في الاسبوع16 وللحين مو عارفه بنت او ولد !!!

[معلمة الاجيال]

قوووه بنات شلونكم شخباركم
بنات انا لي اول تجربة بالحمل .. انا في الاسبوع16 رحت عند د. جيهان .. بمستشفى الهادي .. لكن تقولي يمكن بنت مو اكيد وقالتلي يبين اكثر بالاسبوع 20 ! اهو اكيد يبين بالاسبوع 20 مو قايله شي يديد .. لكن انا ابي اعرف الحين ... وايد اقرا عن حريم عرفوووو امبجر مع ان حجم الجنين زين الحمدلله مافيه شيء ..
وايد قريت عن اشرف بالسلام يمكن اروح له !:bbbiu:
شتنصحوني فيه بنات انا ودي اراجع عند دكتورة ليلى اشكناني على اساس اهي تولدني ..:eh_s(16)::eh_s(16)::eh_s(16)::eh_s(11)::eh_s(11):

 

[مواصله]

انا عرفت بالاسبوع ال17 قبلها كانت وضعية البيبي ماتسمح

صبري اسبوعين وروحي لطبيب شاطر

 

[سمووورة]

لووووول حبيبتي انا ما عرفت الا بالساادس عقب ما طلعت لي قروون كله البيبي مسكر ريووله الله يعينج ويسهل علينااا
نطري لي 20 اسبوووع مو زين تسووين سونارات ورا بعض

 

[Q8Ya GiRL]

ترى صج انا مره سويت بالاسبوع 16 وقالولي بنت
ورحت بالاسبوع 20 جان يطلع ولد :d
حتى الدكتوره قالتلي انتي متأكده اني قلتلج بنت
لان واضح كان

حبيبتي صبري كلها جم اسبوع يمرون بسرعه
وبعدين كل شي من الله حلو
اهم شي يكون سليم

 

[انجبر قلبي]

اي صح روحي عند دكتور اشرف بالسلام

اهو يقول وايد اييوني عشان بس يعرفون جنس الجنين

انا رحت له بالاسبوع 18 وماشالله بسرعه عرف

وقاللي انتي لو يايتني من الاسبوع 11 اعرف

جربي روحي له والسونار التفصيلي عنده ب30

بس يسوى تطلعين بالج مرتاح

 

[فدددك]

حبيبتي انا الحين بالأسبوع 22 وللحين ما عرفت جنس البيبي

كله مسكر ريوله
عاد اليوم مراجعتي وانشالله أعرف

واذا ماصار بروح حق دكتور أشرف بالسلام واييد يمدحونه

 

[om MaRyooM]

دكتوري يقول بالاسبوع 18 90% يبين ..

وترا عادي في ناس تعدي هالاسابيع ومايبين سبحان الله


وان كان على د.ليلى انا ارتاحلها بس ماجربتها للولادة .. كنت بس اراجع عندها

 

[جديده 1]

انتي و حظج مسكر ريوله ولالا .. بس الاكيد من الاسبوع 20 و طالع

 

[نـعـومـه]

انا اشرف قالي بالاسبوع ال ١٣ وهم لازم اتأكد

ودام قالتلج احتمال بنت معناته احتمال الاكبر بنت

 

[بربيره]

اشرف حيل يمدحونه

و صاجه ترا هم بنتي مو مبين مو مبين لان بنت فماكو شي بين ريولها تاكدت انها بنت بالاسبوع ١٨

و اذا هالمره قالولي ولد من الاسبوع ١٢ كان في شي بارز والله يكتب لج الي فيه الخير

نطري اسبوعين و سوي سونار و انا لاني ما اروح عند دكتور رحت عند سها بعيادة فوزيه روووعه هالدكتوره

و بالها حيل طويل لان البيبي عندي كان مسكر ريوله فطولت معاي نص ساعه و تفسيتها حيل حلوه سوي الي يريحج والله يوفقج

 

[نور الدنيا 88]

روحي عند اشرف انا قالي من الاسبوع ١٣ و تأكدت عند دكتورتي ليلى بالاسبوع ١٦
و سويت عند اشرف بالاسبوع ٢٠ عشان اتأكد و سويت بالحكومة بالاسبوع ٢٣
و ان شاء الله يوم الاحد مراجعتي و بتسويلي رباعي بتأكد اهع *

 

[@ام يوسف@]

ااااب

 

[شوق روحي-305-]

انا باسبووع 23 توني دخلت السادس ولحد اللحين مابين
مراجعتي بشهر الرابع قالت لي البيبي مسكر ريوله و احتمال ولد:eh_s(16):
ولما رحت لها مراجعتي بشهر الخامس قالت البيبي مسكر ريوله ونااايم على بطنه وقالت احتمال بنت:eh_s(16):
وقالت مراجعه الشهر الجاي لما ادخل السادس بتأكد وبروح لهاا ان شاءالله..:eh_s(10):
وبنشوف يبين ولالا...:bbbiu:
ودي اعرف متشووقه حدددي
ودي اشتري اجهههز....:eh_s(16):

 

[miss_Ba6oOo6a]

عادي انا ببنتي ماعرفت الا اخر السادس كله مصكره ريولها اتوقع بنيه لان الولد بسرعه
صكة الريل حركات بنااااات