في ليلة الزواج قالي ؟؟؟؟؟؟؟؟

[توتا الكتكوته]

هذا المطلق يا كرهي للرجال المطلق مفروض من الاول ما كنتي تقطين روحج على واحد مطلق شالله حادج هاج الحين اكليها

بس مستانسه صرتي مدام وعيلتي الحين راحت السكره ويت لج الفكره اقول اقعدي عند زوجج وحمدي ربج وخل يدلعها لما يطيح

حظه ،،، المهم انتي دلعي بنتج وعانديه سوي مثل ما اهوا يسوي قوليله وانا بعد بنتي اهيا كل شي بحيااااتي بنتي وبنتي خليه

يحس انه مو بس اهوا اللي يموت ببنته واغلب الرجال فرحته بطفله الاول غير ،،،

 

[pusy cat]

حاطه حالج حال طفله عمرها سنتين @@

اتقي الله هذي بنته تفهمين يعني شنو بنته اكيد بيحبها ويموت عليها بعد

بدال لا تصيرين لها ام وتعطفين عليها تحسدينها

والله ذكرتيني بمرت ابو سندرلا

عجل تقولين عمرها سنه و ما ارتحتيلها @@ والله انتي اللي ماتريحين

الله يعينها عليج لي كبرت صج قلبج اسود مافيه رحمه

اتقي الله ترى من لا يرحم لا يُرحم

يبا بنتج توها برز واااق وويق حتى شيل ما تنشاله تقارنينها باللي تسولف وتلعب وتتدلع

معروف عمر السنتين والثلاث سنين احلا عمر للاطفال اكيد بيطير فيها ابوها

وبنتج لي كبرت بيجيها نصيبها لا تستعجلين على رزقج

 

[Basho0o0ory]

أضم رأيي مع غزاله 1986 وإسراب الطيور
الله يسخرهم لج ولا تحاتين بس تكبر بيكبر غلا بنتج معاه وبعدين هذي بنته مثل ما أهي بنتج ..
وترا هذي فرصتج عشان تخلين زوجج يحبج أكثر لما تهتمين ببنته وربج أن شاء ما يضيع أجرج
والبنت تراها مستضعفة مالها أحد غير أبوها وأنتي من بعد الله.

 

[w0o0dy cullen]

مازيد ع كلام البنات شي ماقصراو كفاو ووفاو
بس بزيد شغله اهي بجره والكبيرةف اكيد لها معزه خاصه حتى لو كانوا عياله كلهم من ام وحده الاول بيكون غير

وحسبي حسابج انه فوقج رب يشوف ويطالع واذا عاملتي هالمسجينه بالطيبه والحنية الله ماراح يقصر معاااج خصوصا هالفئه من الاطفال
دايم تذكري رب العالمين ماينسى عباده الصالحين واهي طفله صغيره واعليا شنو المشكله اذا عاملتيها مثل بنتج بالعكس بترضين ربج وترضين ريلج وبتكبرين بعينه اعتبريها بنتج الثانيه واذا انتي من الحين كرهتيها باجرالخوات مايصيرون زينين مع بعض واحلا شي الخواااات بالدنيا حتى لو مو من ام وحده لا تفرقين بينهم الله يحاسبج خليج عاقله وحلات الوحده ترضي ربها سبحان الله ترتاح نفسيا بحياتها

 

[Toggi]

عورت قلبي البنيه المسكينه شلون تتركها امها صج امهات اخر زمن بصراحه كرهت زوجج وزوجته الاوليه لانهم حطوا البنت بهالوضع وها التشتت الله يسامح والله يرزق البنيه بمن يرحمها ويعطف عليها

​

 

[!الجادل الصعب!]

انتي تحسستي من بدآية الموضوع وتغآرين من بنت عمرهآ سنه ..!
شنو نوعية الارتيآح الي تبينه حق طفله عمرها سنه ..
صفي نيتج وعلى نيآتكم ترزقون ..!

 

[جنا الخليج]

ياقلبي ليش من شفتيها ما ارتحتيلها انتي تقولين عمرها سنه حلاتهاا عنووونه

انا اقوولج عامليها نفس بنتج وحبيها وشووفي شلوون زوجج راح يحبج ويحب بنتج

 

[قل علها خيره]

الضنى الاولي داااايم غير ويااااخذ الغلاااا هذا شششششي معرووف *
بس مومعناته باااجي العيال مالهم غلاااا ولا محبه لا ,,

 

[مدرسة84]

حبيبتي شي طبيعي لا البنت كبيرة تفهم له ويفهم لها

بعدين يحس بتأنيب ضمير انها مو معاه طول الوقت

وانها فاقدة شي في حياتها او ماكان يتمنى لا يصير هالبعد بينه وبينها

يعني كان يتمنى القدر يكون افضل من جذي معاه.

