في مطلقه تزوجت وخلت عيالها عند طليقها؟؟

[Hello_kitty]

الموضوع قديم وورد انرفع..قريت الردود واستغربت من البعض؟؟

بفهم شنو يعني مراه ما تقدر تعيش بدون ريال وتعيش بدون اعيالها عادي؟؟يعني اهي بتموت بدون ريال بس هاليهال عادي

يتربون بدون ام وابو وطلاق ولا عندهم اسره وبيت يحضنهم مثل الناس وفوق كل هذا بعد الأم مسكتثره عليهم

تعطيهم حنانها ويتربون بحضنها وطايره ورى الريال!!!

شنو تبي من الزواج بعد الطلاق وبعد ماصار عندها اعيال ؟تقولن الريال سند؟؟العيال اهم السند اذا ربتهم وقامت فيهم!!

الحمدلله بالكويت عايشه احلى عيشه واكثر قانون منصف للمرأه القانون الكويتي بكل شي

يعني لقمتها وعيشتها مو عالريال!!مارح تموت بدون ريال بس اعيالها يمكن يموتون ويتحطمون من دونها ماكو احد بيحبهم

ويهتم فيهم كثر الأم...اذا امهم سندهم وحضنهم ماتبي تتحمل مسؤليتهم عشان تتزوج عيل منو اللي بيتحمل مسؤليتهم؟

اذا الأم ما تبيهم منو اللي يبيهم؟

كل وحده سيارتها بيدها ومعاشها عندها وتقدر تعز روحها وتعز اعيالها وتعيشهم احلى عيشه بعد

اذا حصلها الزواج والريال اللي بتاخذه مرحب فيهم او عالأقل الحضانه تكون عند امها ممكن ..بس اخليهم عند ابوهم ومرت ابوهم

واهل ابوهم مادري شياكلون شنو يشربون منو يدرسهم منو ينومهم مادي اشلون يعاملونهم؟؟

احرمهم من حضني عشان اقط روحي بحضن ريال؟؟

عفيه ام ولاتقولون ظروف لأن ظروف اليهال اللي تتنازل عنهم امهم اصعب منها

اهي مراه تفهم وتتحمل وتعوض حنانها ومشاعرها فيهم والله بيعوضها كل خير بس اهم منو لهم؟؟

وياليت تجربون تسالون اطفال عاشوا بنفس الظروف وامهم تنازلت عنهم والله تلقون انكسار الدنيا كله فيهم!!

اذا هذي الأمومه بهالزمن لانستغرب العقوق بهالزمن!!

 

[!! دلوعته !!]

اااااااااااااااب

 

[بخـــارى]

ليش مو أم؟
الناس مو كلهم نفس الشي, ليش تهمل نفسها و تحرم نفسها الزواج و العشره عشان عيالها ما يروحون عند أبوهم.
و اسمه أبوهم, مو طليقها.
الجاهل يتربى, سواء عند الأم أو أهلها أو عند الأب أو أهله.
بس المرا ما تحصل العشره الحلال إلا بالزواج.
آنا أمي لما تزوجت خلتنا عند أهلها, و حتى أبوي جا يبي ياخذنا و جدي قال ماله داعي, اهو موجود لنا, الله يحفظه و يخليه لنا.

حتى الصحابيات كانوا يهدون عيالهم مع آبائهم بعد الطلاق, ما نقص هذا من محبتهم لهم, و اهم قلوبهم أرأف من قلوبنا.

بعدين الناس أجناس. مو كل الحريم تقدر تعيش من غير رجال, في حريم ما تقدر.
إذا انتي ألحين لأنج متزوجه و بحضن زوجج تقولين أهم شي عيالي لا تفرضين آرائج و أهوائج على الناس.
و إذا الأم حنونه على عيالها هم أبوهم بيداريهم, و يحطهم بعيونه.

عجبني ردج

 

[حبيبه بدر]

بنت خالتي تطلقت وقطت عيالها عند ريلها
وبالنسبه لي عندي عند ابوهم احسن يربيهم عدل ويخافون منه لان امهم مالها هيبه عندهم وكله طالعه ولا تدري عن بيتها

و ولد خالتي تزوج وحده كانت مطلقه وعندها بنت
قطتها عند امها

عندي احسن حل حق اللي بتتزوج تخلي عيالها عند امها
اما اذا بس بتتطلق من غير زواج
لاطبعا تخليهم عندها

ماعليه امها وتامن على اعيالها عندها بس شنو ذنب امها بالسالفه هي ربتها وتعبت تربي اعيالها بعد وهي تروح تستانس بحياتها
هي المفروض تتحمل المسوليه لانه ربي باجر يحاسبها هي محد قال لها تحمل وتيب ياهل من انسان مو متفقه معاه ولو كانت متفقه وبعدين اختلفو هم بعد محد يتحمل مسوليه حياتها واللي صار لها
والابو مهما كان مو احن من الام وبيتركهم حق مرته وهي مجبوره تخلي اعيالها عند مرت ابو ماتدري شلون بتعامل اعيالها انا بالنسبه لي احس كلمت ام ماتلوق عليها وهي قاطه اعيالها ومهما ما كرهوها اعيالها وظلو يحبونها بتصير بخاطرهم انها استغنت عنهم بيوم

