في بيتنا إمرأه ... ( ولكن ) ... ورايتي اليديده ويارب تعجبكم ..

[عواار قلب]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

يعطيج العاافيه حبيبتي

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

:wqedqw:
كاااني يا حلووو
صج تبط جبد منيره :rgewrg: قطع
حمدالله لي سيارتي


افا عليج اعجبج بالتوقيع
كنت يومها فصله على اغنيه هههه ما خليت مكان ما حطيته بالفيس بوك وتوبك ايميلي كل مكان :krkrkr:
لزام اكتب عليها حقوق الطبع ههههههه

هلا يا قلبي نورتي لي الرواية
وما عليه مع الاحداث بتشوفين منو اللي يبط الجبد ومنو اللي يحر ..

و الله يتمم عليج اي والله الواحد يرز ويعز نفسة احسن له


وتوقيعج عجيب .. عاد كثري من هالتواقيع اللي تشد حيل ...

 

[حياتي فراغ]

رد : رد: في بيتنا إمرأه ... ( ولكن ) ... ورايتي اليديده ويارب تعجبكم ..

شدني عنوان قصتج .. مادري حسيت وراه سالفه غريبه

بدايتها حلوه و حيييل اندمجت ..

مشكوورة حبيبتي على البارت .. ناطرين البارت الياي :wqedqw:

حبيبتي نورتي لي الرواية بتواجدج
و ان شاء الله تعجبج كلها..​

 

[حياتي فراغ]

رد : رد: في بيتنا إمرأه ... ( ولكن ) ... ورايتي اليديده ويارب تعجبكم ..

الكلام اللي بالقصة واقعي 100% ويحصل في وايد بيوت
والقصة بدايتها حلوة وناطرين البارتات الجديدة

بتشوفين أحداث أكثر واقعية يا قلبي ,,
وتسلمين على متابعتج لي نورتي لي الرواية ..ويارب تعجبج :yaaaaaarb: ​

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

يعطيج العاافيه حبيبتي

يعافيج ياقلبي
وتسلمين على متابعتج لي ​

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

البارت الثالث

رجعت غدير من السوق
دخل خالد غرفته وراحت غدير غرفتها


غدير : ها ناموا الحلوين
أم عبدالله : جننتني مريم عيت تنام تبيلها بسكوت من اللي عند سلمى ..
غدير : في بالكبت بسكوت جان عطيتيها
أم عبدالله : لا بسكوتن لونه أصفر تقول منيره أن جايبته أمها من لندن
غدير : ليش رجعت أمها من لندن
أم عبدالله : ايه ردت اليوم العصر
غدير : وليه ماعلمت بعد فشله جان رحنا نتحمد لها بالسلامة
أم عبدالله : مدري عنها .. بروح باجر أتحمدلها بالسلامة .. تجين معاي
غدير : اي بروح .. خلينا نصلي مغرب ونطلع من البيت
أم عبدالله : كلمتي خالد ..
غدير : إي كلمته ناطره هنادي تدق علي و عقبها نروح لهم
أم عبدالله : على خير إن شاءالله .. شجبتي من السوق
غدير : مغير قميص لمحمد .. ولقيت شباصات شحلوهم خذيت للبنات ..
أم عبدالله : شصار على المحامي ؟
غدير : والله مدري يا يمة جنني .. شهر يعطيني مية دينار وشهر يعطيني ميتين وخمسين
أم عبدالله : حسبي الله عليه عياله ومقصر عليهم يكفي مايشوفهم ولا يسأل عنهم بعد مايعطيهم فلوس
غدير : أنا كلمت المحامي .. قال بيرفع عليه قضية ويستقطع من معاشة شهريا على حساب العيال .. ماينفع معاه الطيب
أم عبدالله : كلمي خالد أخوج خليه يكلمة يجي يشوف عياله
غدير : إذا بيجي يجي من نفسة .. ماله داعي نركض وراه .. هو لو في خير ويعرف الحلال و الحرام جان ماقط عياله لايسأل عنهم ولا يدري عن هوى دارهم
أم عبدالله : ماعليج مرته هذي اللي حرشته ربج مهو مخليها ..
غدير : أنا أعرفه أصلا خبل و أي أحد يقص عليه بكلمتين ..

