اليوم وخليها تاكل سنتين كبيره

 

[nono78]

الحمدالله بنتي فطمتها من المميه

كبر بنتج

كنت ما اعطيها الا مره وحده

بعد ما كانت ادمااااااان كل ساعه ممه

طبعا عطيتها اشوي مغريات ايس كريم
هههه

وخشيت كل المميات

يومين ثلاث تبجي اشوي وكانت تكسر خاطري. بس صرت اقوي منها

والحمدالله كاهي صارلها اسبوعين ارتحت من المميات

وقامت تاكل اول ماتاكل شي بس تبي حليب

عقبال بنتج

 

[*ريما*]

حاولي معاها قد ماتقدرين
عقبال ولدي مايتركها وافتك

 

[hooryah q8]

من رايي خليها تشرب بالمميه لانه خوفج اذا قطعتيها ماتشرب الحليب خير شر

 

[fdeet_shosho]

حبيبتى يمكن بنتك تنام جوعانه عشان جذي كل شوى تقعد تبي ترضع
شوفى عشيها عدل ليما تشبع وخل تشرب وراه قلاص كامل حليب (فى قلاصات اليهال الوان واشكال على شخصيات كرتونيه اهيا تحبها ترا الياهل الالوان تعجبه وتجذبه ) وعقب اذا حسيتى انها شبعت خل تروح تنام صدقيني بتقعد مرة او مرتين وعقب خلاص تتعود انها تنام بدون الرضعه وترا مايضر اذا شربت رضعه او ثنتين بالليل لاتحرمينها خل هى تهدها بروحها
انا ولدي لي 3 سنين واهوا بالليل لازم رضعه او رضعتين وبعدين صار عادي عنده اهوا بروحه قطهم لما فهم الحجي وقلتله انت كبير شوف اختك ماتحب الممه قام وقطها فديته صج يستعسرون اول الفترة بس عقب بيصير عادي الوضع

 

[_Pure_]

انا قطيت كل الرضاعات و المميات بالزبالة و خليت البنت جدام الامر الواقع

و ما تشرب الا حليب بقر طبيعي بدون سكر و هالخرابيط تسبب ادمان

لان صج تعبت

 

[بريوشة]

لا تكرهوووووون عيالكم بالحليب:eh_s(8):


بالعكس اسهل منها ماكووو

عمري ماتعذبت مع عيالي بترك المميه

انا اللي اسويه مع عيالي اول شي احاول اقلل الرضعات وادخل وجبات خفيفه او عصاير او لبن ( هم مفيد ) واقوله اشرايك تسوي نفسنا احنا الكبار نشرب الحليب بالكوب :nbptr: ونحط له معانا بكوبه اللي فيه شخصيات يحبها ..

وشوي شوي يتركها ويتعود يشرب بالكوب

وبسسسسسسسسس

اهم شي الكوب اللي فيه شخصيات يحبها وضروري يكون بجمعه يعني مع اخوانه

 

[PuPa^^SWeeT]

السلااااااااااااااام عليكم

:eh_s(11)::eh_s(11):

اسمعوا قصتي وابغى اسمع نصايحكم وتجاربكم

انا فطمت بنتي عن صدري لما كان عمرها سنة و6 اشهر لما رحت الحج بس كان الامر هين لانها كانت تشرب رضاعة واني ابتعدت عنها اسبوعين

الموهييييييم

بنتي اللحين ادماااان حبيب زي ماتسميه فديتها
:eh_s(17):


وصار عمرها سنتين و 3 شهور

تخيلوا انها تشرب بعد الشاور العصر رضعة

ولما بتنام في الليل رضعة وبع\ ساعتين من نومتها تقعد تبغى حبيب

وبعد 3 ساعات وشوي ترد تقعد يمكن من نفس الرضاعة مو كاملة تشربها بس انها كل شوي تقعد زي لما كانت تشرب من صدري

انا اللحين قطعتها من رضعة العصر

وخلاص ان الاوااااااان انها تتركها

بس صوت صراخها يسمعه سابع جاار

لما ماعطيتها لما بغت تنام

والمسكينة ظلت تصيح متواصل عادة تنام 1 بيومها مانامت الا 5 وبعد ساعة ردت قعدت تبغى حبييب

ااه منه

وصوت صراخها قعد ابوها

وقعد يسمعني محاضرة

وش هالمنطق تحرمينها من حليبها وخلها تشرب شعليششش وووووو:eh_s(14): وهو معصب

قلت له انا مابحرمها من الحليب انا ابغاها تترك الرضاعة والحليب بعطيها بكاس او بعطيها بعلبة ابمصاصها

شلووووووووووون اخليها تكره الرضاعة


افيدووني


ملاحظات ...