وبالعكس لازم تفرحين فبالشي هذا انه فيه خير لبنته اللي مو بحضنه.

 

[al-musk]

اكسبي البنت بنية صادقة وراح تكسبين ابوها والي بالقلب بالقلب وشعوره غصبن عنه ماراح مو ذنبه

 

[هذا مزاجي]

عامليها مثل بنتج ولا تغارين منها حرام شذنبها
هالطفله الصغيره
صدقيني اذا حبيتيها واهتميتي فيها زوجج بيحبج اكثر
ومراح يفرق بين بناته ان شاءالله
اي صج لاتنسين انها البكر,,يقولون البكر
لها معزه خاصه عند ابوها

 

[afaf]

انا مع بنات

 

[Qatar 2022]

اختي الله يهداج من صجج انتي
اثنيناتهم بناته
خواتي اللي قبل ماقصروا فالردود
بس بالنسبة لنقطة ان يحط صورها ويدلعها ويلعب معاها اكثر
شي طبيعي
بنته البجر ودوم البجر اذا كانت بنت تكون مدلله ومدلعه عند ابوها اكثر من الباقي
لانها اول فرحته
وبعدين بنتج توها شهرين
واغلب الرياييل الي اشوفهم بعيلتنا
مايعرفون يلاعبون ياهل حتى لو كان ولدهم عمره اقل من 6 شهور ولا يعطونه اي اهتمام اصلا
ولا يحطون صوره لان للحين ياهل مايلعب ولا يتحرك ولا بانت فيه براءة الطفوله عدل

 

[بنوته كيوت q8ya]

حبيبتي لاتكرهين طفله حاولي تحنين قلبج عليهااا انتي بنتج الحمدلله تتربا بين امها وابوها اهيا لا حراام وصغيرونه حاولي تحبينها مثل بنتج واذا لاحظ ريلج هالشي راح تكبرين بعينه واايد ويزيد حبج وصدقيني غلاتهم وحده عنده كلهم من لحمه ودمه ولاتنسين اهيا البجر لازم شوي غير طبيعي لو امهم وحده و الله يصبرج ويحنن قلبج عليها ويبعد المشاكل عنكم تعوذي من الشيطان وتقربي لربج وكل شي راح يتغير بأذن الله.

 

[ام الحلوااات]

عــــامــــلــــي بـــنـــتـــه وكـــانــهـــا بــنـــتـــج انـــتـــي وشـــوفـــي طــلــبــاتــهــا قــبــل يـــقـــولـــج
وانــتــبــهــــي تــفــرقــيــن بــنــتــج عــنــهــا لا بــااكــلــهــا او لــبــســهــا والــعــابــهــا
مــــو عـــشـــان رضــــى زووجــــج لا ارضـي ربـــج واحــتــســبـــي الاجــــــر وان شــــآء اللــــه مـــايــضــيـــع تــعــبـــج ويـــاااهــا
يــمــكــن لاكــبـــرت تــنــفــعــــج اكـــثـــر مــن بــنــتــج
وشـــــوي شــــوي بــيــعــرف ان بــنــتــه ويـــاااج مـــوقــاصــــرهــا حــنـــان وبــيــطـــخ​

 

[طيــــــــــــف]

مااعتقد انه مايحب بنتك بس يحس ان بنته مسكينه امها مو موجوده علشان كذا مهتم فيها
وبعدين صدقيني بيحب بنتك بس لانها لحد الحين صغيره ماتتكلم وتتدلع عليه مثل اختها

 

[وردة-الكويت]

الاطفال احباب الله وانتي تقولين مارتحتي لطفله عمرها سنه وشي الله يهديج تركي عنج الغيره هذي طفله مالها ذنب ان ابوها

يعاملها افضل من بنتج الله يهديج

 

[عشقي الجنوب]

لاتعبين راسك بهالسوالف بالأخير كلهم بناته والسالفه قاعد يحاول يعوضها وجود امها لااكثر أنا لو اشوف احد بنفس حالت بنته بحطها مثل عيالي فما بالك كون بنته وبكره ما اوصيك عليها ترى البنات ضعاف والكلمه الحلوه تجيبهم تعوذي من الشيطان واخذيها بلأحضان ...

 

[سكوتي بذوقي]

مو معقول مايحب بنته الثانيه

اكيد يحب بنتكم

بس الأولى يتعاطف معاها لأنها محرومه من امها

تخيلي انتي تبعدين عن امك تقدرين طبعاً لا

هاذي طفله عامليها بالطيب تلاقين الحب منها ومن ابوها ولاتفرقين بينها وبين بنتك

الله يسعدك ويوفقك