إهني دخل عليهم عبدالله اللي توه راد من الديوانية

عبدالله : منو الخبل ؟؟
أم عبدالله : مغير نتكلم عن أبو محمد
عبدالله : شفيه ؟؟
أم عبدالله : يمك مايسأل عن عياله ولا يدري عنهم و لا يعطيهم فلوس
عبدالله : والله بنتج هي اللي جابت لنفسها .. الرجال كان مدلعها و طاير بعياله هي بحنتها نحشته
غدير : عبدالله يرحم والديك عنك كلمة سنعه قولها ماعندك اكرمنا بسكوتك
عبدالله : والله أنا ماقلت إلا الصج .. جننتي الرجال و لي اللحين ملعوزته اهجعي مغير بالمحاكم ترفعين بهالقضاية .. انتي اللي طالبه الطلاق هو ماطلق .. كرهتي فيج وبالعيال
غدير : ماطلبت إلا حقي .. وحق عيالي .. و بعدين لاتقعد كل شوي تقول انتي الغلطانه وانتي الحنانه .. أنت ماتدري عن اللي كان فيني من هم من عيشتي معاه ..
عبدالله : واللحين إرتحتي .. كاج لي اللحين تحنين و نفسج بخشمج و تتذابحين مع الناس كلها
غدير : باسم الله تهاوشة مع منو ..؟؟أنت اللي مناشبني كل شوي طالع لي بطلعه .. و واقفي عظم وكل كلمة والثانية إنتي الغلطانه و أنتي العوبه ..
أم عبدالله : بس عاد يا عيال .. اللي صار صار خلاص .. وأنت ياعبدالله خل إختك بحالها خلاص .. كل ماشفتها جيت ناشبتها ..
عبدالله : أنا ماشي تبون شي
أم عبدالله : لا توكل ...



في شقة عبدالله

منيرة : هلا والله .. شفيك نفسك بخشمك
عبدالله : هالغدير .. والله إنها بلشه كل شوي رايحة هالمحكمة ورافعة قضية على طلقها .. والله افضحتنا .. يومنها عنده لعوزته وجننته مغير حنه ورنه و أبي و بشتري .. الله يعينه
منيره : وأنت شكو فيهم خلها تولي أختك هذا طبعها من يومنها بنت .. مدلعه و طلباتها أوامر ..
عبدالله : دابله جبدي هي و ولدها الدلوع
منيره : اسمع ترى العطله جاية
عبدالله : زين شتبين يعني ...؟؟
منيره : خل نروح مصر
عبدالله : إذا على حسابج ماني قايل شي
منيره : والله ماعندي إلا ألف داشة جمعية وبقبضها بعد يومين
عبدالله : بس تكفين بدون عيالج
منيره : انزين باخذ سلمى شقعدها هني ..
عبدالله : والله مالي خلق على الحنه
منيره : لا ماعليك نورة أختي بتجي معانا ويا رجلها وبتاخذ بنتها ..
عبدالله : إيه أثريج مخططه مع أختج ..
منيره : بعد أنا قايله لك .. سفرة الصيف لك و عطلة الربيع لي ...
عبدالله : أشوف خل أضبط الدوام بالاول .. روحي سزيتي حليب .. وجيبي بسكوت ..
منيره : إنزين



(( خلص البارت الثاث ))(( ناطره رايكم ))

 

[دمرت كياني]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

:rerrerek:
أب
أب

 

[بيتي بوب بس كويتيه]

متابعه الى النهايه

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

دمرت كياني
بيتي بوب

حبايبي منورين لي الرواية
و مشكورين على التشجيع
و الاحداث ياية ...​

 

[هجران الليالي]

طلع عبدالله يحب مرته هههههه
غدير بعد شكلها كلش مو هينة ومتسلطة

ناطرين الاحداث .. يارب تخلف على أم عبدالله في مرت خالد تكون طيبة وزينة ماتكون نسرة

 

[دمرت كياني]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

:flower:
طولتي علي
فيني حماس :dddds:

 

[rayona]

خوووووووووش بارت ..