1 - جربت اعطيها حليب ابو مصاص الجونيور مارضت مع انها تشوفني احيانا افتح العلبة واحطها في رضاعتها بس ماترضى ابد يعني العلة الرضاعة نفسها

2- اني عودتها تنام برضعتها شبسوي اللحين كيف انيمها

3- قالت لي بنت عمي انها تفطم اولادها من الرضاعة لما يقعدوا من النوم تعطيهم ماي لين يياسوا فيعتدل نومهم ويتركوا الرضاعة جربتها مع بنتي سوت منااحة وانصدمت وش عاطتنها

4- قالت لي حماة اختي خخخ انها تحط في رضاعات اولادها حشرات طبعا من دون الحليب وهم يخافوا منهم فيكرهوا الرضاعة
بس الشقردي اللي عندي ابوها معلمها انها ماتخاف من الحشرات لاني اموووت ان شفت حشرة طائرة ولا زاحفة :eh_s(22): فاحس مابتنفع معاها ولو امسك رضاعتها وفيها حشرة لاتستغربوا انه يغمي علي جد والله




:krkrkr:ادري جبت لكم حموضة من سوالفي بس جد محتاااجة لنصايحكم

شوفي لازم تقطعينها لأنه مو زينة الممية فوق السنة اتسبب تسوس و امراض باللثة

وفوق هذا النزلات المعوية كلها منها


حتى المصاصة فوق السنة و نص سنتين قطعيها


بقى شنو انج تصبرين عليها يعني شفتيها تبجي خليها تبجي لين اتنام من التعب

و يومين و ثلاث ايام اتخلص و انتي قعدي طالعيها و مالج شغل فيها


انا احاول احضنها لما تبجي اتدزني اخليها شوي اهيا تبجي و اتقط روحها

و قطعت الحليب و المصاصة و افتكييت

مالج شغل لو اتنام يوعانة تقعد بالليل بترضى بالحليب بالعود القواطي

انا طولت 3 ايام

انتي على بنتج ممكن 3 - 7 ايام و اتخلصين

بس لاتضعفين جدامها ولا شي





وبالنسبة اللي اتقول لاتكرهينها بالحليب

اهيا ماراح اتكرهها بالحليب بس معروفة الممية مو زينة


للاسباب اللي ذكرتها فوق



و بنتها باجر بتشرب حليب و لبنة و جبنة و بتنقي منتجها المفضل و تسكت عادي

 

[جوي غيرررررررر]

لاياقلبي لاتقطعينها عنها وش بتضرك فيه وافود لها ترى كذا بتكره الحليب

 

[عيوني مودي]

والله صغيرة لاتفطمينها لين تكمل ثلاث سنوات بنتي اكبر من بنتك باربع شهور واعطيها ننة للحين
لاتفطمينها والله صغيرونة

 

[tmtmt]

امبيييييه من صجكم !!!
شلون ماتقطعها
مو زبن حق اسنانها ولا زبن لها كبييييره اسم الله عليها
وتشرب بالمميه !!!

ولي تخليها لي ٣ سنين وفوق
يعني بالحضانه ومميه !؟!

قطعنا عيالنا من المميه
بس ماقطعناهم من الحليب ولا اكرهوا الحليب !!!!

قالت ماتبيها بالمميه مو ماتبيها تشرب حليل

اذا ااحليب تخلونه لي ٣ سنين
متى تعلمونهم على الحمام ؟!

 

[tt2tt]

اب اب

 

[Om_3bady]

حبيبتي انا قطعت المميه والمصاصه بيوم وليله وولدي عصبي بعد بس الحمدلله قطعهم من صار سنه و9 اشهر
انا اقص الحلمه من النص واعطيه ولا كانها فيها عاد هو بنفسه يتضايق ويقطها والمميات نفس الطريقه اقص الحلمه واحط فيها حليب واعطيه لين كرههم
​