 

[حبيبه بدر]

انا بفهم شنو المره ماتعيش بدون ريال
يعني فرضا تطلقت ومحد خطبها بعد طلاقها تموت ولا تعيش مسيار ولا تتعرف على شباب
الصراحه هالشي مادخل بالي ابد اللي اعرفه وعقلي يتقبله انه المره ماتعيش بدون ضناها لانه مهما كان الابو حنون مايكون احن منها كافي انها حملت فيها وحست بكل الامومه بحملها من قبل لاتشوفه

 

[حبيبه بدر]

انا اعرف وحده طلق زوجته وبعدها مرته رفضت تاخذ اعيالها لانه اهالها رافضين
يقولون اعياله وانت بنتناعادي
بعد وقت هو تزوج وهي تزوجت وكل واحد صار عنده ياهلوالعيال ربتهم مرت ابوهم
والحين يموتون فيها يسمونها ماما
بس امهم يقولون مانبيها اللي هدتنا ويابت غيرنا اعيال مانسميها ام ومرت ابوهم ماترضى تقول لهم هذي امكم مهما صار
مع العلم اليهال اكبرهم ٤ ابتدائي

 

[ابلة لولوة]

ترا الطلاق مأساة حق العيال

ياريت الام والابو يعيدون حساباتهم قبل لايتطلقون للنه صعبه علا العيال

يتركون غرفهم والعابهم وذكرياتهم والاهم من هذا كله يتركون ابوهم

او ممكن يتركون امهم وينحرمون منها

انا برايي رياييل الدنيا ماتعوض قعده الام مع اعيالها وتشوف ضحكهم وابتسامتهم

لكن الشي الغريب

انه فيه امهات قطو اعيالهم عند ابوهم واهي دورت وناستها وراحتها

لا تعبت عليهم ولا ربت ولاسهرت

ولما كبرو يووها يحبونها ويجابلونها

غريبه

 

[sunshine22]

انا اشوف الحياه صعبه

والمرأه ضعيفه

والرجل قوي



اذا المرأه تحملت
طلاقها
زواج زوجها
ابنائها معها
اغراضهم عليها
ماجلتهم عليها
السكن عليها
المسؤوليه عليها


اتوقع راح تموت

فالافضل مع ابوهم لانه يمكن يردها لي شاف حاجتهم لهااااااا
او يقعدون عنده افضل اذا هو حنون
وتعيش هي عند اهلها لعل ربي يعوضها باللي احسن من زوجها



ترا المرأه ضعيفه

 

[بخـــارى]

سن شاين 22
زياده على كلامج اذا فشلوا قالوا بسبب الام واذا مرضوا بعد قالوا بسبب الام
يعني الطلاق كافي

 

[معلمة الاجيال]

عفوااااا راح ارد على الاخت سن شاين22
اولا اغلب اراء علماء علم النفس اجانب وبرا بعيد عن الدين ..

في شي اسمه رحمه !!!!
ديننا علمنا الرحمه !!! حرااااااااااااام نسترخص عيالناااااا الي احنه يبنااااااااااهم !!!!
اذا مو قد العيال ؟؟ خلاص ليش الوحده تييب عيال؟؟؟؟ خل توقف ستووووووب تاخذ موانع ابر حبووووووووب سم الي يصير
بس ماتييب عيال ينولدون شقاااااا بالهالدنياااااااااااا
شاللي يضمن انهم مرتاحين؟؟ تدرون عنهم ماكلين ؟ شاربين ؟
شلون يهون عليج يالام تنامين وعيالج مو يمج !!!
ريال؟ بلعنننننننننننننه
ريال بالطقاااااااااااااااااااااق
اتحمل انا لاني يبت عيااااااااال فما اقط عيالي على سالفه ان والله بتزوج وبعيش حياتي
يلا زين
معناته.. لو تزوجت واحد ثاني ويبت عيال وطلقني هم اقط العيال عليه وهذي حالتي صح؟؟ اتزوج واملط عيال واقط على الريال وامشي؟؟؟ قطوة مشالله ههههههههههههههههههههههههههههههههههههه

لا يبا يا صاحبة الموضوع ..
كل بيت فيه مشااااااااااااااااكل ماكو بيت مايخلى من المشاااااااااااكل
الواحد يتحمل عشان عياله
اوكي خلاص وصلتي مرحله ماتتحملين
يوهون عليج عيالج الي من لحمج ودمج؟؟؟
ناس يتمنوووووون ظفر ياهل والله !!!
وانتو تتييبون وتقطووووون
لا واللي تقولي علم النفس ههههههههه
يا عمي علم النفس محد مينن الناس غيرة


وسلااااااااااااااااام

 

[معلمة الاجيال]

ومن قال يا ساين شاين ان كل مسوؤليات المرة عليهاااااااا المسكن والماجله؟؟
نسيتي ان في شي اسمه نفقه

واهو يتحمل كل شي
نفقه العيال والمرا والسكن والسايق والخدامه
كل شييييييييييييييييييييي على الريااااااااااااااااااااااااااااااااااااااااااااال يعني مو بسهاله يطلقها وخلاص
يمكن ينقص منه نص معاشه