ناطرين البارت الياي:ggdw::ggdw:

 

[حياتي فراغ]

رد : رد: في بيتنا إمرأه ... ( ولكن ) ... ورايتي اليديده ويارب تعجبكم ..

طلع عبدالله يحب مرته هههههه
غدير بعد شكلها كلش مو هينة ومتسلطة

ناطرين الاحداث .. يارب تخلف على أم عبدالله في مرت خالد تكون طيبة وزينة ماتكون نسرة

كل شي يبين بالبارت الياي
وتوقعاتج ياريت تكون صح
حبيبتي نورتي لي الرواية
أشكر لج متابعتج​

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

:flower:
طولتي علي
فيني حماس :dddds:

بنزلج بارت من عيوني

ومشكورة على التشجيع​

 

[حياتي فراغ]

رد : رد: في بيتنا إمرأه ... ( ولكن ) ... ورايتي اليديده ويارب تعجبكم ..

خوووووووووش بارت ..


ناطرين البارت الياي:ggdw::ggdw:

حبيبتي وجودج بالصفحة خووووووووش شي
تسلمين على أحلى متابعة ..​

 

[حياتي فراغ]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

البارت الرابع


سارة : يمآآآآآآآآآآآآآآآآآآآآآ
غدير : أمي فوق .. شتبين فيها ؟؟؟
سارة : وين بلوزتي الحمره ..؟؟
غدير : مدري أسألي الخدامة ...
سارة : استغفر الله ... هبله كل شي مضيعته
غدير : عن التحلطم يمكن تغسلها ...
سارة : كوماااااااااااااااااااري .... كومآآآآآآآآآآري ...
غدير : قصري صوتج روحي لها المطبخ قاعدة اهني وتصارخين
سارة : مو شغلج أنتي ...
غدير : عدلي أسلوبج ... لا أقوم أطقج
سارة : أخاف أصغر عيالج ,,,

كوماري : نعم ...؟؟؟
سارة : وين بلوزة لون أحمر .. ؟؟
كوماري : أنا يغسل ..
سارة : ومنو قالج غسليها و جع ...
كوماري : واجد وصخ ... ريحة خايس ...
سارة : مو شغلج غبية . يا الله روحي جيبيها ..
كوماري : آكو ماي أنا مساع يغسل
سارة : خرب شكلج ..

غدير : عدلي لسانج ..
سارة : أنتي شتبين ماكلمتج ...
غدير : كوماري .. روحي خليها مصرقعه ...
سارة : شنو مصرقعه مصرقع شكلج ...
غدير : سارة أنا ساكته عنج و على طولت لسانج .. اقضبي عمرج لا صج أذبحج ...

نزلت أم عبدالله

أم عبدالله : شفيكم ..... مغير تتذابحون
غدير : سارة منهبله من الصبح ...
أم عبدالله : اتركيها تولي مو صاحية ... لبستوا هدومكم ..
غدير : أنا لابسة ماراح آخذ البنات ...
أم عبدالله : سارة ترى بنصلي العصر و بنمشي .. قومي خلصي لبسج ..
سارة : الحمارة كوماري مغسلة بلوزتي يعني شلبس ... أففففففففففف استغفر الله ... بيت زفت
أم عبدالله : الكبت متروس .. روحي إلبسي بدلتج الزرقة من شريتيها معلقتها بالكبت ..
سارة : مو حلوة .. و ماعندي عليها لا جنطة ولا ملفع وبعدين خايسة قلتج ما ابيها غصب تحنين أخذيها و أخذيها ...
أم عبدالله : كبتج متروس روحي إلبسي اللي تبين .. و إن أذن العصر ومالبستي بنمشي من غيرج ..
سارة : أحسن بعد ماني رايحة ...
أم عبدالله : بنت خالتج مالجة منتي رايحة تباركين استحي على وجهج ...
سارة : اي ماعندي شي ألبسة ....

