في الشهر التاسع وزن البيبي 2كيلو

[Diva-Q8]

انشالله اختي بندعيلج كلنا و مو ناسينج وانا بدعيلج بصلاة الفجر بعد شوي الله يسهل عليج وتطلعين من المستشفى وبنتج بحظنج بذن الله

اتقومين بالسلامه ولاتنسين تبشرينا عنج :*

 

["*آآآنؤؤؤقهـ*"]

لاتحاتين انا ولدت بنتي كاامله وداخله العاشر وزنها كيلوين ونص

مالج شر

 

[retaj12]

حبايبي انتو والله مالي الا الله وانتو ودعواتكم والله محتاجتها واسمع عن الطلق الصناعي صعب وانا هني بالصباح وزوجي يقولي اطلعج للخاص خايف وايد بعد ما اولد اكيد انشالله رح اسولفلكم عن تجربتي بس لا تنسوني بلييييييز وممشكورين على كل دعواتكم

 

[dana1986]

لاتحاتين حبيبتي والله يبلغج فيه
في ناس يابت عيال 900 غرام يعني وزن دجاجه وكاهم بصحة وعافيه
عسى الله يرزقك الذريه الصالحه

 

[بخـــارى]

المهم اعضائه مكتمله
انا يبت بنتي ووزنها 2350جرام
واهيا بالاسبوع ال39

 

[ice-moon]

السلام عليكم

حبيبتي شربي حليب مراعي الفريش الطازج

اللي ٥ ايام وينتهي

شربي ٣ باليوم او اكثر

وشوفي بإذن الله بصير البيبي٣ كيلو

الله يقومج بالسلامه

ويقر عينج بالبيبي

 

[نـعـومـه]

اكلي عدل يمكن وزنه يزيد

احس طبيعي وزنه !!

 

[نـعـومـه]

حبايبي انتو والله مالي الا الله وانتو ودعواتكم والله محتاجتها واسمع عن الطلق الصناعي صعب وانا هني بالصباح وزوجي يقولي اطلعج للخاص خايف وايد بعد ما اولد اكيد انشالله رح اسولفلكم عن تجربتي بس لا تنسوني بلييييييز وممشكورين على كل دعواتكم

الطلق الصناعي عادي سمعت ناس استخدموه يقولون نفس طلق العادي

 

[retaj12]

انا الحين بالمستشفى وحطيلي بربيش بالون قالولي ولادتج باشر على حسب استجابة الرحم ادعولي تكفى حدي خايفة الفير حينزلوني الولادة

 

[Louboutin]

الله يعينج ياربي لاتخافين حياتي حاسه فيج
بسسس شلون شافو وزن البيبي بالتاسع ونوموج المفروض بكل مراجعاتج من البدايه تعرفين الوزن والعظم نموه واذا كان طبيعيً مو فجاه
المهم الله كاتبلج هالشي
الله يعينج واقري قران الله يهون عليج

 

[يا عيون سمي]

حبيبتي كيلوين مو حيل صغير لاتخافين وبعدين اختي يايبيه بينها كيلوين
امي يايبيه اخو كيلو تصوري وحتي مرت ولد خالتي لا تخافين يعني طبيعي اذا اقل من كيلوين لا مو طبيعي

 

[رهـوم]

الله يقومج بالسلامه
حسافه شفت الموضوع متاخر
اذا البيبي صغير اكلي سيريلاك صار معاي جذي كنت بولد بالسابع ووزن بنتي كيلو تنومت وساعدوني ما اولدها وعقب ماطلعت كنت اغصب نفسي اكل سيريلاك عشان تكبر والحمدلله ولدتها اخر التاسع وزنها كيلوين ونص

 

[نور القمر 14]

بعد عمري تقومين بالسلامة الي ما تنام عينه ولا تحاتين ترى حرام يأثر على البيبي وان شاء الله تكونين ولدتي بالسلامة طمنينا عنج وعن البيبي نااااااااااااااااااااااطرينج

:yaaaaaarb: :yaaaaaarb: :yaaaaaarb: :yaaaaaarb: :yaaaaaarb: :yaaaaaarb: :yaaaaaarb: :yaaaaaarb: :yaaaaaarb:

 

[عيون السعودية]

الله يفرحكم بشوفــــة أطفالكم يــــــــــــــــارب
الله لايضيع لكم تعب يـــــــارب
إدعوا لي يابنات أنا فقدت بنتي ماتت في بطني الشهر الثامن بدون سبب طبــــــــي

 

[retaj12]

حبايبي تسلمون والله سبحان الله غيرت البيبي قال وزنه 2 كيلو ونص بس بعد فوات الاوان

 

[حبيبه حماده]

الله يسهل عليك وتفرحين في بنوتتك

 

[retaj12]

تسلمون حبايبي

 

[كويتيه مذهله 87]

الله يسهل عليج يارب وتقومين بالسلامه وتفرحين فيها عرووس لا تحاتين ياقلبي الحمدالله وزنها حلو

 

[كويتيه مذهله 87]

الله يفرحكم بشوفــــة أطفالكم يــــــــــــــــارب
الله لايضيع لكم تعب يـــــــارب
إدعوا لي يابنات أنا فقدت بنتي ماتت في بطني الشهر الثامن بدون سبب طبــــــــي

ان شالله تكون شفيعه لج يوم القيامه
بس حبيبتي مايصير كل ما ادشين موضووع وحده تحاتي تكتبين لها بنتي ماتت ملاحظتج مو اول مره
الظاهر تحبين تخلين الوحده توسوس بس ما ادري شنو قصتج ولا بعد بالخط الكبير والاحمر