في زواج مايبي مرته تحبه وايد !!!!

[أحلى عروس 2012]

الله كريم يابنات
بس حاسة أني زعلانه من قلب
ابي انشغل شوي
أعيد واكرر الله كريم

 

[كويتية نايس]

up up up

 

[انونا]

حبيبتي انا همن ريلي اول شي من شاف اني قمت احبه وايد كان وايد يصد واسلوبه صار جاف والله كنت اساله وانا ميته من الصياح واعترفلي وقالي اي احد جذي يسويله لو حتن اهله يبعدهم عنه

يقول اخاف بعد عيني اموت ( سمله عليه وربي يطول عمره ) وان افتقده واتعذب

 

[غيمه ظميانه]

احبب حبيبك على هون عسى ان يكون بغيضك يوما ما
وابغض بغيضك على هون عسى ان يكون حبيبك يوما ما

اعجبتني الكلمات وهاذا هو الجواااب

دنيا الهم :eh_s(15):

 

[زوجة عزيز]

يمكن مكتفي من الحب

 

[Queenleo]

في رياييل مايحبوون العاطفه وايد
صدقيني يختنقونن منها
او يملون
خل تخفف شووي

 

[a7la_7b]

سوي اللي قالج عليه

 

[اميره1980]

يمكن الزوج فيه هالحاله حس بالملل من كثرة التلزق و الاهتمام الزايد بكل صغيرة و كبيرة و لازم الزوجة من هالناحيه ما تتلزق فيه و تساله بالروحه و الرده على كل شي

 

[شيخه_البيض]

مرحباً
عادي حبيبتي لاتتضايقين ولا شيء
الاسبوع اللي فات انا وريلي كنا نشوف فوزية الدريع ودقت عليها وحده قالتلها انا خسرت ريلي قالتلها شلون قالت خنقته بحبي
من كثر ما احبه ابتعد عني وراح لغيري
لفيت على ريلي جان اقوله صج الريال يختنق من حب مرته قال اي اذا زاد عن الحد يعني تغار وايد وتقوله لأني احبك او تشك فيه وتقوله لأني احبك او تدقق على كل صغيرة وكبيرة باسم الحب
الريال يبيله مرة فاهمة عاقلة تعرف متى تطلع مشاعرها مو بكل وقت حبيبي وعمري بعدين يملها ويمل من هالكلمات يبي وقت الضحك ووقت للنقاش ووقت للمصارحة ووقت للحب ووقت للعب
وكلامه بصراحه منطقي حده
فلاتزعلين ولاتعصبين يمكن ريلج ماعرف شلون يوضح لج هالنقطة
*