منيرة نازلة ... و كانت لابسة وخالصة ...

منيرة : السلام عليكم ... قوة خاله شلونج
أم عبدالله : هلا والله ..
منيرة : شفيها سارة ...؟؟
أم عبدالله : تصيح ماعندها شي تلبسة ...
منيرة : سارة .. تبين من بدلاتي .. عندي بدله فوشية تجنن .. أجيبها لج تقايسينها
سارة : مابي .. هالحمارة كوماري .. شكو تغسل البلوزة الحمره
منيره : ايهي اللي فيها مثل شك على الصدر
سارة : ايه ...
منيرة : ويهه خستي فيها .. لبستيها شكثر
غدير : اي يومنها ضيجة .. حنا ندور الضيج الحمدالله والشكر
سارة : تحجت عاد البطة .. محترة
أم عبدالله : عيييييييييييب عليج .. يالله قومي إلبسي ...
سارة : عطيني بدلتج الفوشية ...
منيره : خل أقوم اجيبها لج ...



(( اليوم ملجت عهد بنت خالتهم .. هي رفيجة سارة حيل .. و أصغر من سارة بسنه ... بس عهد متفوقة و اللحين بالجامعه .. أما سارة لي اللحين بالثانوية .. عهد حلوة وضغيفة .. أما سارة موذاك الزود .. و شوي متروسة وعندها كرش و دايم يعايرونها بكرشتها ..))
سارة كانت منقهره من ملجة عهد .. تعرفون غيرت البنات .. بس مو ذيك الغيره اللي تتمنى لها الشر .. بش شوي حاز بخاطرها .. وحطت حرتها بالخدامة و غدير أختها ...


بالسياره

أم عبدالله : سارة شهالحمره اللي حاطتها
سارة : شفيها ؟؟
أم عبدالله : يمج حيل قوية والله اللحين الكل بيتكلم عنج
سارة : خيولون ...
أم عبدالله : لاحول ولا قوة إلا بالله ... بتفضحنا هالبنت
منيره : خاله خليها كل البنات ملطخين وجيهم ..
(( أم عبدالله تعفس وجها ))
غدير : إلا منتوا مسافرين بالعطله ..؟؟
منيره : والله ما أعتقد أمي تعبانه وتوها رادة من علاج .. شكلنا محنا مسافرين وبعدين أحس مالي خلق على السفر هالعطلة ..
غدير : والله أنا ودي أروح العمره ,,
أم عبدالله : إي والله يازين العمر عاد الجو يهبل ..
منيره : خلي خالد يوديكم ...
غدير : وين خالد توه راد من اجازته ولا يقدر ياخذ غيرها
أم عبدالله : إن ردينا بكلم عبدالله .. خل يودينا
(( منيره تبقق عينها و ودها تكفخهم ))
منيره : وين أمس داق عليه رفيجة يقول تعال معاي يقول مالي خلق ..
غدير : لا خل يجي و أنا أكلمة ...
(( منيره يبين على وجها علامات لوعة الجبد ))



خلص البارت
وناطرة التشجيع​

 

[rayona]

مشكوووووووووووورة قلبي على البارت ..


ناطرين الياي :wqedqw:

 

[حياتي فراغ]

رد : رد: في بيتنا إمرأه ... ( ولكن ) ... ورايتي اليديده ويارب تعجبكم ..

مشكوووووووووووورة قلبي على البارت ..


ناطرين الياي :wqedqw:

ياقلبي تسلمين على التشجيع​

 

[بيتي بوب بس كويتيه]

يعطيج العافيه وناطرتج حدي متشوقه على بارت جديد

 

[™حـــوُوُوُر ™]

رد : في بيتنا إمرأه ... ( ولكن ) ... ورايتي اليديده ويارب تعجبكم ..

يعطيج الف عافيه على البارتات والله حيييل اعجبتني الروايه يا الغلا :hjy5jewf:

متابعتج حبوبه :33_1185028183: